|
تاجيل التطبيق
السلام عليكم
انا ودي ااجل التطبيق للفصل الجاي لظروف خاصه وعندي ثلاث مواد من المستوى الثاني اخذتهم لكن التطبيق مااقدر عليه حاليا مع اني المفروض اكون متخرجه مع الدفعه اللي طافت فا ودي استشيركم وهل راح يكون عادي يعني ماياثر بعدين على مستواي وانا الحمدلله تقديري العام زين افيدوني جزاكم الله خير وشكرا |
رد: تاجيل التطبيق
افضل لك تطبقين
التطبيق سهل وايامه قليله لاتاجلين شهور عشان بعض الايام |
رد: تاجيل التطبيق
مساءكمـ خير أحبتيـ
الظروف لها أحكام أم أنس .. لكن الأفضل أن تطبقي تفادياً للاوضاع القادمة .. سيما وأن نظام الجامعة يتغير سنوياً ولا ندري عنه هل هو للأفضل أم للأسوء ؟ هذا رأيي شخصيا .. والأمر لكِ بعينه . |
رد: تاجيل التطبيق
ما خاب من استخار http://www.saaid.net/bahoth/41.htmاستخيري ربك واللي ترتاحين له سويه دعاء الاستخاره وطريقة الصلاه |
رد: تاجيل التطبيق
اول شئ باقي لك ثلاث مواد يعني لازم لايقل عندك عدد الساعات عن 12 ساعة ولا يزيد عن 18 ... نفترض انك اخذي الثلاث مواد .. زين وبعدين باقي التطبيق ... يعني لو بتطبقين نقول في شهر 11 كلها ترا المساله اسبوعين .. ويبقى لك المادتين في شهر 3 ربيع الاول السنة الجاية .. وتستلمين الوثيقة مع شهر 6 او 7 تقريبااا شهر رجب .. هذا على حسب افتراضي حسبتة بوقت تخرج الدفعة اللي فاتت ... زين ... لو افترضنا انك اجلتي التطبيق للفصل الجاي ... يعني بتطبقين في شهر 7 او 8 رجب او شعبان .. فيا متى تستلمين الوثيقة .. بعد العيد السنة الجاية زي هالوقت تقريباااا مثل مااستلموا زملائنا الخريجين من قبل اسابيع تقريباااا ... اخذي المواد الباقي عندك وطبقي التربية العملية وتخرجي وتركي عنك التردد ... فالتاخير له عواقبه وخاصة مع مفاجااات الجامعة للطلبة .. ماتدرين يمكن يقولون دام انكم غير تربوين بنحط لكم مواد حالكم حال كلية الاداب وادارة الاعمال كل شئ جايز .. دايم مفاجااات الجامعة في غير مصلحة الطالب ... طبقي وبالتوفيق لنا ولك ... |
رد: تاجيل التطبيق
هلابك ام انس انا وانتي المفروض تخرجنا مع زميلاتنا لاكن للاسف ظروفنا والمسوليه
لاكن الحمد لله على كل حال الان هالسمستر ندرس كم مادة الباقي ونطبق ونتخرج .. انصحك ياختي تخرجي معي هالسمستر وارتاحي وربي يوفقك :16: |
رد: تاجيل التطبيق
مشكورين اخواني واختي الفهيديه
خلاص راح اتوكل على الله واطبق والله ان شاءالله يسهل الامور وصحيح مثل ما قلتوا الجامعه كل يوم لها مفاجئه جديده جزاكم الله كل خير:16: |
| All times are GMT +3. الوقت الآن حسب توقيت السعودية: 08:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه