ملتقى طلاب وطالبات جامعة الملك فيصل,جامعة الدمام - اعاقه عقلية خريج عاطل يسطر أجمل القوافي بقصيدة موجهه إلى سمو وزير التربية والتعليم

- تربية خاصة 8 (https://vb.ckfu.org/forumdisplay.php?f=390)

خريج عاطل يسطر أجمل القوافي بقصيدة موجهه إلى سمو وزير التربية والتعليم

خريج عاطل يسطر أجمل القوافي بقصيدة موجهه إلى سمو وزير التربية والتعليم http://www.khreej.net/newsm/2782.jpg
ياوزير التربيه ممكن بعد اذنك سؤال
والا أقولك دامها زانت / معي بعض اسئله
قبل اسلم وابتدي ياليت تعطيني مجال
لآتقاطعني سموّك .. واستمع للمشكله
يعلم الله مابحرفي شيء يدعو للكمال
كل مافي الأمر " صالح " مانزل في منزله
بأختصر مُجمل كلامي .. وابتدي " نَصْ " المقال
ماعتقد ماراح اقوله فيه شخصٍ يجهله
وش تقول بشخص عاطل .. مامعه حتى ريال ؟!
والزمن يجري بعينه .. مالحق يتأمله ؟!
تآه / في عالم كبير .. وصادف ليالٍ طوااااال
مغترب في ديرته .. والوضع ما تتخيّله
كل ما حاول يقوم .. ويعتنز بأقرب مَنَال
طاااح من طوله ولا حرّك طياحه .. مسأله
" كان " من صغره وحلمه " كان " يتعدّى الخيال
" كان " متأمل حياته .. فووووق ما تتأمله
ماترك نفسه تضيع .. وصال فالدنيا وجال
وانزوى يدرس وثابر لين جاب [ المُعضله ] ..!!
ايه ياصاحب سمو العلم .. معضلة الرجال
[ هي شهادة جامعيّة .. بس في وضع ارمله ] ..!!
راح من يحمل سناها .. وانعقل بعده عقال
زوّجُوها " للقياس " ومهرها .. منها / إله ؟!!
لآ تعجّب ياسموّك .. مامضى كلّه مثال
والحقايق ماتوازي .. " شيء " مما أنقله
خلّني أسأل وركّز في متاهات السؤال
وأغلب أسئلتي تراها كل شيٍ .. تشمله
من يحب الظلم ؟ جاوب .. من سبب هم الليال ؟
من سلب ضحكة مواطن .. راح عمره بهذله
من عمى عين الجمال .. وصار يدعو للجمال ؟
من بنا بيت الأماني .. ؟ من بيدّه .. زلزله ؟
من تعب عمره دراسه .. لآزمٍ يجني / عيال !!
حق من ابسط حقوقه .. طاااااال عمره يأمله
من زرع بسمة سنين .. وصار عم وصار خال ؟!!
وكل مانام بمنامه .. جاه طفله / يحمله ؟!!
يوووه ياكثر الهموم .. المستبدّه / والعُضال
ممتلي وجه الزمن رغم " ابتسامي " ململه
ياوزير التربيه .. هذا وهو نص المقال
واللي قلته ياسموّك يُعتبر / عرض .. أمثله
أعتذر منّك سموّك .. انفتح قلبي وقال
[ والله ان الوضع " أكبر " .. من حدود الأسئله ]