مجموعة استفسارات من طالبة بالسنة التحضيرية :)
 

السلام عليكم و رحمة الله و بركاته
عندي مجموعة استفسارات و أتمنى من كل قلبي أنكم تردون علي

أول شي أنا حدثت بياناتي وكذا
بس أبي أسجل موادي مو قادرة !!
إذا دخلت من قوقل كروم مايفتح لي النظام أصلاً
وإذا دخلت من الفايرفوكس يفتح معاي بس إذا جيت بسوي بحث عن فصل تطلع لي رسالة خطأ
من فترررة وأنا أحاول فيه
البنات سجلوا في الشعب الزينة وخلصوا وأنا أخاف بعدين ما أسجل إلا متأخر والدكاترة يكونوا مو أوك
تكفووون شوفوا لي حل ربي يسسعدكم

ثاني شي
بكرة نداوم يوم التهيئة
من الساعة كم نروح ؟؟
وهل يحتاج نلبس ملابس الجامعة أو عادي نجلس بعباياتنا ؟
وإلى الساعة بالضبط بنكون هناك ؟
عشان نضبط أمورنا مع المواصلات وهيك


أخر شي
مواصلات الكلية
أنا سبق وكتبت استفسار من قبل هنا بالقسم عن المواصلات
ومدحوها لي
أبي أعرف هم يوصلوا الطالبة لحد باب البيت ويمروا عليها يوميا البيت
أو يوقفوا عند مكان محدد ؟
وكيف لو أبي أروح وأجي معاهم بما أني طالبة مستجدة .. وش الإجراءات اللي أسويها بالضبط ؟؟

ومشكووورين

رد: مجموعة استفسارات من طالبة بالسنة التحضيرية :)
 

أولا/ بالنسبه للتسجل:

كثير بنات قالوا عندهم نفس المشكله لما تروحين الجامعه

بتشوفين مجموعة بنات لابسين قمصان حمرا استفسري منهم ..

ثانيا/ بالنسبه ليوم التهيئه :

ماعندي خبر بالوقت التحديد لكن حاولي قبل 9 تكونين بالجامعه

علشان مايفوتك شي وعموما نهاية دوام الكليه كلها الساعه2

وما اتوقع تتأخرون لهالوقت , والملابس احتياطا لبسي تنوره :42:

ثالث/ بالنسبه للمواصلات :

فيه باصات يوصلون لعند البيت وفيه بعضهم لهم نقطة تجمع

على حسب عدد الطالبات واذا كانت بيتهم متقاربه ,

ومافي اي اجراءات تسوينها بس اطلعي عند الباصات

بتشوفين رجال كبير ينظمهم قولي له منظقتك واسئليه

عن رقم الباص اللي يوصل لها وروحي دورييه :8: .

وبالتوفييق :1::16:

رد: مجموعة استفسارات من طالبة بالسنة التحضيرية :)
 

مشكووووووووورة أختي على ردك
ربي يوفقك ويسعدك وين ما كنتي :16:

رد: مجموعة استفسارات من طالبة بالسنة التحضيرية :)
 

الأخت فجر اللقاء ماقصرت .. :16:

وبالنسبة للوقت في يوم التهيئة للسنة اللي راحت ماذكر متى بدأت بس أتذكر أنها أنتهت ع الساعة 12 أو قبلها إذا ماكنت غلطانه

واللبس ألبسي لبس جامعه .. تنورة يعني للأحتياط


وبس :1: