|
لـ الناس اللي حاسهم دكتور المحاسبه
السلام عليكم
ليه الاحباط يا جماعه , مو من صالحكم و توكم بأول مستوى . ترا المستوى الثاني فيه 8 مواد وش بتسوون فيها ؟ اذا 5 مواد حايستكم كذا ؟ احمدوا ربكم على 5 مقرررات خففوا الضغط النفسي هذا وفروه للأصعب ريلاكس و روقوا اولاً : كلام الدكتور غير صحيح لان احتساب الدرجات من النظام مو هو اللي حطه هذا نظام الكتروني .. احتساب الدرجه آلي مو يدوي عشان يتحكم فيه المحاضر ثانياً : اكيد وصلكم رابط تعليمات من الجامعه على الجوال زي ما وصلني ذكروا فيه امور تخص النظامين ان كلاهما محتسب الدرجات فيه الشي الوحيد اللي انكروه تطبيق بلاك بورد موبايل .. ثالثاً : انت تدخل برقم جامعي واحد على كل النظامين فأي واحد منهم تعتمده في تحميل او حل يحتسب لك اهم شي يكون المحاضره و المناقشه والواجب بأسم الدكتور الحالي اللي يدرسنا سواء حليت افتراضي او في البورد ماتفرق .. رقمك الجامعي يحددلك احتساب الدرجه مو على اي نظام دخلت ارجع اقولكم هذا الكلام مبني على اوامر برمجية الدكتور متشدد لا اكثر ولا اقل رابعاً : بالنسبه للكتب ما اشوف لها اي داعي حتى لو نصحوا فيها الدكاتره لأني اتابع المحاضره و الملخص بيدي ما شفت اي شي خارج عن الملخص فالنهايه لكم حرية القرار و الأختيار لكن اتمنى منكم توسعون صدوركم .. بدايه اي مشوار و الخطوه في الف ميل صعبه بعد كذا بتسهل بالتدريج ان شاء الله عادي ترا تواجه صعوبات و ياما بتشوف .. انت جامعي مايجيك هالمؤهل بالساهل اتعب عادي وين المشكله .. مو تبغى توصل لهدف ؟ عشان توصل لنتيجه ترضيك و تتطمن على حاضرك و مستقبلك لازم تتعب لكن بهدوء و ضبط الاعصاب بتعرف تفكر و توصل لحل لأي مشكلة تواجهك , كلنا هنا يد وحده متعاونين ما نقصر بإذن الله ولا نبخل بأي مساعده ما تقدر تنزل موضوع ؟ ارسل رساله خاصه اذا مره ماقدرت ممكن ساعدك عن طريق برنامج تيم فيور ماعندي اي مانع كل الطرق تؤدي الى روما اهم شي توصل لحل يرضيك و يريح بالك و ابتسموا :oao: smile فالكم A+ اتمنى لكم التوفيق |
رد: لـ الناس اللي حاسهم دكتور المحاسبه
[]ايش اسم الملخص حق المحاسبة
|
رد: لـ الناس اللي حاسهم دكتور المحاسبه
ملخص محمد ابو موزه
|
رد: لـ الناس اللي حاسهم دكتور المحاسبه
سويتنس مشكوره على الطرح بس لاحظت قلتي المستوى الثاني 8 مواد
اتوقع احنا نحدد المواد و كم عددها صح ؟ سويتنس شرايك تلخصين لنا المحاسبه زي الرياضيات لاهنتي :33_asmilies-com: |
رد: لـ الناس اللي حاسهم دكتور المحاسبه
الله يسعدك يارب ويوفقك
وياليت اللي عندهم ملخص المحاسبه لابو موزه ينزلوه لنا |
رد: لـ الناس اللي حاسهم دكتور المحاسبه
فيه انك تحددينها وفي ناس تمشي على نفس الخطه الدراسيه
اتكلم بالمجمل , هذا اذا ماحملتي مواد من المستوى الاول ! بالنسبه للمحاسبه ابشري ما نسيت |
رد: لـ الناس اللي حاسهم دكتور المحاسبه
اقتباس:
تفضلي http://www.4shared.com/file/I3QNYXeq/_____.html? |
رد: لـ الناس اللي حاسهم دكتور المحاسبه
اقتباس:
تعالي بما انك سألتيني تبون انزله مره وحده قبل الاختبارات ولا الحين ؟ نفس الشي التعداد النقطي للقانون .. اجمعه لكم لقبل الامتحانات ولا انزله بعد كل فتره ؟ وين اللي يريحكم بس و ما نقصر ^_^ |
رد: لـ الناس اللي حاسهم دكتور المحاسبه
القضيه يااخت سويت ان دكتور المحاسبة ودكتور الرياضيات
كلهم اليوم ذكروا ان الحل يجب أن يكون عن طريق نظام البلاك بورد لأن النظام الافتراضي vsl تحصل عليه تحديثات وممكن يفقد الطالب مشاركاته وواجباته لدرجة طلع براسي اكثر من علامة استفهام هل من المعقول ان الدعم الفني للجامعة قبل عمل اي تحديث للنظام الافتراضي لا يقوم بعملية نسخ احتياطي للنظام ومايحتويه من معلومات قبل عمل التحديث ... صراحه اكثر من علامة استفهام حول الموضوع ومافائدة النظام الافتراضي في حالة فقدان الطالب مجهوده في كل مره يتم تحديث النظام ؟ الله يعين بس :d مدري شلون يتم تنسيق الوضع لدى الجامعة |
رد: لـ الناس اللي حاسهم دكتور المحاسبه
مستحيل طبعا
مافي موقع ويب بالعالم كله مافيه باك اب فيه باك اب للنظام و قاعدة بياناته وفيه نسخة احتياطيه لموقع الجامعه نفسه ممكن يكون نسخه احتياطيه اضافيه بتخزين خارجي بعد تطمن زياده حرص منهم مو اكثر |
| All times are GMT +3. الوقت الآن حسب توقيت السعودية: 04:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه