|
حسبي الله.. ايش فايدة الرغبة الثانية..
السلام عليكم ورحمة الله وبركاته..
طبعاً حالي حال كثير من البنات ما انقبلت مع ان نسبتي عاليه.. حسبي الله ونعم الوكيل.. اللي قاهرني هو ايش فايدة الرغبة الثانية مو حنا لما جينا نسجل في البداية طلبوا نعبي رغبة ثانية؟؟ اي الفايدة اذا كانوا اللحين جايين يطلبوا من نعبي طلب جديد برغبات هم مختارينها لنا؟؟ ولا في اللي في البدية كان للبرستيج بس يتظاهرون انهم يحاولون يلبون رغبات البنات قد مايقدروا... مو قهر بعد التعب يدخلوننا على كيفهم ؟؟ بعد ما امتلت التخصصات الزينه(نسبياً) من ناس نسبهم بالثمانينات جايين يحطونا بالاماكن الشاغره وبأزفت التخصصات؟؟ المشكلة مافيه بديل عن هالجامعة ؟؟؟ جامعة محمد بن فهد أسوأ جامعه على الاطلاق و عن تجربه.. الكلية الجامعية.. ما قبلوني لأنها بس لبنات الجبيل!!! ماأدري وش زود بنات الجبيل!! الجامعة العربية المفتوحه..سيئه وهذا رأي بنات أعرفهم.. قولوا لي بديل عن هالجامعة .. وبعدين حتى ولو مو حرام طالبه نسبتها علمي 99 وماتنقبل؟؟ وأكييييد فيه بنات كثييييييير مثلي... الله على الظالم... وحنا مابأيدنا غير الدعاء.. |
رد: حسبي الله.. ايش فايدة الرغبة الثانية..
حبيبتي صلي على محمد
والله حاسة فيكم وفي الوضع الي انتوا فيه وبالنسبة للرغبة الثانية قالوا بينظرون لها في الدفعة الثانية يعني يمكن تنقبلين في الدفعة الثانية في رغبتج الثانية ولا تفقدين الأمل تفائلي بالخير الله يوفقج يااااارب :praying: |
رد: حسبي الله.. ايش فايدة الرغبة الثانية..
الله يعينك يااختي
والله قهر حتى آنا مقهورة بس لحد الحي ماسكة اعصابي انا انقبلت بس دموعي ماجفت من يوم خلصت ثالث لحد الحين لاني مادخلت المجال اللي أبيه والله اني مقهورة موت والله انا حاسة فيك وفي قهرك لأني حتى أنا أعيش هالقهر والله إني ماحسيت بطعم الراحة ولا الفرح و لا حتى التخرج اللي كنا نحلم فيه من زمان تراوالي لو بعدنا ندرس في المدرسة احسن ولا كأن نجحنا ولا تعبنا ولاجبنا ممتاز ولانسب علية أحس كأني رسبت ولاتخرجت من هالثانوية الله يعينك يأختي مابقى لنا إلا الصبر وانتظار الفرج اللهم وفقنا :praying: |
رد: حسبي الله.. ايش فايدة الرغبة الثانية..
الله معانا
وانشاء الله ندخل التخصص اللي نتمنااه مايصير من طب الى فيزيا او كيمياء او عربي حرااااااااااااام نسبنا عااليه مالنا مكان في الجاامعه وياليت في جامعه غيرها :Cry111: |
رد: حسبي الله.. ايش فايدة الرغبة الثانية..
نقلاً عن موقع الجامعة :
للطالبات الحاصلات على 90% فأكثر و لم يحالفهن الحظ فى القبول فى الرغبه الاولى , يرجى إدخال البيانات المطلوبه و تحديد ( الكليه البديله ) حسب الشواغر الموجوده فى حقل الكليه البديله (فى الوقت الحاضر لن ينظر للنسب التى تقل عن 90%) وللعلم فإن الكليات البديلة هي الكليات الغير الصحية ، أما الكليات الصحية فليس يكون هناك دفعة ثانية للمزيد راجع موقع الجامعة على الرابط التالي http://www.kfu.edu.sa:8800/kfubannre...n_reg_form.php |
رد: حسبي الله.. ايش فايدة الرغبة الثانية..
آآآآآآآآآآآآآه ,, انا بصراحه حدفت الموقع ,, ومستحيل ارجع افتحه تعقت منه !!
|
رد: حسبي الله.. ايش فايدة الرغبة الثانية..
والله يابنات شنو انسوي قولو لي انا نسبتي عاليه وتالي كذا والله ثم والله حرررررام انا قريت بنظام المراجعه الالكترونيه وحده ماخذه الترتيب السادس على المملكه نسبتها بعد ياحرام 99,84 ماقبلوها
طيب وين انروح والله حاله انا حطيت رياضيات هل تشوفو تصرفي صح؟؟ انا نسبتي 98,19 % ومسجله بعد علوم طبيه ماطلبت طب بعد ياحافظ هل تشوفو الحين القرار اللي تخذته صح بالرياضيات؟؟؟؟؟؟؟؟؟ قولو لي الله يخليكم |
رد: حسبي الله.. ايش فايدة الرغبة الثانية..
والله يابنات شنو انسوي قولو لي انا نسبتي عاليه وتالي كذا والله ثم والله حرررررام انا قريت بنظام المراجعه الالكترونيه وحده ماخذه الترتيب السادس على المملكه نسبتها بعد ياحرام 99,84 ماقبلوها
طيب وين انروح والله حاله انا حطيت رياضيات هل تشوفو تصرفي صح؟؟ انا نسبتي 98,19 % ومسجله بعد علوم طبيه ماطلبت طب بعد ياحافظ هل تشوفو الحين القرار اللي تخذته صح بالرياضيات؟؟؟؟؟؟؟؟؟ قولو لي الله يخليكم هذا واني اصلا ابغا حاسب الرغبه الثانيه بس شايلينها صدق تعامل من عندهم جدا جدا لطيف:017: |
| All times are GMT +3. الوقت الآن حسب توقيت السعودية: 12:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام