ملتقى طلاب وطالبات جامعة الملك فيصل,جامعة الدمام - جديد تعال , وانت بعد تعال , كلكم تعالو........

السلام عليكم ورحمة الله وبركاته

اخواني اخواتي الجدد ,, انا أتوقع أني برتكب فيكم جريمة

الحين نشرح لكم ونوضح لكم بالصورة وتقولون ماندري وش نسوي

كل دقيقة طالع واحد تكفون , والثاني النجده والثالث ابي انتحر ,,

طيب شوفو انا رح اوضح لكم نقاط مهمه لازم تعرفووونها على شان ترتاحون

من كثر الأسئلة

اول شي المطلوب منكم تحميل المحاضرات وحل النقاشات وحل الواجبات

على شان تحصلون على درجة الاعمال الفصليه كاملة ,, 30 درجة

طيب المحاضرات المباشره ؟؟

كثيرين يسألون فاتتني المحاضره المباشرة ؟؟

يا اخوان المحاضره المباشرة ماهو ضروري حضورها مباشرة يكفي انكم تحضرونها بعد نزولها

مباشره تقريبا 4 ايام ورح تنزل مسجلة تقدرو تحملوها وتحفظوها على الجهاز او تدخلون عليها

من نفس الملف المسجل وتشوفونها وش الي دار فيها من نقاط .

طيب واحد يقول متى احل المناقشة؟؟؟

المناقشة على راحتكم متى ماشوفتو ان عندكم مجال

تقدرو تشاركون . يعني بعد اسبوع او اكثر على كيفكم بس اهم شي لا تخلونها تتراكم عليكم

طيب واحد يقول لازم اجاوب على سؤال المناقشة اجابة صحيحه100% ؟؟

لا ماهو لازم اهم شي انك تشارك فقط ,, الي لازم تجاوب علية 100% الواجب

طيب واحد يقول انا اشاهد المحاضرة مشاهدة فقط لمدة 10 دقائق هل تحسب لي الدرجة ؟؟

نعم تحسب لك الدرجة لكن ,, لو حملتها ملف نسخة الجوال رح يخذ منك ملف التحميل فقط 4 دقائق

يعني اذا بتشاهد المحاضره بدون تحميل الملف لمدة 10 دقائق الافضل تحمل الملف كامل وتقدر

في خلال 10 دقائق تحمل محاضرتين .. وتضمن الدرجة وتضمن تحميل الملف كامل ,

طيب واحد يقول اقدر احمل المحاضرات ورى بعض ؟؟؟

نعم تقدر تحملها ورى بعض لكن ماتحمل ملفين في وقت واحد يعني تحمل ملف حتي تنتهي

عملية التحميل ثم بعد ذالك تدخل على ملف ألمحاضره التالية وتبدى عملية تحميل ملف جديد

طيب واحد يقول انا اضغظ على المشاركة ماتفتح معي .. واحيانا تفتح لكن لما اشارك ماتتغير الصفحة

اكيد احيانا يكون الموقع علية ضغط فقط يكفي انك تضغط على ملف المناقشة وتنتظر دقيقة اودقيقتين

ورح يفتح الملف معك كذالك اعتماد المشاركة انتظر دقيقه اودقيقتين ورح تعتمد المشاركة

واحد يقول هل اعتمد تحميل المحاضرات ولا انتظر عملية تحديث الانظمة ؟؟؟

الانظمة كل اسبوع يتم انزال المحاضرات الجديده فيها ولا يعتبر تحديث كامل فقط تحديث

نزول المحاضرات الجديده , اما التحديث الكامل يغلق الموقع بالكامل ,,

ماعندكم أي مشكلة مادام الموقع ماهو مغلق وجميع المحاضرات تتحمل

حمل محاضراتك وحل نقاشاتك . وتوكل على الله

طيب فيه ناس يقولون ان الموقع فيه تحديث والمحاضرات الي حملناها بتروح علينا ,,

ولازم نحملها من جديد؟؟؟

الجامعة عندها نظام الرصد مرتبط في الانظمة فقط وقت اشتغال الانظمة

وقت يكون النظام فيه تحديث تغلق كامل الأنظمة ولا يمكن لاحد الدخول عليها اذا كان فيها عطل

ولا احد يقدر يحمل أي محاضرة ,فالي حمل محاضرتة يتطمن ان شاء الله ان الدرجة محسوبه له

طيب فيه واحد يسال المحاضرات المسجلة تاريخها قديم عادي ؟؟؟

اكيد عادي لانها اسمها مسجلة, يعني ماعندكم أي مشكلة الي تنزل عندكم في الملف حملوها ,,
.............

عاد تراني امزح عليكم في بداية الموضوع

الي عنده شي مو فاهمة يقول وان شاء الله رح نشرح له

ويكفينا منكم دعوة صادقه ,,

والله يوفقكم ويرزقنا وياكم النجاح في الدارين