|
السلام عليكم ابي مداخله منكم لاهنتو
السلام عليكم ورحمة الله بركاتهاسعد الله مساءكم بالخير والمسرات .. توني الان دخلت نظام التعليم الافتراضي ودخلت عليكم في الملتقى الا وحصلت المناقشات نزلت والمحاضرات نزلت واشوفكم تتناقشون في بعض المواد وغيره من المحاضرات المباشره.. السؤال هنا هل المستوى الثاني يختلف عن المستوى الاول من ناحية الصعوبه ؟؟ لاني بصراحه نظامي المستوى الاول حملت المحاضرات وشاركت بالمناقشات والواجبات قبل الاختبار باسبوعين وقبل كل اختبار بيوم اذاكر الملزمه ومعها اسئلة الاعوام السابقه وانتهى الموضوع ,, هل طريقتي صحيحه والا اما لازم اغيرها |
رد: السلام عليكم ابي مداخله منكم لاهنتو
وعليكم السلام ورحمة الله وبركاته..
انت اطلع على الواحد وشوف الصعب ابدأ فيه من الحين والسهل خاصه اذا يعتمد على الحفظ فقط قبل الاختبارات ذاكره.. بس المناقشات الافضل تحلها او بأول لان المواد كثير مو زي المستوى الاول.. وبالتوفيق,, |
رد: السلام عليكم ابي مداخله منكم لاهنتو
الله يعطيك العافيه أختي نونه
|
رد: السلام عليكم ابي مداخله منكم لاهنتو
وعليكم السلام ورحمة الله وبركاته ..
بالنسبة لطريقتك الكثير يعتمد عليها وفيه اللي ينجح وفيه اللي الله يستر عليه :icon9: لو تبتدي تغير طريقتك أفضل لأانه كل مارحت مستوى اعلى راح تبتدي تصعب .. يعني تحمل المحاضرات وتحل المناقشات أول بأول راح يطيح منك حمل كثير وتفتك .. وراح يكون عندك بالاخير وقت للمذاكره .. ومثل ماقالت الاخت نونة إطلعت على الماده اللي تحس يبغالها تركيز وحفظ حاول تذاكرها واللي تحس إنه سهل خله قبل الاختبارات باسبوع ذاكره .. وقت الاختبارات يكون عندك بس مجال للمراجعه والاطلاع على نماذج الاسئلة للاعوام اللي سبق وبكذا تكون شملت كل المواد وريحت نفسك ولا تضغط نفسك بوقت الاختبارات . فالك التوفيق .:106: |
رد: السلام عليكم ابي مداخله منكم لاهنتو
وعليكم السلام
بالنسبة للمقارنة بين المستوى هذا والمستوى السابق من وجهة نظر مبدئية >>يعني للحين ما بديت الدراسة جد لكن مبدئيا هذا المستوى اصعب يعني اللي كانت مشكلتة خلال المستوى اللي راح بـ الانقلش المستوى هذا معاه مادتين انقلش ههههههههه واللي مثل حالاتي يكرة شي اسمة نحو ومستحيل يستوعبة للحين معه نحو لا وزاد عليه التذوق الادبي ههههههههه واللي داخل بزعمه كلية الاداب وهاج من الرياضيات والمحاسبة معه خلال المستوى هذا مادة اسمها احصاء يقولون انها مشتقة من الرياضيات >>طبعا من سمعت هالكلام سحبت عليها واجلتها للمستويات الجايه مستحيل اقدر استوعب رياضيات ونحو خلال مستوى واحد وبعد وش فيه >>> يمكن خلاص بس عاد لازم نحسب حساب التجويد وبرامج الحاسب اما بخصوص طريقتك والتي تذكرني بطريقة اخوي الله يهديه مع فرق بسيط وهو ان اخوي عمره ما حل مناقشة ولا حل واجب ولا حمل محاضرة ولا تابع شي ولا طبع ملخص وما يذاكر ليلة الاختبار يذاكر قبل الاختبار بساعة ههههههههه>>> وطبعا ما يحتاج اقولكم ان معدله زفت اللهم لا حسد من وجهة نظري الشخصية ان هذه الطريقة ليست مفيدة خصوصا للاشخاص اللذين يبحثون عن مستقبلهم من خلال الدراسة الجامعيه والافضل ان يخصص وقت ولو ساعه اسبوعيا او اقل فقط للتحميل والحل وممكن الاطلاع وفهم المطلوب من المنهج حتى يكون وقت المذاكرة قبل الاختبار هو فقط للمراجعة أسأل الله للجميع التوفيق |
رد: السلام عليكم ابي مداخله منكم لاهنتو
^
تفاءلوا بالخير تجدوووه :) |
رد: السلام عليكم ابي مداخله منكم لاهنتو
اقتباس:
ارجو ان ما تكون مشاركتي فهمت على انها دعوة للتشاؤم ابدا انا بس حبيت اني ارد على سؤال صاحب الموضوع بكل امانة وصدق انا شخصيا متفاءلة جدا للمستوى هذا وللدراسة بشكل عام و لو لم اكن متأكدة من قدرتي على تجاوز المواد والمستويات كان من الاساس ما قدمت للدراسة وواثقة ان جميع زملائي هنا نفس الشيء يهمني كثير انك ما تفهميني غلط يا ام عمر انتي من الاشخاص اللي لهم معزة خاصة وما ننسى مجهوداتك ومساعدتك لنا خلال المستوى اللي راح بشكل خاص لك كل الشكر وجزاك الله خير |
رد: السلام عليكم ابي مداخله منكم لاهنتو
الله يعطيكم العافيه
|
رد: السلام عليكم ابي مداخله منكم لاهنتو
اذا ممكن وش الملخصات اللي نعتمدها ونذاكرها
لأن يقولون في مواد تغير الدكتور فيها |
رد: السلام عليكم ابي مداخله منكم لاهنتو
الملازم التي يمكن اعتمادها هي
الاربع مواد (تلاوة وتجويد ومادة النحو 2ومادة القراءة والمحادثة ومادة فقة السيرة )عندك ملازم الاستاذ هتان الموجودة في موضوعه المثبت هنا في قسمنا في الملتقى ومادة التذوق الادبي في ملزمتين وحدة للاستاذة تغريد العتيبي ووحدة للاستاذ ناوي الرحيل اما علم الاجتماع فيه ملخص حلوة فكرته هو ملخص الاستاذة ترننق بوينت وهو عبارة عن محتوى المادة على شكل خرائط ذهنية لتسهيل الحفظ والفهم اما برامج الحاسب المكتبية ففيه ملخص لكن المادة تطبيقية لازم متابعة المحاضرات وتطبيق الدروس عشان تنفهم الانقلش كتابة فيه ملخص ام يزن بصراحة يمدحونه لكن انا عادة الانقلش ما اعتمد على ملخصات ومادة انقلش قراءة هي اللي تغير دكتورها فيه ملخص جاري العمل عليه وهو موجود في موضوع الدكتورة فجر جزاها الله خير لكنه الى الان ما اعتمد وبالتوفيق |
| All times are GMT +3. الوقت الآن حسب توقيت السعودية: 11:39 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام