|
Third year students.. level 5
السلام عليكم ورحمة الله وبركاته
عزيزاتي كل عام وانتوا بألف خير :1: هذا الموضوع لطالبات قسم الانجليزي السنة الثالثة المستوى الخامس . وهاذي هي موادنا هالترم ياليت تفيدونا بكل شي يخص هالترم من سهولة أو صعوبة المواد و أحسن أو أسوأ اساتذة لهاذي المواد ونصايحكم لنا بتفيدنا كثير سواء لمواد التخصص أو المواد العامة لهالمستوى .. وشكرا مقدما:16::1: المواد : Arts of Speech English Thought and Culture Essay Translation Theory Phonetics & Phonology Eng. Lit. of the 17 th century The Rise of the Novel النظام الإقتصادي في الاسلام الحضارة الاسلامية أو الاسلام وقضايا العلم والتقنية :16: |
رد: Third year students.. level 5
اخذت بعضهم مو كلهم وراح اقولك تجربتي معهم ،
Arts of speech : اخذتها مع د / لبنى باهمام الدكتوره اعجز وانا امدحها ، والماده استمتعت فيها كثير ، كلها كانت كلام ونقاش بالكلاس والدرجات كانت على العروض اللي تسوينها يعني تختارين موضوع وتسوين عرض باوربوينت عنه وتتكلمين عنه ، وعلى اسلوبك وطريقة عرضك تحط درجتك ، هذي هي باختصار شديد .. Essay : اخذته مع مس آمنه ، طبعا هالماده تعتبر انشاء ٢ و تعتمد على تأسيسك بانشاء ٢ يعني اذا كنتي تعرفين اساسيات المقال وكتابته والقرامر والسبيلنق عندك تمام راح تمشين ان شاء الله بدون اي مشاكل .. Translation theory : درستها مع مس سلوى الوفائي الماده حلوه بس يبيلها دكتوره تعرف تشرحها ، كلها نظريات عن الترجمه ويبيلك بس تفهمين هذي النظريات وتحفظينهاوفيها ترجمه طبعا يعني تعطيك نصوص وتترجمينها ، بالاختبارات فيها شي من الكتاب والنظريات اللي اخذناها وفيها نصوص عربيه وانقلش نترجمها وبس .. المواد العامه : كلهم مواد تعتمد عالحفظ ، النظام الاقتصادي اتذكر كان فيه حفظ جزء من القران ، هذي المواد اللي خلصتهم بالمستوى هذا ، اتمنى اني افدتك .. موفقه �� |
رد: Third year students.. level 5
مشكوررة حبيبتتي يعطيك الف عافية :1::16:
واتمنى الكل يشارك بهالموضوع عشان الكل يستفيد :39: |
رد: Third year students.. level 5
ا انا اخذت فكر و ثقافه هالصيف الماده تقريبا عن الفلاسفة و مدارسهم و تتطلب الواحد مذاكره أول بأول لأن المادة كلها حفظ و مرتبطه مع بعض و دكتورة نداء عزام كان شرحها حلو الحمدلله و تعطينا متيريال يسهل علينا و كله تجيب منه و من النوت بعد لان مرره مهم ان تكتبين وراها عشان تفهمين اكثر لان المتريال من دون نوت صعب تربطين الشرح مع بعضه و يسهل عليك موفقين جميعا:16: |
رد: Third year students.. level 5
شكرا اختي Anoud يعطيك الف عافية:1::16:
|
رد: Third year students.. level 5
واتمنى محد يبخل علينا بتجاربه مع هالمواد ويشاركها معنا بهالموضوع :39:
|
رد: Third year students.. level 5
مرحبا اختي .. أنا تقريبا درست اغلب المواد هذي ورح اعطيج رايي فيها
