|
سؤال ضروري
السلام عليكم ورحمة الله وبركاته
وكل عام وانتم بخير وينعاد عليكم أعوام وانتم في أتم الصحه والعافية اب استفسر عن صلاحية اختبار القدرات في القبول في الجامعة كم بالضبط اختباري كان شهر 5 عام 1433 متى ينتهي وما تقبله الجامعة وتطلب اعادته علما ان أنا بسجل السنة الجاية ووقت التسجيل بيكون مر على اختباري سنتين و ثلاث اشهر هل يقبلونه الجامعة او لازم اختبر من جديد طم نوني أنا درجتي حلوه بالاختبار وأخاف أعيد وتنزل وفيه شئ ثاني أنا خريج قسم العلوم الإدارية وجامعة الملك فيصل ما فيها إلا علمي وأدبي أنا وش يكون يعني علمي ولا ادبي واهم شئ أختبار القدرات النحس مخي ناس يقولوا لازم تختبر وناس يقولوا لا اللي عنده الإجابة الصحيحة يريحني واحححبكم |
رد: سؤال ضروري
وعليكم السلام والرحمه وأنت بصحه وسلامه مدة اختبار قياس 3 سنوات وتقريبا مددوه الى 5 سنوات يعني الاكيد اذا كنت مختبر العام راح تظل صلاحية درجتك الى السنه الجايه تطمن .. واذا تبي تعيده عادي مافي مشكله حتى لو جبت درجه اقل لاقدر الله راح يخذون لك الدرجه الاعلى اللي هي لاختبار السنه اللي راحت ومن غير مايرجعون لك يعني بشكل آلي لان الدرجات لقياس مو انت اللي تحطهم هم ياخذونهم وقت التسجيل من ملفك عند قياس يعني يطلعون لك جاهزين اما بالنسبه لقسم العلوم الاداريه يصنف تحت الادبي موفق يآرب |
رد: سؤال ضروري
تسلمين يا أختي الله يطمنك بس بخصوص قسم العلوم الإدارية أنا السنه اللي راحت في التسجيل اختار نوع الثانوية ادبي ولما أسوي معاينة الطلب القي نوع الثانوية علمي ارجع أعدلها ادبي وفي نهاية التسجيل تطلع لي علمي ليهه
|
رد: سؤال ضروري
هذي المشكله تطرحها لدعم الجامعه افضل ,,
انا اتوقع ان التخصص لا يقبل الادبي فقط علمي ! < مجرد توقع ماني متأكده |
رد: سؤال ضروري
أختي ريمنقو هو يقصد أول مايحدد نوع الثانويه قبل مايختار الرغبات عشان ع اساس العلمي او الادبي يطلع له التخصصات اللي هي الكليات المسموحه / طيب يمكن العلوم الاداريه تعتبر علمي مو أدبي ! |
| All times are GMT +3. الوقت الآن حسب توقيت السعودية: 12:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام