ملتقى طلاب وطالبات جامعة الملك فيصل,جامعة الدمام - شعر قلي تبيني صدق ولا وش اخفيت !!

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : قلي تبيني صدق ولا وش اخفيت !! (https://vb.ckfu.org/showthread.php?t=490434)

قلي تبيني صدق ولا وش اخفيت !!

اترككم مع رائعة المبدع حمد البريدي. اتمنى ان تروق لذائقتكم قلي تبيني صدق ولآ وش أخفيت
ترى' الصراحه مَاآ تنقص غَلاتك
بقفي ولك وجهي وحتى انت لقفيت
حقك علي سترك و هذي حياتك
_
ليت الحنآيا ما تعرف التناهيدت
اأو ليتني ما أسرفت في (حب ذاتك )

لو حآجتي عند العرب مآترجيت
لاكن تغآنمني ولملم شتآتــك
_
وش هو شعورك لو يقولوا توفيّت
وش هو شعوري لو دريت بوفاتك !

سيّر علي ما داآم لك بالحشا بيت
قبل الغياب يهد سور امنياتك ..
_
كنت أحسبني في عطا قلبي أقديت
و آثر كثر الإسراف ب القلب فاتك

غيرك بغوني بالمحبه و عييت
لأنك خذيت الروح ما قلت جاتك
_
سقت الأماني في رجاك وتمنيت
وعلى القسى والهجر دارت رحاتك

مرضت منك وأحسبني تشآليت
ي ا قلبي المجروح قد ذي جزاتك
_
ما امداك تبغى تروح من بعد ما جيت
تستعجل الروحه وتذبح غناتك

ليتك قنوع و ليتك تحس ياليت
أوفر علي من التعب في وصاتك
_
خطاي قلت إني أحبك.. وسجّيت
وأنا موصّي القلب يخفي غلاتك

أدخل عليك من الردى وإن تردّيت
تذكّر إني صحت والوقت فاتك

أبغيك لكن ما أقدر اتبعك لقفيت
طرد المقفي عيب كلمة وجاتك