|
انتم غير ملزمين بتغطية حصص المعلمين المتغيبين عن عملهم
السلام عليكم تنبيــــــــــــــــــه الطالب المكلف بالتطبيق بالمدرسة غير ملزم بحصص الانتظار اذا كلموكم المدير او الوكيل بخصوص تغطية حصص المعلمين الغائبين ارفضوا انتبهوا توافقون وتبلشون بالطلبة وتورطون انفسكم والي بعدكم المدير كلمني بخصوص ساعات الانتظار والتغطية ورفضت واخبرت ان وقتي مايسمح واني موظف ويالله احضر عشان التطبيق الكلام هذا مو من راسي مدير مدرسة اخبرني بان مدرس صعوبات التعلم او ضعاف السمع ومدرسي التربية الخاصة عموماً غير مكلفين بالتغطية عن المعلمين الغائبين + حذرني من التساهل مع المدرسين حتى لايحرجوني ويطلبون مني تغطية حصصهم ترا بعض المدرسين والمدرسات متسيبين ويستغلون الطلبة الي يطبقون حتى يتهربوا من حصصهم هذا مجرد نصيحة |
رد: انتم غير ملزمين بتغطية حصص المعلمين المتغيبين عن عملهم
صدقت ،، اجل شكل المعلمه راح تستغل الوضع لانها طلبت مني التطبيق 10 اسابيع
|
رد: انتم غير ملزمين بتغطية حصص المعلمين المتغيبين عن عملهم
نعم ١٠ اسابيع
تدرون الغلط من الجامعه ماوضحت عدد الايام التطبيق بالخطاب فقط ٦٠ ساعه هذولا بالله عليكم يفهمون بالساعات |
رد: انتم غير ملزمين بتغطية حصص المعلمين المتغيبين عن عملهم
الله يجزاك خير بو شهد ..
اجل لعلمك من ندخل المعهد ووقع حظور على طول دفتر الانتظار والتوقيع يناديني كل يوم حصتين انتظار !! وقلت معليش الحمد لله كلها 10 ايام وتنتهي لانها بصراحة بيض الله وجهها خوش مديرة روعه بالتعامل خبرتها بوظعي اني امر بظروف ولدي محد يمسكة وولدي مريض ربو وهذا وقت ازمة الربو عندة بين البرادين والله ماقصرت معي عشان كذا جالسه اخذ انتظار واسكت .. |
رد: انتم غير ملزمين بتغطية حصص المعلمين المتغيبين عن عملهم
حسبي الله والله مايقهرني إلا اللي يستغلك ولا انا ودي اساعدهم ماعندي مانع لكن الخوف من الاستغلال يردني خصوصآ انها مرت علي تجربه سيئه
|
رد: انتم غير ملزمين بتغطية حصص المعلمين المتغيبين عن عملهم
مين قال التطبيق 10 اسابيع !!!!!!!!!!!!!!!!!!!!!!
انا كلمت الدكتور حالنا حال الي تخرجو زميلاتي 10 ايام وان طالت تكرما منا 20 يوم |
رد: انتم غير ملزمين بتغطية حصص المعلمين المتغيبين عن عملهم
صحيح غير ملزمين
بس ف بنات يحبو ياخذو خبره ف التدريس والاخذ والعطا مع الطالبات وبدل مالواحد يكون فاضي والجلسه ف هالمدرسه |
رد: انتم غير ملزمين بتغطية حصص المعلمين المتغيبين عن عملهم
تنبيه مهم تشكر عليه
|
رد: انتم غير ملزمين بتغطية حصص المعلمين المتغيبين عن عملهم
بالنسبة لي الله يعطيك العافية ياخوي بو شهد المعلم كان يضن التطبيق على طول الترم وكان يبي اتعاون معه بالحالات ومع انه ذوا اخلاق حلوه وحبوب هو والمدير بس انا وضحت له أنه حنا ونظامنا بما ان فينا موظفين فقط مسموح لنا60 ساعة مقسمه 5 ساعات يوميا فتكون 5×12 يوم = 60 ساعة يعني وضحت له اني معهم فقط 12 يوم مو اكثر وللتأكيد رحت وطبعت له التعميم مرفق بأسمي من إدارة التعليم بالاحساء وموضح فيها خطيا 12 يوماً فقط . مع اني حاب استفيد وافيد بس حنا موظفين وعندنا التزامات ثانية أما مشكلة بعض الاخوان الطلاب والخوات الي يبون منهم اكثر من 12 يوم انهم مو قادرين يلزمون مدارسهم بالـ60 ساعة مع ان المسالة واضحة دوام المدرسة الرسمي 5 ساعات يوميا لمدة 12 يوم تكون 60 ساعة الا من حب يقسمها أو من كان متفرغ وحاب يستفيد هذا شي ثاني انا اول يوم تطبيق وبينت للمعلم هاللكلام عشان ما يرسم خطط في باله . موفقين فيض المشاعر |
رد: انتم غير ملزمين بتغطية حصص المعلمين المتغيبين عن عملهم
1 مرفق
اقرو البند الخامس
|
| All times are GMT +3. الوقت الآن حسب توقيت السعودية: 11:33 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه