ملتقى طلاب وطالبات جامعة الملك فيصل,جامعة الدمام

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : خلاص (https://vb.ckfu.org/showthread.php?t=503908)

[align=center][table1="width:95%;"][cell="filter:;"][align=center]

خلاص

ياصغيّر السن قدرك طاحـت أبراجـه
الجرح خلّى الصخر ينطـق ونطقّنـي

خلاص ماعاد تعنـي لـي ولا حاجـة
رح.. جعل ربـي يوفقـك ويوفقنـي

من بعد ماكنت نور العمـر وسراجـه
اليوم صرت الظـلام اللـي يطوقنـي

عطيتك أكثر من اللي كنـت تحتاجـه
أسرفت فـ( الحب) ..لين الحب وهقني

خلاص.. مالي ومال الحب وإزعاجـه
مالي ومال الـدروب اللـي تضايقنـي

تعبت أضمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّد حجاجـه
لاعاد تسئل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن النـاس مابـه شـي يفرقنـي

إلا أني دايم أحب الصـدق وأواجـه
مخلوق .. و الله على هالوضع خالقني

حتى رفيقي ضماد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي

وسلامتكم
أخوو نورة
[/align][/cell][/table1][/align]

يعطيك العافية صح لسانك

صح لساااانك اخوووي
راقت لي

اقتباس:

المشاركة الأصلية كتبت بواسطة هوبي لول (المشاركة 9652442)

يعطيك العافية صح لسانك

الله يسعدك على ردك ويعطيك العافيه

مششكوره
:106:

،،،

لاهنت ع القصيدة الجزله ،،،
بعد أذنك حبيت أشاركـ بهذه الشيله
http://www.youtube.com/watch?v=Lc8gr0ViP4k

اقتباس:

المشاركة الأصلية كتبت بواسطة ذكرياتي تحتويني (المشاركة 9652547)

صح لساااانك اخوووي
راقت لي

شكرآ اختي لتواجدك الطيّب
مششكوره
:106:

صح لسان شاعرها وناقلها ولاهنت على هالقصيدة اخو نوره
سلمت لنـآ يمنـآك وعساك ع القوهـ ...احترآمي ..

يعطيك العافية ..
صح لسانك ..وتشكرات عالدعوة ..

لاهنت

بالصميم

اقتباس:

تعبت أضمّ البحـر وأهـدِّي أمواجـه
تعبت أجامل و أشوف الوقت يسرقنـي

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي

قصيدة رائعة .. وخصوصا عنوانها عجبني

تسلم الله يعطيگ العآفية وشكراً ع الدعوة .