|
العيد باكر والعرب قالوا عسى عيدك سعيد
السلام عليكم ورحمة الله وبركاته كل عام وأنتم بألف خير ابيات متواضعه اتمنى ان تنال رضاكم العيد باكر والعرب قالوا عسى عيدك سعيد000وانا السعادهـ فارقت قلبي وفالصدر غلقه عزّي لقلب ً ماغفى يكتب من أوجاع القصيد000يقول ليه اللي نحبه صد قلبي وفتقه الحل وشهو ياعرب عطوني الحل الأكيد000في قلبي اللي يشتكي الفرقى من اللي يعشقه حبً على وضح النقى ماهوب حبً مايفيد000حبً بنيته بالوفا بس الزمن ماوفقه ياوجد حالي وجد من ماله سوا اخت ً مع عضيد000وصوب عليهم بالخطى وماتو على اسباب فشقه عليك ياللي فالحشى لكن قلبك من حديد000أهديتك عيوني وقلبي والقصيد إلك صدقه مالدت عيوني على غيرك وتجري في الوريد000رغم الغياب اللي كسر قلبه وحاله مرهقه تدرين يا اغلا من عشقته فالبطى وشهو الجديد؟000جرح الزمان اللي كسر قلب المعنى وحرقه في هالغياب اللي قضى حالي وش اللي تستفيد؟000اشقيت مرسم شاعرك واشقيت قلبه وورقه يرضيك هالعالم تعيّد كلها وانا وحيد000ضاقت بي الدنيا شمال وضاق حتى مشرقه ان كنت راضي استمع رايي وانا رايي سديد000لامن نويت اتغيب قلبي للقبر تكفى سقه |
رد: العيد باكر والعرب قالوا عسى عيدك سعيد
يرضيك هالعالم تعيّد كلها وانا وحيد000ضاقت بي الدنيا شمال وضاق حتى مشرقه ان كنت راضي استمع رايي وانا رايي سديد000لامن نويت اتغيب قلبي للقبر تكفى سقه قصيدة ممتلئة بالمشاعر وصح لسانك يا شاعر |
رد: العيد باكر والعرب قالوا عسى عيدك سعيد
قصيدة ممتلئة بالمشاعر وصح لسانك يا شاعر صح ابدانك ويشرفني مرورك :16: |
رد: العيد باكر والعرب قالوا عسى عيدك سعيد
_
آبيآت جميَله ورآئعه وعيدكم مبآرك وياعساه عيدن سعيدد صح لسآن كآتبهآ وسلمت يآخوي كل الشكر لك |
رد: العيد باكر والعرب قالوا عسى عيدك سعيد
:rose::rose: اقتباس:
اقتباس:
صح ابندانك وانتي بصحه وسلامه وعساك من عواده |
| All times are GMT +3. الوقت الآن حسب توقيت السعودية: 08:39 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه