|
.:( كان الغلا ذنب يابعدي عن التوبه .. ياكثر حبي لك الله لا يعاقبني):.
صلو على خير البشر ,, .. بأول دروب الغلا والقلب يادوبه تاهت خطاويه لين الشوق صاحبني اقفيت واقفى وكل(ن) راح من صوبه ان عاد ياشينها وان راح ياغبني عقلي وقلبي وكلي منجذب صوبه من غير ما اسأل وش اللي فيه يجذبني فيه الاجابات مرسومه ومكتوبه حتى بسلهامته كنه يجاوبني والضحكه اللي مع الاحزان مصحوبه ترسم لي الذكريات اللي تعذبني عقول الاحباب لو برقت .. مسلوبه ظنيت فيها وظني مايكذبـّني صاحبك ياصاحبي مازال عذروبه اليا هدم غيره صروح الغلا .. يبني كان الغلا ذنب .. يابعدي عن التوبه ياكثر حبي لك الله لا يعاقبني وان كان بالناس منسيـّه محسوبه هاك المحبه ولو غيرك يعاتبني راضي بحبك وراضي باكبر ذنوبه لا صار ذنب الغلا صوبك يقربني والكلمه اللي من اقصى القلب منهوبه جنبت عنها وعيـّت لا تجنبني ماظنتي فيه نوبه غير هالنوبه املى عيوني بشوفك يامتعبني ان عشت .. لك قلبي اللي تاهت دروبه وان مت .. يغفر لي اللي فيك حببني وسلامتكم .. |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
كان الغلا ذنب .. يابعدي عن التوبه ياكثر حبي لك الله لا يعاقبني قصيدة جميلة وكلماتها فيها إحساس عالي صح لسانك |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
ياهلا والله .. صح بدنك .. |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
صح لسان شاعرها وناقلها
ابيات رائعة المعاني وجميلة الكلمات لاهنت ولاعدمناك دمت بخير |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
لاهنت يالغالي ع المرور وصح الله بدنك .. |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
ان عشت لك قلبي اللي تاهة دروبه ،،،، وان مت يغفر لي الي فيك حببني
كلمات جميله رائعه تلامس الحس .... عايش الدور.... سلمت يدينك على هذا الطرح ذوق وفن وادب تحياتي لك ..،، |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
قصيده رائعه ومميزه
لاهنت ع الاختيار اعجبتني كثيير كل بيت فيها جميل لاهنت تحياتي |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
\ اللهم صل وسلمَ على سيدنا ومحمد وآله وصحبه اجمعين \ اقتباس:
بيت عن قصيدةَ ....الله يعطيك العافية لاهنت يَ آستاذي |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
ارحبوا تراحيب المطر..
لاهنتم يالغوالي ع المرور الي أسعدني جداً تحياتي لسموكم الكريم |
رد: .:( كان الغلا ذنب يابعدي عن التوبه .. ياكثر حبي لك الله لا يعاقبني):.
عقلي وقلبي وكلي منجذب صوبه
من غير ما اسأل وش اللي فيه يجذبني صح الله لسان الشاعر بيت جميل جداً كان الغلا ذنب .. يابعدي عن التوبه ياكثر حبي لك الله لا يعاقبني يا سلام كل بيت اجمل من اللي قبله اقول صح لسان الشاعر وتسلم يمينك انتقاء يعبر عن ذائقه رائعه تسلم ويسلم جمال ذوقك وكثر منها لك تقديري |
| All times are GMT +3. الوقت الآن حسب توقيت السعودية: 04:49 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه