|
عذب القصيد
السلام عليكم ورحمة الله
تحية باسمة عطرة .. لتلك الوجيه الباسمة من منّا لا يتذوق الشعر في هذا القسم ويتغنى به !! وبل ونترم أحياناً ببعض الأبيات أو نستشهد بها . حقيقة كل من كان له تواجد في هذا الملتقى الأدبي فهو متذوق للأدب أياً كانت صنوفه ولا شك ومن الجميل أن نستشعر تلك الأحاسيس عبر انتقاء الكلمات الشعرية للعضو :rose: عذب القصيد :rose: موضوع وإن كان يتماثل مع بعض الموضوعات في جزئيات إلّا أنه له خاصية التوثيق لما يكتب .. و الكمال في اختيار النص أحبتي .. هذا الموضوع للانتقاء من عذب القصيد و الكلام سواء من الشعر بشقيه الفصيح والنبطي .. أو من الشعر الغنائي وبمختلف اللهجات .. خليجية / مصرية / شامية / دول المغرب العربي وحسب ذائقتكم وحسكم الأدبي الرفيع على أن يدون بكل مشاركة قائل القصيدة أو الشعر فكثيراً ما نرى مشاركات عدة بأبيات شعرية تمنينا أن نعرف قائلها و يكون من الجميل أن تكتب القصيدة كاملة . وإن كان ذلك ليس الزاماً :rose: عذب القصيد :rose: يزهو فقط بذائقتكم .. وانتقاءكم من حدائق الشعر أعذبه ومعه نرتقي بذوقنا جميعاً في فن الأدب العربي :rose: عذب القصيد :rose: مجرد فكرة .. أتمنى تلامس حسكم ومشاعركم النبيلة لكم الود :106: |
رد: عذب القصيد
قلبي ياللي لواه من الصواديف لاوي *** جرحته الليالي و الحظوظ الرديـّـة
والله إني بوسط الناس كني خلاوي *** من يلوم المفارق عقب فرقا خويـّـة أشهد إن المفارق من عظيم البلاوي *** مير هذا نصيبك يالعيون الشقيـّـة اتجلد وأقول إني على البعد قاوي *** والله أعلم بقلبٍ فيه الأشواق حيـّـه كيف راحت يابو تركي حياتي شقاوي *** وين درب السعادة والحياة الهنيـّـة ليت لأهل الهوى والحب قاضي دعاوي *** كان أداعي عيون اللي فراقه خطيـّـة كنّي المبلي اللي قطعته المكاوي *** كلما جظ بالونات زادوه كيـّـه من إبداعات الشاعر/ دايم السيف ( الأمير/ خالد الفيصل ) |
رد: عذب القصيد
ياصاح أنا قلبي مـن الحـب مجـروح *** جرحٍ عطيـبٍ مالقـى لـه مـداوي
لو ينشـرى قربـه شرينـاه بالـرَّو ح *** مير البلا شوفـه غـدا بـه هقـاوي أهلِّ دمعٍ فـوق الاوجـان مسفـوح *** على الَّلذي ماهـوب للهجـر نـاوي أنا ادري إنَّه مثلـي اليـوم مطـروح *** لاشـك مايقـوى ولانـي بـقـاوي لولاي اداري سرَّ الاحبـاب لابـوح *** وابيـع بيعـات الهبيـل الـفـداوي لكنِّي اجحد فيه عـن كـل مفضـوح *** خوفٍ عليه مـن الحكـي والدَّعـاوي حسبي على الَّلي حط في الدَّرب ساموح *** العـاذل الَّلـي جـر كـل البـلاوي مـن اوَّلٍ بـاب المواصيـل مفتـوح *** يـوم إن عـذَّال المـودَّه خــلاوي واليوم سدَّ الباب لـوحٍ علـى لـوح *** وامسيت أنا ياصـاح قلبـي شقـاوي الشاعر/ خالد الفيصل |
رد: عذب القصيد
طرح جميل والفكرة مميزة
وجميل ان الموضوع ليس محصور على لهجة معينة ولي عودة بالمشاركة |
رد: عذب القصيد
ظالم وسلم الود مايمشي عليك .. لو ان خمر الحب يقطر من شفاك
قلبي يبي قربك وعقلي مايبيك .. واحترت بين العقل والقلب وغلاك ان طعت قلبي طحت في قبضة يديك .. وش عاد في قبضة يديك الا الهلاك وان طعت عقلي ردني ماعاد اجيك .. وابعدت عنك وكيف بتحمل جفاك كل الطرق جربتها وازريت فيك .. ياليت يوم الله بلاني بك هداك اليوم انا جيت اشتكي لك واشتكيك .. قاضي وخصم وكلها تمشي معاك تكفى تخلصني برحمة والديك .. المر في عشرتك نساني حلاك الشاعر / عبدالله الطلحي |
رد: عذب القصيد
انتي بكف وباقي الخلق في كف
......... متعليه في وسط قلبي ولك شان في غير وصلك مالقلبي ترى شف .........محتاج لك يانور عيني وشفقان لا جابوا اسمك صرت انا تقل مختف .........مالي على نفسي الى اطروك سلطان من غير حبك غضت عيوني الطرف ......... ياللي جمالك صار للزين عنوان اريد انا قربك ترى ياغذا الحرف ...........وان ماحصل موتي ودنياي سيان طلال الرسيد |
رد: عذب القصيد
ليت الشوارع تجمع أثنين صدفه..! يطيح جفن الليـل واهـز كتفـه نجم يفز، وباقي الليـل مطفـي واحاكي الجدران عن مثل غرفـه ماتشبه الجدارن ويطول وصفـي وتملني الجدارن واظهر لشرفـه تحت السماء واسكر الباب خلفـي ريحٍ تهب وتسكن العظـم رجفـه وتموت ريح وتسكن اوراق نزفي على الروابي تهطل دموع وطفه ويصب لمع بروقها وسط طرفي ياطاري الغدران ، والعمر رشفه مع قلّها ، ياليتها ييـوم تصفـي ليت الشوارع تجمع اثنين صدفـه لا صار شباك المواعيد مجفـي الحب واجد مير الأقـدار صلفـه والارض واجد لكن العزم منفـي والي اعرفه راح مانيب اعرفـه ولااظن يذكرني اليا ااقبلت مقفـي ماهو حبيبي مورد القلـب حتفـه ولاهو حبيبي يفرح بوقت ضعفي هذا وتّو الليـل مـاراح نصفـه ياليل بعض اللي مضى منك يكفي بدر بن عبد المحسن فكره روعه وطرح اروع سلمت :) |
رد: عذب القصيد
كثــــر الـــنهـــــار أشــتـــاق و إنــتي بعيـــده الــــين أشــــوفــــك كثـــر ما تـــنبت أشجـــــار
ومــثـــل الــرمــــال أحــس روحــي وحــيــده الي أجـــدبت عامـــــــين مـا طــــاحت أمـــطار طـــال الـــســــهــــر والـــليل ينـــزف وريـــده في صــدري اهمـــــوم وهـــواجـــيس وأســرار كــــل الــحــــروف المـــبـــطيـة والجــــديــده تطــري علي لاشـــك فـي شــوقـــي احــتــار قبــــل الـــورق وانـــت فـ بـالـي قـصـــــيده وبعـــد الــــورق ضيــعــت أنــا كـــل الأشـعـــار بدر بن عبد المحسن |
رد: عذب القصيد
وين أنت ماهي مثل وين أنت دايم!! وين أنت هالمره عن الفين وين أنت. يا مطوّل الغيبات وين الغنايم.. ما بي ولا حاجة سواك أنت لا هنت. قريب مني لكن الوصل غايم!! بعيد وأقرب لي من اسباب ما بنت.. انا ماحبك حب انا فيك هايم. بيّن غلاك في قلب مغليك مالنت.. حظي معك مابين مخطي ولايم. وتحدني لاقصاي وتقول هونت.. وأحب غيرك ليه والحب صايم. عن حب غيرك حافظك مثل ما كنت.. أحتجت لك ناديتلك وانت نايم. ماني مصدق خافقي تجرحة بنت!! وين إنت ما هي مثل وين إنت دايم. وين إنت هالمره من القلب وين إنت؟؟؟؟؟؟ مشكور مسيّر |
رد: عذب القصيد
() موطن جميل..:004::004:ويحممل آعذب وارق القصايد.. سلمتَ يَ مسير عً المساحةة المميزة.. لي عودة..:004::rose::rose: |
| All times are GMT +3. الوقت الآن حسب توقيت السعودية: 06:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه