|
المذاكره
السلام عليكم ممكن احد يعلمني كيف ابدأ مذاكره لانه من جد انا تاركه الدرسه 9 سنوات يعني يبغالي شوية اساسات امشي عليها في المذاكره جزاكم الله خير |
رد: المذاكره
سمي بالله وصلي علي النبي .....
اطبعي الملخصات ... وكل يوم اسمعي لك كم محاضرة على حسب وقتك حلي التمارين بآخر كل محاضرة .... وطبقي الي فهمتيه على المناقشة والله يوفقنا جميعاً |
رد: المذاكره
مثلك انا والله مو عارف كيف اذاكر مدري من وين ابداء ومن وين انتهي
بس جت على بالي فكره ومن ساعتين ونا جالس اضبطها من بكرا ببدا فيها جمعت ملخصات اكثر من ملخص وبطبعهم مثلا : مبادئ القانون : نزلت كل الملخصات الي بالانترنت بطبعهم بالبيت عشان ماخسر نفسي اطبع الين اشبع وعلى فكره وناسه الطباعه هههههه وثاني شي الي بسويه بحمل جميع المراجعات +الواجبات +واسئلة الاختبار +وادور كويز .. يبقى كذا بس اطبعهم وادبسهم واطرفهم على جنب لن ماقدر ادبسها اسفل الملخص لن بيكون متوفر عندي 4 ملخصات او 3 او 2 اقل شي وبعدها بفتح المحاضره المسجله وامسك فقره فقره وافتح جميع الملخصات وجيبلي ورق كبير بخليه مثل الدفتر وبجلس اكتب حبه حبه واتمرن على المسائل عشان اقدر احفضها لن بدون كتابه صدقوني اصعب بيكون طبعا مراح امشي الفديو حق المحاضره الا لمن امر على جميع الملخصات لن بعض الملخصات تجيبلك شي مفيد مثلا تحصل سؤال اسم امك؟ وبتحصل سؤل ثاني بملخص ثاني بصيغه ثانيه ماهوا اسم ماما ؟ فا لازم اعرف جميع الصيغ عشان بالاختبار ابدع لكن مدري هل فكرتي حلوه ولا فاشله لن والله الدراسه اكره شي بحياتي لكن الجامعه دخولي فيها كذذا ضربت حض كانت فلوس زايده هههههههه اتمنى لو فيه احسن من طريقتي يفيدني عشان اطبقها بكره |
رد: المذاكره
يسلمو للجميع انا بديت اسمع المحاضرات واكتب فورق فاضي ملخص المحاضرات وان شالله استفيد
|
رد: المذاكره
وعليكم السلام ام حاتم :16:, بعطيك طريقتي بالمذاكره اطبعي الملخصات اللي حاطينها بالمنتدى , ثاني شي امسكي ماده كل يومين , يوم تابعي المحاضرات وخططي مع الدكتور بالملخص عشان تفهمين وش يقول واذا قال أي ملاحظه اكتبيها جنب المحاضره , واليوم الثاني ذاكري المحاضرات اللي تابعتيها , من الملخص , ربي يوووفقك :1:
|
رد: المذاكره
الله يوفقنا واياكم
|
رد: المذاكره
أنا احأول أطبع الملخصات واستمع للمحاضرات ونحدد الاشياء المهمه وبعد أطبع المراجعات واسئلة الاختبار ومو ضروري أذكرهم الحين لو أقراهم قرايه وتدريجيآ لين نتعود على جو الدراسه والله يوفقنا جميعآ :106:
|
رد: المذاكره
السلام عليكم .. يسعدج صباااحكم .. كيف الدراسه معاكم ...
الكل حااايس مثلي او لا ... بصراااحه افكر اني ما ادخل المنتدى الا اخر شي قبل الاختبارات واشوف وش السالفه ... لاني كل ما دخلت لقيت شي جديد وعكس اللي اقراه امس او قبله .. الحين .. سؤؤؤالي .. المحاضرات والواجبات والمناقشات والمباااشرات .. ما تاابعتهم ولا ادري وش فيه ممنهم .. انا ابي اخر شي اخذ ملخصااات معتمده واذاااكر منهاااا .. صح علي كذا او لا .. لان بصراحه ما عندي وقت كل يوم اطبع اللي تقووولون عنه .. يعني حدي في يوم ويكند .. احمل المحاضرات اللي في الافتراضي و احفظها ع الابتوب ولا اطبعهااااا هو لازم اذاكر منها ... او اذاكر من ملخصات هتااان و طموح شاب و محمد ابو موزه ... بنسبه للواجبات و المناااقشات ... اقدر اسوويها بعدييين ... المحاضرات المباشره اقدر اشووفها برضو بعدين ... بليز طلاب طالبااات خاااااصة ... احس انكم يا تبااالغون بالتخووويف .. او ان كل شي صعب .. احنا جد جد ما عندنا وقت كل يوم نحضر وكل يوم نحمل مواد و كل يوم نحل واجبااات حدنااا يوم في الويكند ف يا ليت المواااضيع ما تتكررررار كثير .. خلووونا نحط مجلد واحد كل ماااده.. مو كل ما صار شي نزلتو موضوع ولما نبي ندخل نقرا او نشااارك نلاااقي عشرررين الف مشاااركه وعشرررين الف مليووون صفحه ترا ما عندي وقت اقلب بين الصفحات واتوقع كثير طلاب وطالبات مثل حاالتي و اغلبنا موظفين و دوامتنا طويله ف ياااليت تختصرون في المواضيع و تقللون نسبة التخوويف ولا تكثرون من المواضيع الا ضروره ولا تكثرووون من الردود ... اللي مؤيد كلااامي يرفع اصبعه ... ههههههه سلاااااام وبالتوفيق ... |
رد: المذاكره
:Cry111::Cry111::Cry111:انا خايفه من الجامعه
|
رد: المذاكره
اقتباس:
يالفارسه اركبي الحصان وتكلي على الله :000: ناس بسوريا تواجه الرصاص والدماء تتلاشا جبهاتهم وانتي من اختبار خائفه تبا لكي :41jg: تمني ان الله يبني لكي بيت بالجنه والدنيا ماعليك فيها ربي بيرزقكي من حيث لاتعلمي :004: ولا تخافي بالاختبار ربي بيكون معاك باذن الله لو ربي اراد ماتنجحي مراح تنجي لو مذاكره كل شي وحافظته لو اجوبة الاختبار جنبك لو اراد ربي ينجحك بينجحك والدليل اختبار قياس ناس جابت درجات عاليه بختيار عشوائي ؟ فما رايك ؟ هاذي الدنيا :bawling: |
| All times are GMT +3. الوقت الآن حسب توقيت السعودية: 02:51 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام