|
احد (ن) ينام وحط راسه بكمه واحد(ن) تخم النوم عينه وتخطيه !
صباحكم شعر :004:
قصيدة للشاعر / بندر بن سرور الروقي العتيبي رحمه الله: يالله ياجالي الامور المهمه = تجلا وهج قلب(ن) برى حال راعيه البر دجته والبحر رحت يمه = يقطعك ياحظ (ن) على الله مساعيه يوم ان ولد اللاش رزقه على امه = رزقي على اللي ميت القشع يحييه يامل قلب(ن) كل مامات همه =دارت دواليب الدهر لين تحييه افراق شمل الناس عيا يلمه = وقت يشيب الراس من شاية فيه احد(ن) ينام وحط راسه بكمه =واحد(ن) تخم النوم عينه وتخطيه واحد(ن) يحاول بالردى بنت عمه =واحد(ن) يحاول ستر عذرى عوانيه ماني وانا بندر ببياع دمه =يقطعك يابياع دمه ومهفيه اللي يبيّع لابسات الازمه =ثور(ن) يبي بيض الرعابيب تغنيه يزعل ليا جت ليلة الدور يمه =يرضى بسوق المال فخوه وفابيه خطو البخيل اللي يكبر معمه =يقرا الكتاب وواجب الله يخليه اما هرج لك في رفيقه بنمه =والا عطا وامه تضيع هقاويه أنشدك ياللي كل فرض(ن) تتمه = تقرا الكتاب وكل فرض(ن) تصليه ويش القليب اللي غميق(ن) مجمه =مافاد غرسه ماه عطشى سوانيه تخالف الانظار شرق(ن) ويمه =وكل(ن) هدف رآيه من الناس مرضيه سم السبب ياعارف عنه سمه= سم السبب ياعارفه قبل اسميه |
رد: احد (ن) ينام وحط راسه بكمه واحد(ن) تخم النوم عينه وتخطيه !
،
، أنشدك ياللي كل فرض(ن) تتمه = تقرا الكتاب وكل فرض(ن) تصليه ويش القليب اللي غميق(ن) مجمه =مافاد غرسه ماه عطشى سوانيه اختيار جميل كجمالكك صح لسان الشاعر وسلمت يداك ع الاختيار :16: |
رد: احد (ن) ينام وحط راسه بكمه واحد(ن) تخم النوم عينه وتخطيه !
:
وصباحك الفروح والسرور ، صح لسان الشاااعرها وصح لسان ناقلها ، أبياات في قمة الجمال ، إختيار جميل جداً ، سلمتي وسلم شاعرها الأبيات الجميلة ، |
رد: احد (ن) ينام وحط راسه بكمه واحد(ن) تخم النوم عينه وتخطيه !
اقتباس:
يخرب بيت َعدوَه ذا البيت يوم قريتَه قلت راحت النخوه راحَت :bawling: ويوَم عطَى مثال سنَع قلت يازين بندر زيناه > اسمو من البيت اللي بعده قصيَده بطله جدا , قريتها مرتين وجاَزت لي بالحيل .. صح لسان شاعرها وسلمت ع الانتقاء لله درك على مانقلته فيذا :004::004: كل الشكر لك دوك:rose: |
رد: احد (ن) ينام وحط راسه بكمه واحد(ن) تخم النوم عينه وتخطيه !
اقتباس:
الله يسلمك اخوي نورت واشكرك ع المرور |
رد: احد (ن) ينام وحط راسه بكمه واحد(ن) تخم النوم عينه وتخطيه !
اقتباس:
صح بدنك حبيبتي الاجمل مرورك نورتي :004: |
رد: احد (ن) ينام وحط راسه بكمه واحد(ن) تخم النوم عينه وتخطيه !
اقتباس:
هههههه الله يسعدك :004: يسلم غاليك نورتي ياجميله :rose: |
رد: احد (ن) ينام وحط راسه بكمه واحد(ن) تخم النوم عينه وتخطيه !
تسلم يمينك ويسلم ذوقك على الاختيار الاصيل..لاهنتي على الطرح المميز..! وبندر بن سرور الله يغفر له وبرحمه ويسكنه فسيح جناته وجميع موتى المسلمين شاعر علم وغني عن التعريف. متنبي عتيبه..لقب من القابه ..وتعجبني قصايده واسلوبه ..وأخترتي رائعه من روائع الشاعر في الحكمه..واتوقع كانت اخر ابيات القصيده هي سبب دخوله السجن هاذيك الفتره رحمة الله عليه . اسف ع الأطاله ..بس اختيارك كذا :(204): تحياتي |
رد: احد (ن) ينام وحط راسه بكمه واحد(ن) تخم النوم عينه وتخطيه !
واحد(ن) يحاول بالردى بنت عمه =واحد(ن) يحاول ستر عذرى عوانيه
بندر مدرسه شعريه مميزه احييك على روعة وجمال الانتقاء ابيات من ذهب نقلتها اناملك الذهبيه يسلم هالذوق الجميل |
رد: احد (ن) ينام وحط راسه بكمه واحد(ن) تخم النوم عينه وتخطيه !
اقتباس:
الله يسلمك ويرحم والديك مافيها اطاله لاهنت نورت اخوي |
| All times are GMT +3. الوقت الآن حسب توقيت السعودية: 02:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام