ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : ابو العيون (https://vb.ckfu.org/showthread.php?t=505853)

كحيلان العطاوي

2013- 10- 9 11:18 PM

ابو العيون

ابو العيون اللي هدبهـا مراييـش
يابو الدلـع يااللـي شفايـاك ذبلـه
ياما على شانك نويـت المطاريـش
وياما تبعتك شـرق والنـاس قبلـه
واليوم كني شفت في الوضع تشويش
شيٍ مجمعت العلـوم تحسـب لـه
وش عاد لو تزعل علي الدراويـش
أنا بدويٍ راح يتبع هـواء... أبلـه
علط الرقاب اللي وبرها عكاريـش
لاربعت قلبـي يزيـن الطـرب لـه
ننزل بها في منـزلٍ مابعـد نيـش
روضٍ خضر عشبه خزامـا وربلـه
في ليلةٍ يأتـي مطرهـا رشاريـش
هـذا ربيـع القلـب عقبـه وقبلـه
لاتحسبني عقب فرقاك مـا أعيـش
من لاحسب لي عادتي ماحسب لـه
حتيش لو بينتي الصد حتيش
لانيب عنتر ولانتيب عبله

З B A D I

2013- 10- 9 11:25 PM

رد: ابو العيون

كحيلان ابدعت في الاختيار ..

اشكر روعه طرحك ..

كحيلان العطاوي

2013- 10- 9 11:28 PM

رد: ابو العيون

يعطيك العافية اخوي badi

الــغـــدراء

2013- 10- 10 09:53 PM

رد: ابو العيون

،،،

وش عاد لو تزعل علي الدراويـش ... أنا بدويٍ راح يتبع هـواء... أبلـه
علط الرقاب اللي وبرها عكاريـش ... لاربعت قلبـي يزيـن الطـرب لـه
ننزل بها في منـزلٍ مابعـد نيـش ... روضٍ خضر عشبه خزامـا وربلـه
في ليلةٍ يأتـي مطرهـا رشاريـش ... هـذا ربيـع القلـب عقبـه وقبلـه

صح لسان الشاعر سلطان الهاجري و سلمت يمينكـ ع الاختيار الجزل
لاهنت ...:rose:

كحيلان العطاوي

2013- 10- 11 02:58 AM

رد: ابو العيون

شكرا مشرفنا الغالي على ردك

لكَبريآئي روآية

2013- 10- 11 06:10 AM

رد: ابو العيون

.
.

انتقاء جميل , يعطيك الف عافيه :16:

Dr ʀeнαв

2013- 10- 11 01:51 PM

رد: ابو العيون

_

ياعيني آبيآت رائعه بالحيل ,
يعطيك ربي الف عافييييه ,’
صح لسان شاعرها وسلمت ااناملك ع النقل
كل الشكر لك

All times are GMT +3. الوقت الآن حسب توقيت السعودية: 02:33 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه