|
تقديم خدمات البلاك بورد
السلام عليكم ورحمة الله وبركاته آسعد الله مسائكم بكل خير ومسره أخواني / آخواتي استفسار بسيط؟ اتصلت على مكتبة ( صدى الحروف ) موجود اعلانهم في الصفحه الرئيسيه بالمنتدى عمومآ كلمتهم بخصوص خدمه ( البلاك بورد ) يقومون بتنزيل المحاضرات ، وحل الواجبات ، والمناقشه قالي المسؤل الماده على طول المستوى 50 ريال يعني الحين المستوى الاول عندي خمس مواد بتكون كلها 250 ريال حبيت استفسر احد جرب هالخدمه ؟ وهل هي كويسه ولا لا ؟ طبعآ ماهوب كسل فيني للمتابعه بس يعني يكون تركيزي على المحاضرات تلخيصها والواجبات وغيرها هم يناقشونها مع الدكتور وانا راح اتابع في حال فراغي من العمل ابي نصيحة القدامئ عسى ربي يوفقهم ويوفقنا حنا الجدد تحياتي للجميع ،، |
رد: تقديم خدمات البلاك بورد
وعليك السلام ورحمه الله
ماقد جربت , بس ترا م يبي لها كلها 3 واجبات لكل ماده , (خيارات) تحلها ب أقل من ثانيه والمناقشات نسخ لصق ! والتحميل إنت محملهم عشان تذاكر وم في تلخيص الملخصات جاهزه مجرد إنك تطبعها وتذاكر ! فقط ! ف م أظن إنك تحتاج لهم وترى مو لآزم أول ب أول , عادي لو بعد 3 شهور يعني قبل الإختبارات (يوم واحد ) يمديك تخلصهم كلهم يوفقك ربي :33: |
رد: تقديم خدمات البلاك بورد
اقتباس:
جدآ جدآ جميل انا عارف كذا بس حبيت اشوف هالخدمه طيب بخصوص الواحبات هل فيه مكان بالنتدى تنزل فيه او احصلها هنا بقسم المستوى اول / ادارة اعمال تنزل ويتشارك فيها الجميع تحياتي،، |
رد: تقديم خدمات البلاك بورد
الحلول تنزل فورا ً بالموضوع المثبت بهالقسم ..
|
رد: تقديم خدمات البلاك بورد
شكرا فواز لطرحك هذا التسائل لانني فعلا كان فبالي وفقك الله ..
ولكن ياريت احد يجاوبني على سؤالي ..انا بصراحه ابي احصل على العلامه الكامله باذن الله وهناك يقولون حضور المحاضرة وحل الواجبات عليها درجات ..ياريت احد يفيدنا كم هي الدرجات وهل كل مره المحاضرة مباشر ام تسجيل وحل الواجبات بنفس اليوم ام أي وقت ..فقط هذا تسائلي ..وفق الله الجميع |
رد: تقديم خدمات البلاك بورد
أخوي الغالي
أولآ : العفو لك وكلنا جدد نكمل بعضنا بالاسئله والاستفسارات والأخوان والأخوات هنا بالمنتدى ما يقصرون ثانيآ : بالنسبه للمواد هي على النحو التالي ١٠٠ درجه لكل مقرر عليك انك تجيب ٧٠ على ورقة الامتحان يبقى عندك ٣٠ درجه مقسمه على تنزيل المحاضرات وحل الواجبات والمنافشه ١٠ درجات تنزيل محاضرات وهي ١٤ محاضره مسجله و٣ محاضرات مباشره للتحاور مع الدكتور ١٠ درجات لحل الواجبات وبيكون ٣ واجبات خلال الفصل الدراسي ١٠ درجات للرد على القضايا المطروحه للنقاش يبقى متى اوقات المحاضرات وبعض الاستفسارات اللي عندك الصراحه اخلي غيري يفيدم فيها لاني جديد نفسك لكن اطلاعي على كثير من المواضيع بالمنتدى خلاني اعرف وش لي وش علي الله يوفقنا وياك والجميع تقبل تحياتي ،، |
رد: تقديم خدمات البلاك بورد
30 درجه , للأعمال الفصليه .. و70 للإختبار النهائي
للأعمال الفصليه : 10 للواجبات (3 لكل ماده) 10 للمناقشات (14 لكل ماده) 10 لتحميل المحاضرات (المسجله14 و المباشره3) |
رد: تقديم خدمات البلاك بورد
يسلمو فواز :3:
|
رد: تقديم خدمات البلاك بورد
شكرا لك اخي العزيز فواز على سرعة اجابتك .. نطلب من الله يوفقنا الجميع لان الهدف مشترك هو النجاح والتخرج
لك مني كل التحيات والتقدير |
رد: تقديم خدمات البلاك بورد
اقتباس:
العفو ولو واجبنا اننا نعين بعض ونساعد بعض وانا اجهل اشياء ما استغني عن خبراتكم يالقدامئ |
| All times are GMT +3. الوقت الآن حسب توقيت السعودية: 08:09 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه