|
شــوفــو لي حل!!!!!!
صباح الخير جميعا شوفو لي حل مع التسجيل بالبانر ..بهدلني:confused: انا دفعه 2006..واعلنو ان التسجيل راح يكون تاريخ 19 شعبان.. حاولت اسجل تاريخ 19 شعبان..كتبو ان التسجيل راح يكون تاريخ 23 شعبان:confused: طيب يوم الاربعا 20 شعبان رحنا للجامعه قالو لنا هم مالهم دخل بالجداول..حنا الي نسويه ونطبعه ونداوم بالكليه بس طيب واليوم دخلت الموقع..طلعت لي الرساله هذي ((ليس لديك تذكرة وقت التسجيل، الرجاء الاتصال بمسئول التسجيل.)) مع العلم اني دخلت يوم الاربعا الساعه 10 ونصف الصباح ياليت تساعدوني يعطيكم العافيه تحياتي كرستاله |
رد: شــوفــو لي حل!!!!!!
هلا حبيبتي كرستالة انا نفس مشكلتك دخلت اليوم الصبح الساعه 8 ودخلت على التسجيل وفتحت لي صفحة (الرجاء الرجوع الى الخطة الزمنية للتسجيل من خلال موقع الجامعة لمعرفة موعد تسجيلك 22 شعبان وقت البدء 8 صباحا الى 8 مساء) لكن لما شيكت العصر تغير (20 شعبان وقت البدء 9 صباحا الى 9 مساء) فأتوقع ان النظام فيه خطأ بالنسبة للتاريخ لانه اليوم التاريخ 20 شعبان بس اذا دخلت النظام وكتب وقت دخولي للنظام يطلع لي ان التاريخ اليوم 19 انا دفعة 2005 والمفروض يكون تسجيل جدولي بكرة اذا فتح معاي بكرة النظام عطيتك خبر وش صار معاي واتوقع ان دفعة 2006 الجمعة |
رد: شــوفــو لي حل!!!!!!
أختي كرستالة
التاريخ في النظام اليوم .. هو 19 شعبان حاولي يا كرستالة تدخلين على النظام بين فترة و أخرى ... ممكن يغيرون وقت التسجيل في أي لحظة ... و هاذي هي المشكلة أضغطي على الرابط التالي : http://www.kfu.edu.sa/Admission2.asp مكتوب دفعة 2006 تسجيلهم بيكون يوم الجمعة22/08/1427هـ الله يكون بعون الجميعhttp://www.asmilies.com/smiliespic/msn/011.gif |
رد: شــوفــو لي حل!!!!!!
السلام عليكم حبيبتي كرستالة ارتاحي وتطمني واليوم حطي في بطنك بطيخة صيف مثل ما يقولون :D ونامي مرتاحة ولا تحاتين الجدول انا امس كنت متوترة :( وما قدرت انام كوابيس تروح وتجي على الجدول واليوم صحيت من النوم مفزوعة من الساعه 7 وانا مقابلة الجهاز :eek: وانتظر متى يفتح النظام عشان اسجل الجدول ومن الخوف اني ما الاقي شعب سويت لي جداول كثير الصبح كانت حالتي مأساوية وانتظر متى تجي الساعه 9 على احر من الجمر :( وفجأة لما جات الساعه 9 :eek: تقريبا ثلاث دقايق بالكثير وجدولي ضبط وكل شي صار تمام :p يعني كل التوتر والخوف اللي كان فيني ماله اي داعي اختي كرستالة تطمني النظام مرة سهل وبسهولة تدخلي المواد اهم شي تأكدي من ارقام شعب المواد انها تبع التأهيلي وان المواد ما لها متطلب سابق انتي ما خذتيه وانشاءالله بكرة بينزل لك الجدول بسهوله النظام سهل كل اللي بيطلبه منك هو انك تدخلي رقم CRN تبع المواد اللي انتي تبيهم وخلال ثواني بتلقين الجدول ضبط بعد ما يضبط الجدول لا تنسين تسوين خروج وتدخلين من جديد وتروحين الى جدول الطالب وتتأكدين من المواد اللي موجودة بالجدول وسلامتك :D اتمنى اني افدتك وما اكون طولت بالكلام بس لاني كنت متوترة وخايفة من الجدول وبالاخير طلع التسجيل ما فيه اسهل منه الله يوفقك ويوفق الجميع انشاءالله واي استفسار حبيبتي انا حاضرة تحياتي اختك روز الشرقية |
رد: شــوفــو لي حل!!!!!!
اقتباس:
|
رد: شــوفــو لي حل!!!!!!
اهلين حبيبتي روز اقتباس:
هههههههههههههه ياعمري والله انك عارفه حالتي:D الحين صار التسجيل يوم الجمعه...الي هو بكره..انشا الله هذي المره يصدقون ومايغيرون الموعد بس ما ادري اذا اقدر احط لي 3 مواد بس؟!!:confused: اقتباس:
افتديني كثيير وتسلمين حبيبتي..يعيطك الف عافيه بس وينك ماشوفك على الماسنجر:rolleyes: |
رد: شــوفــو لي حل!!!!!!
بو احمد
يعطيك الف عافيه اخوي انشا الله بكره التسجيل لدفعتنا.. تحياتي كرستاله |
رد: شــوفــو لي حل!!!!!!
هههههههههههههه ياعمري والله انك عارفه حالتي:D الحين صار التسجيل يوم الجمعه...الي هو بكره..انشا الله هذي المره يصدقون ومايغيرون الموعد بس ما ادري اذا اقدر احط لي 3 مواد بس؟!!:confused: افتديني كثيير وتسلمين حبيبتي..يعيطك الف عافيه بس وينك ماشوفك على الماسنجر:rolleyes: هلا كرستالة لا تطمني هالمرة صادقين بالموعد والـتأخير اللي صار كان في مصلحتنا عشان تصحبح الاخطاء اللي كانت بالنظام وتقدرين تضيفين المواد على حسب رغبتك والنظام يحدد لك عدد الساعات اللي تقدرين تاخذينها على حسب معدلك وبالنسبة للمسنجر هذا الاسبوع كنت مداومة على النت فترة الصبح عشان اتابع اخر اخبار التسجيل وحاليا خلاص انتهت الاجازة وابتدى الجد :D <<<<< متحمسة للدراسة اخر سنه لي بالدبلوم |
رد: شــوفــو لي حل!!!!!!
صباح الخير اقتباس:
الحين الساعه 9 ونص الصباح ولسه مافتح:( :confused: :mad: جالسه انطر....انشا الله يفتحونه اقتباس:
ههههههههههههه ياعمري بالتوفيق انشا الله شدي حيلك;) |
| All times are GMT +3. الوقت الآن حسب توقيت السعودية: 06:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه