ملتقى طلاب وطالبات جامعة الملك فيصل,جامعة الدمام - انا مستجدهـ .. وياليت أحد يضع لي النقط على الحروف

انا مستجدهـ .. وياليت أحد يضع لي النقط على الحروف

الله يجزاكم خير ساعدتوني وافدتوني كثير وعسى ربي يحرم يدينكم عن النـآر ويسخر لكم عباده كل من ساعدني وراح يساعدني

ابي شخص صاحب خبره ومتأكد من كلامه يجاوبني على استفساراتي لآني راح امشي عليها خلاص بدون ما الخبط نفسي بكل موضوع لآني ان شاءالله راح ابدأ من الأحد :mh001:
سؤآلــــي هــو :
متى ابدا بالتحميل والدراسه لآني قريت كلام شخص يقول ابدو بعد الدراسه بأسبوع لان الانظمه راح يسوون لها تحديث وينحذف كل شي سويتوه ؟ مدري كلامه صح أو لا :agolakser:
متى ابدأ افتح المحاضرات واشوفها مدري آحملهـآ أي وقت واي يوم من كل أسبوع ؟ :icon9:
ومتى ارسل الواجبات والمناقشات على طول من تنزل ولا انتظر أيام ؟
أعتمد دراستي على الإفتراضي طبعآ لآن الكل مدحه صح ؟
المستجدين مثلي كيف تنظيمكم للدراسه ياليت نفيد بعض والقدامى بعد كيف كنتوا تنظمون دراستكم ؟

ومشكوووورين مقدما هذا اللي اتذكره حاليا

رد: انا مستجدهـ .. وياليت أحد يضع لي النقط على الحروف

يارب احد يتكرم ويرد على استفساراتي حتى لو مكررهـ .. بالإعــآده إفـآدهـ :16.jpg: :004:

رد: انا مستجدهـ .. وياليت أحد يضع لي النقط على الحروف

هلا بك أختي

أنا للآن مافكرت كيف راح أنظم دراستي ولا وش اسوي

بكرا ان شاء الله بشوف وش الوضع :24_asmilies-com:

الله يكتب اللي فيه الخير :106:

رد: انا مستجدهـ .. وياليت أحد يضع لي النقط على الحروف

ربي يوفـقــنآ ويسهل علينـآ يارب .. شكرآ لطلتك / :love080:

رد: انا مستجدهـ .. وياليت أحد يضع لي النقط على الحروف

الله يجزاكم خير ساعدتوني وافدتوني كثير وعسى ربي يحرم يدينكم عن النـآر ويسخر لكم عباده كل من ساعدني وراح يساعدني

اللهم امين ومين يقول يارب

ابي شخص صاحب خبره ومتأكد من كلامه يجاوبني على استفساراتي لآني راح امشي عليها خلاص بدون ما الخبط نفسي بكل موضوع لآني ان شاءالله راح ابدأ من الأحد
سؤآلــــي هــو :
متى ابدا بالتحميل والدراسه لآني قريت كلام شخص يقول ابدو بعد الدراسه بأسبوع لان الانظمه راح يسوون لها تحديث وينحذف كل شي سويتوه ؟ مدري كلامه صح أو لا

كلامه صح ليه مستعجله خيتووهـ انتظري حتى يتم سوال الفريدان واذا قال بداء احتساب درجات اعمال السنه راح نبدى في التحميل

متى ابدأ افتح المحاضرات واشوفها مدري آحملهـآ أي وقت واي يوم من كل أسبوع ؟

خيتوه مو لازم كل اسبوع تشوفينها يعني اذا انتي حريصه هي تقريبا تنزل كل اسبوع محاضره ومناقشه وحده والوجبات تنزل تقريبا كل ثلاثه اسابيع ينزل واجب واحد مكون من ثلاث اسئله

ومتى ارسل الواجبات والمناقشات على طول من تنزل ولا انتظر أيام ؟

يب من تنزل حلي الواجب والمناقشه وارسليها

أعتمد دراستي على الإفتراضي طبعآ لآن الكل مدحه صح ؟

يب الافتراضي جدا مطور وممتاز

المستجدين مثلي كيف تنظيمكم للدراسه ياليت نفيد بعض والقدامى بعد كيف كنتوا تنظمون دراستكم ؟

بصراحه وقت ما اكون فاضي ورايق ادخل واحمل المحاضرات يعني القى 4 محاضرات نازله احملها في وقت واحد واحل مناقشاتها واذا فيه واجب حليته

ومشكوووورين مقدما هذا اللي اتذكره حاليا

العفو خيتووه واي شي يخطر في بالك لاحقا اسئلي ونحن حاضرين بما نعلم من اجابه

بالتوفيق

رد: انا مستجدهـ .. وياليت أحد يضع لي النقط على الحروف

مادام نزلت المقررات والمحاضرات تقدرين تفتحينها وتحملينها من هالحين .. وليش بعد اسبوع .. وبعدين المحاضرات موجودة عندك وتحميلها أو مشاهدتها ليس مرتبط بوقت أو يوم محدد ..

على راحتك .. الظهر أو الفجر او الصبح او الليل ..

الواجبات كلها ترى ثلاث واجبات خلال الفصل الدراسي ..

اذا نزل الواجب الاول .. تلقين الطلاب حالينه وحاطينة على المنتدى .. يعني ماراح تتعبين ولا شيء ..

حلّيه وأرسلية ولا أنصحك بالتأخير .. يمكن النظام يتعطّل باي وقت وتصيرين الضحية ..

طبعاً تقدرين تأجلينه الى ماقبل الاختبارات بفترة .. لكن آخر الترم يكون الموقع مزحوم وعليه ضغط ومايفتح بسهولة بعض الاحيان ..

النظام الافتراضي افضل وأسهل من البلاك بورد

رد: انا مستجدهـ .. وياليت أحد يضع لي النقط على الحروف

متى ابدا بالتحميل والدراسه لآني قريت كلام شخص يقول ابدو بعد الدراسه بأسبوع لان الانظمه راح يسوون لها تحديث وينحذف كل شي سويتوه ؟ مدري كلامه صح أو لا :agolakser:
اليوم "الاحد" تبدأ الدراسه وابدأي بالتحميل

متى ابدأ افتح المحاضرات واشوفها مدري آحملهـآ أي وقت واي يوم من كل أسبوع ؟ :icon9:
لكل ماده تنزل محاضره مسجله وحده كل بداية الاسبوع , انتي اريحلك حمليها اول ماتنزل وشوفيها باي وقت انتي تحددينه يكون وقت مناسب لك مافي وقت معين حسب ظروفك

ومتى ارسل الواجبات والمناقشات على طول من تنزل ولا انتظر أيام ؟
بالنسبه للمناقشات تنزل 14 مناقشه مع كل محاضره تنزل وحده المشاركه من نفس الموقع يعني زي لماتشاركين بهالمنتدى تكتبين ردك وتضغطي ارسال , زي كذا حل المناقشات ماهو معقد النظام الحمدالله .. بالنسبه للواجبات تنزل 3 واجبات فقط لكل ماده بعد مثلا كل 4 محاضرات ينزل واجب يكون مكون من 3 أو 4 اسئله وعليها اختيارات تختاري الاجابه الصح وتضغطي ارسال بنفس طريقة المناقشات لكن الواجب يطلع بنفس اللحظه الدرجه لو ناقصه درجتك يعطونك فرصه تحلين مره ثانيه عشان تاخذين الدرجه الكامله .. مافي وقت معين بس انصحك اول بأول عشان لايتراكم عليك شي

أعتمد دراستي على الإفتراضي طبعآ لآن الكل مدحه صح ؟
ايوه هو افضل اريح وارتب وانا بالنسبه لي ماعتمد الا على الافتراضي .. ماافتح البلاك بورد الا وقت المحاضرات المباشره لانها ماتنزل الا عليه

بالتوفيق واذا فيه اسئله ثانيه حنا موجودين
:106:

رد: انا مستجدهـ .. وياليت أحد يضع لي النقط على الحروف

^

^

ماشاءالله على بال ماكتبت ردي ورسلته نزلت 3 ردود يردون على استفساراتك

الله يوفق الجميع :106:

رد: انا مستجدهـ .. وياليت أحد يضع لي النقط على الحروف

متى ابدأ افتح المحاضرات واشوفها مدري آحملهـآ أي وقت واي يوم من كل أسبوع ؟

المحاضرات تشاهدينها في اي وقت مالها وقت معين او يوم في الأسبوع يعني بعد كل اسبوع او كم يوم تنزل المحاضرات تبعاً مجموعها 14 محاضرة لكل مادة .

متى ارسل الواجبات والمناقشات على طول من تنزل ولا انتظر أيام ؟

يفضل انكِ تحلينها على طول خاصة المناقشات الـ(14) عشان ما تتراكم عليج وبعدها يصير ما فيه وقت تحلينها . اما الواجبات (3) امرها هين وميسر.

[]أعتمد دراستي على الإفتراضي طبعآ لآن الكل مدحه صح ؟

ايه طبعا الافتراضي ممتاز لكن المحاضرات المباشرة تدخلينها عن طريق البلاك بورد القديم .

بالتوفيق .

رد: انا مستجدهـ .. وياليت أحد يضع لي النقط على الحروف

م عنديي ايي فكرة

الله يوفق الجييع

يااارب