ملتقى طلاب وطالبات جامعة الملك فيصل,جامعة الدمام - بعض النصائح + اخطاء يجب تجنبها بالمحاضرات المباشرة

بعض النصائح + اخطاء يجب تجنبها بالمحاضرات المباشرة

السلام عليكم ورحمة الله وبركاته
كنت بنزل هالموضوع قبل الدورة التدريبية بس قلت الافضل
اني اتابع معهم واشوف اكثر الاخطاء والامور اللي يكررونها وبعدين انزل الموضوع
وجمعت كم نقطة واضفت للموضوع كم نقطة وان شاء الله يفيدكم

1/ الجافا : اولًا قبل كل شيء تأكد من برنامج الجافا انه مثبت بجهازك وانه محدث لاخر اصدار

2/ الصوت : ياجماعة الصوت مشكلة كل من يشتكي انه مافيه صوت وفي الاخير بحركة وحده تعرفون اذا فعلًا فيه مشكله بجاهززك ولا لا

تابعوا معي
اول شيء تضغطون المايك الاحمر هذا
http://www.ckfu.org/pic4u/uploads/ckfu13781547201.png
اضغطوا بعدها play
http://www.ckfu.org/pic4u/uploads/ckfu13781547202.gif
اذا ظهر صوت فـ مافيه اي مشكله عندك ومعناته الصوت منقطع من عند الدكتور او من الاساس الدكتور موب موجود او موب قاعد يتكلم
بلاش توسوسون وتفرمتون اجهزتكم والا تودونه محلات يشوف وش المشكلة

اما اذا ما ظهر صوت فـ ممكن فيه مشكله بكارت الصوت

3/ المايك : مشكلة البعض اذا تكلم بالمايك ينساه مفتوح .. طيب جربوا معي هالحركة ..
اذا اتيحت ايقونة المايك اضغطوا عليه وخلوا الصوت كذا
http://www.ckfu.org/pic4u/uploads/ckfu13781551421.png

متى ما تأكدت انه مافيه احد حولك ولا مافيه احد قاعد يتكلم ارفع الصوت كذا
http://www.ckfu.org/pic4u/uploads/ckfu13781551422.png
بكذا صوتك يوضح وما تشوشر على زملائك ولا على الدكتور

4/ الشات : الشات ياجماعة الربع شات جامعي موب شات تعب قلبي :30:
ما يلفظ من قول إلا لديه رقيب عتيد
خلوا الدكتور يقرأ على مهل خلوا الشات للفائدة لا تخربون على انفسكم وينقفل الشات عليكم بسبب سوالف مالها لزمة
"هههههههههههه , نداء حنوووووون ندااااااااء , شباب المحاضرة مملة انا طالع من المحاضرة .. الخ" من العبارات اللي مالها لزمة يقرأها الدكتور
لا تفيد لا القارئ ولا الكاتب ولا الدكتور ولا اي نملة بالشارع حتى :26::30:

5/ الالهاء عن المحاضرة : البعض يلهيه امور بسيطة عن المحاضرة ولاحظت هالشيء اليوم :cheese:

* الشاتنق يلهي كثييييير , طيب بإختصار اعملوا كذا
http://www.ckfu.org/pic4u/uploads/ckfu13781524603.png
اضغطوا على السهم وسكروا الشات وبس

* الشيء المزعج اشعار تسجيل الدخول والخروج
معروف ان اي نفر يدخل او يخرج يطلع شيء مزعج على جنب
كيف نتخلص منه ؟؟
طبقوا معي

http://www.ckfu.org/pic4u/uploads/ckfu13781640421.png

http://www.ckfu.org/pic4u/uploads/ckfu13781640422.png

http://www.ckfu.org/pic4u/uploads/ckfu13781640423.png

http://www.ckfu.org/pic4u/uploads/ckfu13781640424.png
واخيرًا تخلصنا من القلق :21:
وكل الشكر للصديقة نوتيلا اللي علمتنا هالطريقة وفكتنا من هالقلق من المستوى الاول :004:

6/ اسئلة ابعدوا عنها وقت المحاضرة
* الاسئلة اللي تخص مقرر ثاني
* الاسئلة اللي تخص الدعم الفني
* الاسئلة اللي تخص العمادة
* اسألوا فقط في المقرر وفيما يخص المقرر

واخيرًا للشيبان مستوى ثالث ورابع
اللي عنده نصيحه حاب يقدمها لايبخل فيها على ابنائنا المستجدين
واذا فيه خطأ يتكرر دائمًا وما ذكرته نبهوهم عليه وبإذن بأقتبس مشاركاتكم وارفعها لاول الموضوع

تمنياتي لكم بمستوى حافل وممتع وشيق
أخيتكم واميمة بعضكم :cheese: : الدكتورة بإذن الله نصرون

بعض النصائح + اخطاء يجب تجنبها بالمحاضرات المباشرة

نصائح طلاب المستويات المتقدمة

اقتباس:

المشاركة الأصلية كتبت بواسطة بنت الجبيل~ (المشاركة 9500780)

يعطيك الف عاافية مامينا

حبيت أضيف كماان تكرار نفس السؤال في نفس الفقرة اكثر من 100 مره

وبلاش كل واحد ينط ويقول نبي ملخصاات دكتور مافيه ملخصاات

الاجابه من الحين الا فيه ملخصاات لكل ماده تنزل عالبلاك بورد واقصد فيها المحتوياات لكل محاضرة

ولاذكرة شي بنط اقوله لكم

وبالتوفيق للجميع ياارب:16:

اقتباس:

المشاركة الأصلية كتبت بواسطة n o o r a h (المشاركة 9500786)

يعطيك العافية نصرون

الفصل الأول يحدد من أنتم .... المرحلة الجامعية أبرز محطاتكم ... ومنها أهم انطلاقاتكم ...

كونوا دومآ على ثقه آن خطوة الفشل تولد بعدهآ آلف خطوة من النجاح ؛

فلا تستسلموا لأي شيء او عائق في بداية مسيرتكم وآكملوا طريقكم بأصرآر وطموح ...

وفقكم الباري في مسيرتكم العلمية :16:

اقتباس:

المشاركة الأصلية كتبت بواسطة mjoudh (المشاركة 9500928)

مشكورة حبيبتي نصرون على شرح الوافي

بس حبيت اقول كلمه حنى مرينا اول سنه جامعة مانبي نعيد الاخطاء

بتوفيق للكل:16:

اقتباس:

المشاركة الأصلية كتبت بواسطة حُروف آنثوية (المشاركة 9501353)

الله يعطيك العافيه نصرونتنا :13::3:

أضيف نصيحه

لا تسئلون من وين نذاكر ، نحتاج كتاب ولا لا ، نشري الملخصات من المكتبة

كل دكتور اول محاضرة بيوضح كل شي بخصوص المذاكرة و المحتوى و الكتب ، والأسئلة هذي تضيع وقت

اقتباس:

المشاركة الأصلية كتبت بواسطة homoodan (المشاركة 9504570)

مشكورة على هالملاحظات أخت بنت الجبيل

وأضيف لاحد يمسك المايك لوحده ويحرم الباقين ويصف له خمسين سؤال والناس تنتظر المايك

والجماعة اللي يمسكون المايك وهم قاعدين وسط حفلة عائلية نسمع عندهم اصوات اطفال ومادري ايش بعد ياجماعة وقت المحاضرة المباشرة خليكم في مكان هادئ ولوحدكم

والجماعة اللي حاطين المايك مع سماعات كبيرة وكل ما تكلم الدكتور قام صوته يتردد علينا لا هو يفهم اللي صاير ولا احنا نفهم وش يقول ياجماعة استخدموا سماعات راس احسن واوضح

وفي حاجة كمان في ناس ما يتابعون ورى أسئلة زملائهم السابقة ويشغلون نفسهم بأي شي وفجأة ينظون على المايك ويعيدون نفس الأسئلة اللي انسألة ثلاثة وعشرين مرة قبلهم

وبلاش كمان الناس اللي تطلب المايك وتروح تنام عنه والدكتور ينادي أيوه يابني أيوه يابنتي واحنا ما نسمع الا اصوات اطفال ومواعين والزي منه.

وش نسيت بعد؟!!!

اقتباس:

المشاركة الأصلية كتبت بواسطة ♡яσσмє (المشاركة 9506662)

والله يادكتوره نصرون انا من شيبات ثالث وتوني اعرف اشياء ما قد عرفتها :hahahahahah::hahahahahah::eek:
يعطيك الله العافييه
الشات مسببلي ازمه ارتقوووو ارجوكم
الي في بعض الدكاتره يخلون المايك مفتوح ويطلعوو عساس انتهت المحاضره
بس يجي وقت arab idol اصوات تجيب .....:41::41:
من سب وصراخ وتفلسف من طلاب وطالبات ...الخ :017::017::017::017::017:
ارتقوو رجااء :44:

اقتباس:

المشاركة الأصلية كتبت بواسطة رَذاذُ مَـطرْ (المشاركة 9510281)

homoodan

كلامك توحفة أزحك الله سنك يا راقل :13:

..

سلمتِ يا ميمتنا :060:

نقطة :

الأخوة و الأخوات الغير أفاضل اللي يقلبونها جلسات وناسة بعد ما تنتهي المحاضرة

و اللي يـ/تستظرف أثناء المحاضرة بتشغيل مقطع صوتي ماله لزمه مصحوبة بضحكة مايعة

و خضوع في القول ,, اتقوا الله و احفظوا ماء وجوهكم أو أكرموا الحضور بغيابكم عن المحاضرة =)