ملتقى طلاب وطالبات جامعة الملك فيصل,جامعة الدمام

أسعد الله صباحاتكم بكل خير وابعد عنكم الحزن والخيبه ودروبها .........

يا صدمتي في أكثرالناااس.. ويا خيبة ظنوني
يا ضيق صدري .. لا ذكرت إنّي عليهم ما كذبْت

يا طعنةٍ خلتني أنسى من سبايبها .. طعوني
يا جرح ماله طبّ حتى لو أقول:- اليوم طبْت

البارحه والله يكون بعون أحاسيسي .. وعوني
أحاول أهرب من عمايلهم ولكن ما هربْت

ما كنت أحسّ إني أنا أنا .. وهذا الكون .. كوني
أمُرّ في حالة ضياع .. وشبه غيبوبه .. وكبْت

أحباب!! أي أحباب ذول اللي على جروحي خذوني
الظاهر إني شبْت .. ياعالم .. وأناما بعد شبْت

سألت نفسي هُم يبوني صدق؟؟ ولا ّ مايبوني
أجبْت نفسي وليتني على سؤالي ما أجبْت

اللي لهم مُدّه وهم في داخلي .. وأستغفلوني
ياماأستغلوا طيبتي معهم وكل اللي وهبْت

وهبتهم قلبي.. وشعري.. وكلما حولي ودوني
تعبْت معهم بس ما كنّي رغم هذا.. تعبْت

شعرت فعلاًبالعذاب.. وغصّة الدمع بعيوني
قرّبتهم منّي وأنا اللي كنت أحسْبنّي قربْت

مادامهم ما قدّروا صدقي .. ومعهم جرجروني
لو أدري آخرها كذا .. من أول الدرب أنسحبْت

أحبابهم واجد .. ولا أدري ليه بالذات أخدعوني؟
مع إن عمري ما خدعت إنسان .. أو حتى قلبْت

يا قوّها صدمه .. وأنا لون الغدرماهو بلوني
وربّي ما أنلام لو بعد الذي سوّوه .. غبْت

ماكنت ناقص صدمه أخرى في حياتي وأصدموني
مصدوم خِلقه .. لين مات الخير فيني وأنعطبْت

الحين مدري كيف أعاملهم .. وهُم ما قدّروني
ما أستوعبوا للّي كتبْت من الجروح .. وما كتبْت

الله يجازيهم على أستنزافي .. وحرقة جفوني
ما كنت حاسبهم يبيعون الغلا .. يومي حسبْت

أثْر الغلط مني لأني كنت أسلّمهم جنوني
لكنّي أعلنها صريحه "تبْت والله ثم تبْت"

ما عاد لي رغبه أجدّد في علاقتهم طعوني
خسرت في هذاالطريق أضعاف ضعف اللي كسبْت

أحسن لي أبعد وأشتري نفسي .. ولا خيبة ظنوني
إن طبْت من جرحي .. وإلا ّ.. جِعْلِني ما يوم طبْت

تقبلوا فائق احترامي وتقديري لــكم ......... 💔