|
آبي عقولكم بليز ~
السلآم عليكم , شسمو بس ابي استفسر عن الانقلش ! انا وحدتن احب هاللغه وعندي كلمآت وعندي سعة اني استقبل معلومات وكلمات وقواعد ، * بس كثير قالو انهآ صعبة ~ وكثير آدفر مني ممشى معهم التخصص ~ بس كمان ناخذ شوية تفآئل كثير دخلوه ومآش تخرجو وكويس ّ ف آبي كل وحده تتفلسف علي :) ولاتقولون لي لو كنتي تحبينه بتمشين ! ايوا احبه بس اخاف انو م يمشي معي , وبعد ب النسبة ل اختبار تحديد المستوى *: شيبون ذولا ؟ :) شنو اسئلتهم ! تخص وش ؟ وشكرآ للي حتجاوب :16: |
رد: آبي عقولكم بليز ~
وعليكم السلام :16: انا مثلك اموت على الانغلش وممتازة فيه وعندي اللغة و الحمدالله وكنت متخوفة بشكل مو طبيعي وعبيت راسي بأفكار :40: سلبية لكن تذكرة كلام وتشجيع استاذاتي لي من يوم كنت في ثنوي عن الخوف لاتخلين الخوف يسيطر عليك والي قالت صعب ,, مافي تخصص يخلوا من الصعوبة وفعلاً في ناس على الحفة في الانغلش بس تخصصوا وتعلموا ونجحوا و البعض توظفوا :19: خليك قدها وانتي اغلبي الخوف ,, حتى لو في بنات مستواهم احسن و اعلى منك هذي مو نهاية المشوار في فرصة قدامك تتعلمين وتستفيدين اكثر خليك قوية ,, :27: عن نفسي من اسباب تخصصي للادبي اهو الانغلش اختصاراً للمشوار :41: سويت الي اقدر عليه عشان اتخصص انغلش ولله الحمد :35: وانتي قلتيها بنفسك عندك قدرة تستوعبين المادة :17: فكري بإيجابية و تذكري الخوف من اسباب الفشل والشي الصعب عن البعض ممكن يكون سهل وتافه عندك :1: |
رد: آبي عقولكم بليز ~
أولا:
اعرفي مستواك زين و اسألي عن أسلوب الدراسه و قارنيه بمستواك! عشان ما تنصدمين. ثانيا: سكري اذانك عن الأفكار السلبية و الخوف! ثالثا: عن تجربه أقولك القسم يبي جهد ! وإذا بذلتيه بنمشييييين بالمعدل اللي تبين! و شي مو سهل انك تدرسين لغه لكن شي يهبل انك تتقنينها!!! صح ولا؟ فكري بنتيجه التعب دائماً و بنتحملين كل الصعوبات. رابعا: اطلعي على المواد و متطلباتها لان هالقسم عنكبوتي! و رتبي خطه للمستويات الجايه! الله معاك:16: |
رد: آبي عقولكم بليز ~
مافيه اختبار مستووى حبيبتي
وكل اللي عليك تسوينه تسكرين اذانك عن كل من يتكلم بصعوبته هم لأنهم صدقوا بهالشي بعقلهم الباطن , كل شي صار عليهم صعب القراءه والمحادثه والكتابه والفهم والاستيعاب , يحسون طول الوقت بالورطه ولا ودهم يجربون يشدون حيلهم زياده شي انتي عارفه قدرتك فيه غير قدرة غيرك , حتى طريقتك بالتفكير بالاجوبه غير عن طريقتهم , طريقه حلك بالاختبار غير عن حلهم , حتتى طريقه مذاكرتك تختلف , معناته قدرتك تختلف ومحد مفروض يقولك انه صعب , انتي اللي تحددين هالشي بجهد وتعب ! انا اشوف تخصص التاريخ اكثر تخصص ممكن اقول انه صعب بالنسبه لي ! وناس يشوفونه سهل ! لأان استيعابي للكتاب بطيئ وملل ! وعندهم ممتع وشيق خلاص اجل قدرتي تختلف عن قدرتهم , ماعليك من احد عليك تحضرين المحاضره تجلسين قدام , اذا تحتاجين ريكوردر جيبي ودكشنري آلي من جرير , ودفتر وقلم وقلم تحديد , ومذاكره اول بأول وتنجحين بأحسن تقدير ماعليك من كلام احد واللي مايبي يجتهد ولا يذاكر بيقول صعب ! بس نصيحتي لك صدق !! , اذا تبين معدل +واجتهاد مريح , خففي موادك لا تضغطين نفسك بكل المواد واههم شي خذي المواد اللي فيها متتطلبات ! , والمواد اللي ماعليها متطلب ريحي نفسك منها الى ما تصيرين بالمستوى اللي تحسين انك تدرسينه زي ما تدرسين اي ماده عربيه , وسسجلي كل شي مسستوى ثالث خذيه كله مستوى رابع لا تتركين الادب واللغويات , والاستماع والمحادثه , والنثر , تقدرين تتركين القرمر2 وماده عامه مثلا ! المهم لا تضغطين نفسسك عشان ما تتعبين من زحمه المواد وثقل الكتب وما تذاكرين شي ومو مهم التخرج بسرعه قد ما مهم تتخرجين بمعدل عالي ( جيد جدا مرتفع ) على الاقل ! وكلن ورأيه هذا رأيي انا :1: وان شاءالله يكون كلامي مفيد لكل اللي تخصصوا حديثا :1: |
رد: آبي عقولكم بليز ~
اقتباس:
إذا ماعليك امر انا عندي مادة من التحضيري التذوق الادبي كنت حاذفتها ومترددة اخذها الحين والا لا ؟ خايفة تأثر على مستواي و إذا اجلتها لمستوى رابع المواد اكيد بتصير ادسم من المستوى الثالث :36::36: نصحيني ياختي |
رد: آبي عقولكم بليز ~
اقتباس:
بمستوى ثالث راح تاخذين كل ماده مرتين بالاسبوع ! يعني مثلا بعطيك جدول وهمي ! الاحد : استماع - قرمر1 - قراءه الاثنين : قرمر1 - انشاء1 الثلاثاء - قراءه - استماع - انشاء 1 الاربعاء: عقيده واخلاق - انترنت واتصالات والخميس: مثلا اوفف اذا دخلتي التذوق الادبي راح تاخذين 3 ايام فيها 3 محاضرات او تتنازلين عن الاوف *وهذا اللي انا مستحيل اسويه* ههههههههههههه مستوى ثالث بالنسبه لي اسهل بواجد من مستوى رابع واتوقع اللي بعده مستحيل يكون سهل لكن لأنك توك تخصصتي اخاف تجيك صدمه نفسيه من ان كل موادك انجلش ويدخل قلبك رعب زي مادخل قلبي اول ماتخصصت , وما اذاكر اول بأول , ولا لي نفس لشي لين رحت مستوى رابع وتأقلمت وصرت احسن ! اقولك شي هذا قرار يرجع لك , حاولت اساعدك بس اخاف انصحك يصير جدولك ثقيل اذا خذتيه واخاف اذا نصحتك ماتاخذينه تتورطين فيه بعدين!! شوفي ابقولك رأيي انا قلت لك عادي اتخرج متى ماتخرجت اهم شي جدولي يكون خفيف ! وسهل بالمذاكره انا ما اخففه ممره ترا , اخذ 6 مواد , 10 محاضرات بالاسبوع !!!! ومع كذا اشوف نفسي تعبت بس الحمدلله انجح وتقدراتي مو سيئه ! انتي اذا بتمشين زي ما انا امشي عادي خلي التذوق الادبي لين اخخر ترم تتخرجين فيه ! انا يمكن ماتخرج مع مستوى ثامن! يمكن اتخرج بعد ترم زياده او ترمين عادي عندي اهم شي المعدل عندي زي ما اقولك :1::1::1: بس اذا انتي تبين تتخرجين مع بنات مستوى ثامن , بدفعتك , ف لازم تثقلين جدولك ومعدلك انتي ابخص فيه , اذا بتفرمين الكتب فرررم , ف عادي دخلي كل شي تبينه :27: |
رد: آبي عقولكم بليز ~
اقتباس:
كلامك 100% بس بالنسبة ان المواد كلها انجليزي ترا استنى هاليوم من زمان :5::5: وانا مابي اثقل على نفسي صراحة خصوصاً ان عندي التزامات غير الدراسة كنت ناوية اخذ التذوق صيفي بس المشكلة ما ادري اذا نزل ضمن المواد او لا :6: ومشكورة ماقصرتي :43: |
رد: آبي عقولكم بليز ~
thanks for all :16: |
| All times are GMT +3. الوقت الآن حسب توقيت السعودية: 04:51 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام