ملتقى طلاب وطالبات جامعة الملك فيصل,جامعة الدمام - || آلي آختــي غلآ أفيديني بارك الله فيك ||~

|| آلي آختــي غلآ أفيديني بارك الله فيك ||~

السلام عليكم

اختي غلوو انا طالبه مستجده بالجبيل وعندي كم سؤال برقمها لتس

1 _ ابي انقل هنا بالكليه هل اقدر الحين انقل ؟

2 - للحين الكليه رسوم ولا بدون رسوم

3 - انا ادبي هل يقبلووني

يارب تردي علي لانك ماشاء الله عليك تبرد قلبي الواحد بردك مو مثل بعض الاقسام هنا

الله يصلحهم ..
طيب أختي عندك معلومه عن كلية المجتمع بالدمام واسئلتي هي نفس الاسئله الي فووق

رد: || آلي آختــي غلآ أفيديني بارك الله فيك ||~

هلا فيج اختي

وانا بالخدمع بالي اعرفه

بالنسبه لأسالتج

اقتباس:

1 _ ابي انقل هنا بالكليه هل اقدر الحين انقل ؟

اذا عندج واسطه اي تقدرين الحين ومن بكرا تداومين عندنا بس بالواسطه
واذا ماعندج لا لازم تدرسين ترمين وتجيبين معدل بعدين تقدرين تحولين بس لازم تقدمين طلب تحويل قل 6 اسابيع من التحويل يعني شوفي الشروط

اقتباس:

2-التحويل من داخل الجامعة :

أ- لتخصص موجود في كلية لأخرى
يجب أن تنطبق على المحول شروط القبول بالكلية في نفس سنة التحويل .
1-أن يكون قد أمضى فصلين دراسيين على الأقل في الكلية المحول منها .
2- أن لا يقل معدله التراكمي عن ( 2من 5) .
3-أن يتقدم بطلب التحويل بستة أسابيع على الأقل قبل بدء الفصل الدراسي ، ويثبت في سجله الأكاديمي جميع المقررات التي سبق له دراستها ، ويشمل ذلك التقديرات والمعدلات الفصلية والتراكمية طوال دراسته في الجامعة – بالإضافة إلى شروط يحددها مجلس الكلية المعنية ...

اقتباس:

قد يكون هناك شروط أخرى تشترطها كل كلية لذا على الطالب الاستعلام من عمادة القبول والتسجيل قبل تقديمه لطلب التحويل .

اجرائات التحويل:
أن يتقدم الطالب بملئ نموذج طلب التحويل ويسلمها لعمادة القبول والتسجيل مرفقاً معها نسخه من السجل الأكاديمي للطالب وذلك خلال الفترات محددة ثم يعرض الطلب على مجلس الكلية التي من صلاحياتها الموافقة من عدمها بناء على الشروط المنصوص عليها .

يعني راجعي عمادة القبول والتسجيل عندكم بالكليه هاليومين واساليهم وبيفيدونج عن التفاصيل اكثر ان شاء الله

2 - للحين الكليه رسوم ولا بدون رسوم

العام كانت بدون رسوم منحه من الملك
وهالسنه للحين مو معروف يقولون يبين بعد فتره والله يعين

3 - انا ادبي هل يقبلووني

اي مافي مشكله الادبي والعلمي واحد بهالكليه
يعني مافي اي اشكال

وهذا الكلام كله ع كلية الدراسات التطبيقيه وخدمة المجتمع

اما سؤالج عن كلية المجتمع فاتوقع مو موجوده بالدمام لا بس بالحسا والقطيف
وماعندي معلومات عنها استفسري بالقسم المناسب لها هنا بالمنتدى في قسمين للكليه واحد بالحسا وواحد بالقطيف
وان شاء الله مايقصرون معاج

واي شي ثاني بالخدمه قلبو
والله يوفقج
:119:

رد: || آلي آختــي غلآ أفيديني بارك الله فيك ||~

فديت قلبك والله انك تنحطين على الجرح يبرى

ربي يجعلها بميزان حسناتك يالغلآ ..

بس عندي سؤال بسيط

الدراسات التطبيقه هي بالدمام هنا صح وين موقعا بقرب من جامعه فيصل

ثانيآ ابي اتأكد من التخصصات الموجودهـ منك يالغلآ ..

رد: || آلي آختــي غلآ أفيديني بارك الله فيك ||~

كلية الدراسات التطبيقيه وخدمة المجتمع موجوده داخل جامعة الملك فيصل بالدمام

والتخصصات الي في مبنى الكليه هي نظم معلومات (حاسب) \و محاسبه\ و تسويق وكلها بالعربي وشهادتها بكالوريوس بعد 4 سنين

وفي تخصص اسمه سكرتاريه طبيه

بس السكرتاريه دراسته بمبنى غير بس موجود داخل الجامعه ويتطلب اختبار للقبول ودراسته بالانجليش وشهادته اغلب ظني دبلوم بس

والافضل بنظري النظم والمحاسبه بس النظم صعب شوي والمحاسبه اسهل نوعا ما

طبعا يعتمد ع ميولج ومستواج

والله يوفقج

رد: || آلي آختــي غلآ أفيديني بارك الله فيك ||~

الله يسعد قلبك يالغلآ ..

انشاء الله الاسبوع الجاي باذن الرحمن عندكم

بدرس محاسبهـ ..

رد: || آلي آختــي غلآ أفيديني بارك الله فيك ||~

الله يوفقج يارب

واي شي تحتاجينه بالخدمه

:119:

رد: || آلي آختــي غلآ أفيديني بارك الله فيك ||~

حوبي شخبارك

حبيت اسألك

الحين الكليه برسوم أم لأ

افيدني جزاك الله خيرآ

رد: || آلي آختــي غلآ أفيديني بارك الله فيك ||~

للحين مو مبين

:000: