ملتقى طلاب وطالبات جامعة الملك فيصل,جامعة الدمام

السلام عليكم ورحمة الله وبركاته
وعليكم السلام ..

أنا مستجدة بجامعة المك فيصل " كلية الدراسات التطبيقة وخدمة المجتمع"

يا هلا فيك والله

ارجوا الاجابة بوضوح لاني ما افهم بسرعة << :Cry111: تحملوا مستجدة

ان شاء الله احااول اني اجاوب ع اسئلتك قد ما اقدر ..

عندي مليون سؤال :150:

ماعليك اسألي كل شي صعب عليك ..

اول شيء ...

بسم الله ..

ســ1 \ وش معنى crn ووش الفايدة منه وش سالفته

هذا رقم المواد .. والفايده منه بالتسجيل عشان تبين الماده المعينه اليوم الفلاني للدكتور الفلاني ..
يعني شغلة تسجييل فقط ..

سـ2 \ وش سالفة الشعبة وش فايدتها << :s11:

الشعبه عادي مالها فايده الا للدكتور عشان يفرق بين الطلاب ..
وانتي لازم حفظين الشعب عشان وقت الاختبار تكتبين اسمك و رقمك الاكاديمي والشعبه ..
زي سالفه الفصل في االمدرسه ..

ســ3 \ كل سنة هم يرتبون الجداول وعادي نمشي عليها ولا احنا نرتب الجدول ع كيفنا

كلية المجتمع بس اول سمستر يرتبونه لكم لانكم مستجدات ..
وبعدين راح تعتمدين ع نفسك وترتبينه ..

وســ4 \ انا الحين تخصص تسويق اقدر احول لمحاسبة متى ؟؟

تقدرين تحولين بعد سنه من دراستك حولي محاسبة اذا جبتي معدل لايقل 3 او 3 ونص ..
استفسري من كليتك احسن ..

يعني اذا حولت الى محاسبة راح تزيد عن اربع سنين << لاني سمعت ان الكلية راح تكون هاذي اخر 4 سنين وبعدها مافيه بيقلونها << اليوم الادارة سوت لنا تهيئة وقالت

ماعندي علم والله الي اعرفه المحاسبه 4 سنوات سنتين تأهيلي والباقي تبع كلية العلوم والتخطيط ..

المهم ابي اعرف اذا اقدر احول ويمديني اخلص بنفس المدة ولا راح تزيد ؟

لا لا نفس المده لان طالبات المحاسبة نفسك موادكم بس يختلفون في ماده ..
انا اتكلم عن التأهيلي الي مدة سنتين ..
بس اذا ماحولي وتأخرتي عن السنتين اعتقد راح تتأخرين شوي ..

وعندي سؤال بعد التسويق وش مستقبله بعدين للبنات << بالوظايف غير مندوبات وخرابيط مثل كذا
شهادة هالتخصص وش تفيد بالمستقبل

الي اعرفه انو التسويق مندوبه مبيعات ..
او بالبنك الي تعطي العروض مثل القروض وكذذا ..
انا اشوف ماله مستقبل كبييير للبنت وخصوصا لو ماهي جريئه ..
هالتخصص لازم البنت تكون فيه جريئه لانها تسوق لاشياء ولازم تقول تعرف تقنع الناس ..

اتمنى يكون كلامي واضح وابي اجابة واضحة

انتمى اني قدرت ولو شي بسيط اني وصلت لك معلومه ..
ولو شي مافهمتيه ردي اسألي ثاني مره ..