Arts of Speech مادة جميلةةةة جدا وممتعه خصوصا اذا كنتي تحبين المحادثة .. هالمادة تعتمد بشكل اساسي على البرزنتيشن .. تختارين موضوع معين وتتكلمين فيه وتقدرين تسوين بزرنتشين بوربونيت لو حبيبتي او عادي .. طبعا كل مرة يكون البرزنتشن بطريقه مختلفه مره تكونين لوحدك ومره مع زميلتك والموضوع اللي تتكلمين فيه لك حرية اختيارية طبعا انا كنت مع الدكتورة ازدهار الحريري الله يذكرها بالخير وكانت متعاونه معانا كثيرر والمادة تكون محاضرتين بالاسبوع وفيه بعد مشاركة بالكلاس غير البرزنتشين اهم شي انج تتكلمين بالكلاس لان المادة اساسها المحادثة بس بالنسبة لي كانت افضل مادة بـ لفل فايف :1: English Thought and Culture هالمادة تتكلم عن الفلاسفة ونظرياتهم عن الوجود والحياة وعن المدارس الفكرية وايش اهم افكارهم وعلماؤهم يعني المادة فلسفيه بحته .. المادة تعتمد على الفهم والحفظ وغالبا يدرس هالمادة د/ لمياء المبارك و استاذة نداء .. انا درست المادة بالبداية مع لمياء المبارك وماارتحت لها ابد وسحبت المادة بعدين درستها بالصيف مع مس نداء وارتحت لها كثير والحمدلله نجحت فيها .. عن تجربه انصحك بمس نداء :1: والمادة رح تكون مرة وحدة اسبوعيا Essay المادة تعتبر امتداد لانشاء 2 .. رح تتعلمون شلون تكتبون اسي ويكون طويل شوي ورح تاخذون كذا نوع للاسي وتتدربون عليه بشكل عام المادة خفيفه لو كنتي تحبين الانشاء اذكر خذت المادة مع د/ احمد حسن وكان كويس ويحب المشاركة بس ماعاد يدرس هالمادة الحين واتوقع ان المادة رح تكون محاضره وحدة اسبوعيا Translation Theory المادة قسمين جزء نظري يتكلم عن الترجمه وتعريفها واهم النظريات حول الترجمه وشروط الترجمه الصحيحة وكذا والجزء ثاني من المادة رح يكون تطبيقي ورح ترجمون فيه .. بالبداية رح تترجمون جمل من عربي لانجلش والعكس وبعدين رح تترجمون قطع صغيرة .. اخذت المادة مع د/ سلوى الوفائي وكانت متعاونه معنا كثير والمادة خفيفه وحلوة وخصوصا اذا كنتي تحبين الترجمه :1: Phonetics & Phonology المادة رح تكون مرتين أسبوعيا .. وبالنسبة لي هذي اثقل مادة بالمستوى :36: تعتمد على الفهم والحفظ ولكن الحفظ بشكل كبير والمادة طويلة جدا فـ حاولي تحفظين اول بأول عشان لا تتراكم عليك الجزئيات .. طبعا المادة تنقسم قسمين فونكتس عن الاصوات وكيفه نطقها واستخدمها وطريقه كتابتها .. اما القسم الثاني كان فونلوجي ومثل جزئية الفونلجي بمقدمة اللغويات لكن بتوسع اكبر .. المادة كانوا يدرسونها مس غادة القويحص ود/اميمة المغربي وانا اخذتها مع مس غادة بس ماانصحك فيها ماتفهم ومحاضرتها تجيب النوم واما اسئلتها فـ مقبولة و متوقعه لكن بالعادة اسئله الاختبارات تكون موحدة بينها وبين د/ اميمة ومس غادة للامانه تساعد كثير بالمشاركة واعمال السنة لكن بالفاينل دقيقة كثير .. من جهه ثانية د/ أميمة شرحها افضل واسئلتها كويسه بس تحب المقالي وكذا وتحب المشاركة بعد :1: Eng. Lit. of the 17 th century هالمادة حبيتها واخف بكثير من ادب عصر النهضة لانها مرة وحدة اسبوعيا والمنهج بيصير قليل نظرا لقصر الوقت .. المادة مقسمه لشعر ودراما .. اخذت الشعر مع الدكتورة عليا بدر وارتحت لها كثير صحيح فيه كثير بنات خوفونني منها الله يسامحهم بس طلعت عكس كلام البنات .. شرحها لا يعلي عليه وتحب تعطينا هومورك وتاخذ مشاركات واسئلتها متوقعه يعني عادي بالفاينل تجيب احد اسئلة الهومورك او اسئلة من الاختبار الشهري .. تحب ان اللغة تكون صحيحة وتحب انج تستخدمين نفس كلماتها والنقاط اللي تركز عليها بالمحاضرة واسئلتها تعتمد على المقالي وبشكل عام الشعر لازم يجي منه اسئلة مقالية .. اما القسم الثاني دراما اخذتها مع د/ رحمات كانت دكتورة هندية او باكستانيه اتوقع وكانت توها جديدة واحنا اول دفعه تمسكها لهالمادة اخذت معها مسرحية the way of the world ... المسرحية حلوة ومفهومة والدكتورة كانت متعاونه كثير واسئلتها سهله ومتوقعه واغلب الكلاس عندها جاب درجات حلوة ومرتفعه بس تركز على اللغة كثير لان القسم يطلب منها هالشي .. The Rise of the Novel هالمادة الى الان مااخذتها وان شاء الله بأخذها معاكم هالكورس :1: النظام الإقتصادي في الاسلام المادة تبع قسم دراسات تتكلم عن الاسلام وكيفيه تقسيمه للاقتصاد بمختلف المجالات وبشكل عام المادة تعتمد على الحفظ اخذت المادة مع دكتور بس ناسية اسمه للامانه بس المادة سهله وخفيفه:16: الحضارة الاسلامية أو الاسلام وقضايا العلم والتقنية اخذت الحضارة الاسلامية مع د/شويكار سلامة المادة تتكلم عن حضارة المسلمين القديمه في مختلف البلدن وعن اختراعاتهم وكذا .. وتتكلم عن بعض العلماء المسلمين واسهامهاتهم واختراعتهم .. المادة دسمة نوعا ما وفيها معلومات كثيرة وتعتمد على الحفظ والفهم وانا ماحبيتها ابد .. المادة كانت تبع قسم التاريخ :16: اتمنى اكون افدتك ودعواتك :2: |
رد: Third year students.. level 5
مشكوررة اختي يعطيك الف عافية على المشاركة:1::1:
افدتيني كثيرر الله يجزاك خير وموفقة يارب :16::29: |
رد: Third year students.. level 5
يسلمو صبايا
ربي لا يحرمنا منكم ولا من خبراتكم :16: واي احد عنده شي لا يقصر معانا انا حيل خايفة من المستوى الجديد بس ان شاء الله نكون قدها وبالتوفيق لنا كلنا :16: |
رد: Third year students.. level 5
مسااء الخير
انا عني المفروض اني مستوى ٧ بس عندي لخببطة الدنيا ، وبيكون عندي مكس مواد ٥+٦+٧ هالترم والله يستر بقولكم عن تجربتي لبعض المواد Art of speech اخذتها مع مس تهاني المنصور اتتععععععب وانا اقول الماده مممممممممتتتتتتتتتتتعة بشششككل ناخذها مرتينب الاسبوع وجدااااا استمتعت فيها ، الماده كلها عبارة عن انك تشغلين خيالك و تبتدين تنطلقين بالكلام ، مس تهاني كانت ججدااااااااا متعاونه معانا ، وكانت تعطينا وقتنا لين نكسب ثقة بعض ونقدر نتكلم بحرية حتى لو نص كلامنا فيه اغلاط ، ماكانت تحاسبنا على طول كانت تعطينا فرصه قبل المادة فيها عروض وبرزنتيشنات كثيرة ، بس بالنسبة لي ولبنات كلاسي مع مس تهاني كنا جدااا نستمتع بالي نسويه ، ماكنا نعتبرها كلاس رسمي جدا لان اخذنا على بعضنا بالكلاس بسرعه طبعا المواقف الي كانت تعطينا اياها مس تهاني كانت تشغل مخنا و تخلينا نشغل خيالنا وعاد تطلع الفناتق من كل بنت :5::5: انصصحكم ف مس تهاني من تجرربه شخصية ، ومس لبنى سمعت كثييييير من صديقاتي يمدحونها English Thought and Culture اخذتها الترم الماضي مع د. يمنى العبدالكريم سمعت انها تقاعدت خلاص * المادة ثقييلة ودسسسمة * دكتورة يمنى كانت تعطينا متيريال نقد ١+٢ للخطه القديمة * وكنا نسمع من بنات الي درسوها قبل ان دكتورة لمياء كان الكتيريال حقها يختتللللف تماماً عننا .. كلمة حق تنقال دكتورة يمنى كانت تششرح بشكل ممتاااااز ماشااء الله ، بس المتيريال ماكان عندنا بشكل مسهل ، كان كله دش وكثيييييييييييييييييير ، كنا نسوي تفريغ ونذاكره لان طريقة شرحها كانت مبسسطه كثيير ، بس اسآلتها صعبببببه ومحبوكة عدل تحسين انها دخلت بين السطوور عشان تطلع الاسئلة :36: رسبت فيها للاسف ، وان شاء الله هالترم اخذها Essay ما اخذتها للحين ، كنت متآملة اني بإخذها مع مس تهاني المنصور لانها كانت تدرسنا كومبزشن ٢ وترتبط المادة بالمقال كثيير ، وكانت تقولنا لو مشيتو بالكومبزشن وفهمتوه عدل ، رح يكون المقاال سسسسهل جدااا علييكم . ف آسستنا صصح عليها ويارب اهي الي تدرسني هالتررم :16: Translation Theory مس ليلي الحسسن والمادة معاهاا مممتتتتتتعه :11: تعطييك حقققك وزيادة وماتقصصر تسهل علينا كل شي وتفهمك وترسخ المعلومة ف بالك مااقصصصصصرت الله يجزاها الجنه روووووووووعه هالانسنانه روووعه :1: انصصحكم تاخذذونها وانتو مغمضيين بععد :1::15: Phonetics & Phonology للحين ما اخذتها ، والله يسهل علي ،اخذها هالترم .. Eng. Lit. of the 17 century اخذتها مع د. حصه بصراحه ماكن يعجبني شرحها لانها تدخل وتطلع من ١٠ مواضيع بنفس الوقت ، تضييع الواحد بشككل :36: كنت ما اقدر اتابع معها موضوع واحد لاني اتللخببط كثيير ، بالنسبة لي مقدر ارككز ابداااااا بعدها وهذا الي خرب علي :23: The Rise of the Novel مادة جميييييييلو ومتتعه اخذناها مع د. ليلى العقلي الله يجزاهاا الجننننه رووووووووووووووعه هالاستاذة بششكككل ماشااء الله تشششششد الواحد بالمحاضرة تخليك غصب تنتبهين :21: ، احياناً بنات يقولون انها مغرورة وشكلها يمكن يبين انها كذا :5: ، بس بالعكسس لطييفه جدااا وعسسل بصزاحه . شرحها ممتع وحلو وجمييل ،خفييف ، ماتثقل عليك تعطيك الي تحتاجينه ، قبل الاختبار الشهري ركزت ع كذا نقطه عشان البنات يركزون عليها ، اسىلتها جميلة وسهله نوعاً ما ، تعتمد ع شرحها وعالنقاط الي ركزت عليها بالمحاضرات . انصصصحكم في د.ليلى العقيلي لهالمادة :1: النظام الإقتصادي في الاسلام اثثثقل ماااادة عامه بالدنيا + تاريخ الخليج العربي الحديث والمعاصر :12::12::12: انتبهو للاستاذة الي تاخذونها ، المادة يبغالها احد يلطفها ويسهلها ، مايبغالها احد يتفلسف ويزييد الثقل الحضارة الاسلامية أو الاسلام وقضايا العلم والتقنية اخذنا الحضارة الاسلامية غصب يعني ماتختارين :5: كانت مع د. هدى الحسين رروووووووووووووووووووعه رووووعه شرحها سسسسسهل تسهل عليك كل شي ، ماترضى تفتحين الكتاب بالمحاضرة :5: بس تخلص الشرح تفتح الكتاب وتقولنا عالصفحات الي معانا وانتي عليك تركزين بشرحها وتختصرين الصفحة طبعا لانها ماتششرح كل شي بالصقحة ، بالمختصصر تاخذ ززببدة الموضوع وتعطيك اياها :33: اسئلتها جممييله وسهله :21: انصصحكم فيييها بششدة :21::1: وبسسس والله يووفققكم جمييعاً ويسهل علييكم يارب ويوفقني ويخرجني هالسسنة يارررررررب :12::12: |
| All times are GMT +3. الوقت الآن حسب توقيت السعودية: 02:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه