|
وين انت ياتوم الحياة اليتيمه ....
هذي القصيده حقت عم واحد من اخوياي عتيبي الله يذكره بالخير واتذكر انه كان يعلمنا فيها ايام الثانوي واليوم جت على بالي وطلعتها من النت وحبيت اشاركم بها ... نشدت عنك نجوم نجد ونسيمه ومن ساطع القمراء تحريت الاخبار ونشدت عنك مع السماء كل ديمه ورحت استشف العلم من همس الازهار ومريت بطلال القصور القديمه اللي بها سجلت انا وانت تذكار انشد وادور والاجابه عديمه لاصوت جاوبني ولا دار ديار ورجعت ازايم عبرتي والهزيمه مكسور خاطر بالغ الحزن منهار ضاق الفضاء واصبح بعيني خريمه ماشوف لي معها بلياك معبار وين انت ياتوم الحياة اليتيمه فوق الثرى ولاعليك الثرى ثار كان انت حي وفي ظروف سليمه عزالله انك جرت يوم الزمن جار ماتدري ان الهجر ظلم و جريمه وان الجفاء في حق راع الوفاء عار وكان انت ميت فالمصيبه عظيمه الدمع مايكفي ولو صب مدرار ياللشقاء ياللقهر والهضيمه ياللعذاب اللي بداء معي مشوار تصبح حياتي كلها دون قيمه ونور الامل في ناضري ينقلب نار الأمل روح الحياة |
رد: وين انت ياتوم الحياة اليتيمه ....
صح السان ابن العم ,, وسلمت يمينك اخوي ابو نايف على اختيارك , وذايقتك الشعريه |
رد: وين انت ياتوم الحياة اليتيمه ....
:16::16::16: صح لسانه وصح انتقائك بو نايف ربي يسسسسسعدك
اشكرك ع التنبيه |
رد: وين انت ياتوم الحياة اليتيمه ....
اقتباس:
صح بدنك بنيابه عنه آجل حتى انت طلعت من خوالي ...........:21: ...:16::16: اقتباس:
منورة الموضوع بمرورك الكريم سكر ........:16: |
رد: وين انت ياتوم الحياة اليتيمه ....
الله الله عليك يابو نايف مبدع
صح السانك. يأخوي |
رد: وين انت ياتوم الحياة اليتيمه ....
ياللشقاء ياللقهر والهضيمه ياللعذاب اللي بداء معي مشوار .... صح لسانه وتسلم يمناك اخوي .. |
رد: وين انت ياتوم الحياة اليتيمه ....
ابو نايف صبّحك الله بالخير تسلم يمناك على اختيارك الجميل والمميز اعجبتني حيل واعجبني هذا البيت كثير كان انت حي وفي ظروف سليمه عزالله انك جرت يوم الزمن جار لاهنت ولا هان الشاعر تحياتي لك |
رد: وين انت ياتوم الحياة اليتيمه ....
|
رد: وين انت ياتوم الحياة اليتيمه ....
ماتدري ان الهجر ظلم و جريمه وان الجفاء في حق راع الوفاء عار سلمت ذاكرتك ع هذا الانتقاء إبداع متدفق |
رد: وين انت ياتوم الحياة اليتيمه ....
** صح بوح الشاعر ., وَ آهنيك عَ ذائقة المشاعر اخوي : ابو نآآآآيف
~/ تسلم يدينك وَ يعطيك العافيةهـ عَ الطرح ., :16: |
| All times are GMT +3. الوقت الآن حسب توقيت السعودية: 11:44 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام