ملتقى طلاب وطالبات جامعة الملك فيصل,جامعة الدمام - توضيح من الفريدان بخصوص نقص درجات المشاركة

توضيح من الفريدان بخصوص نقص درجات المشاركة

السلام عليكم

اليوم وانا داخله تويتر حساب عبدالله الفريدان اشوفه ماشاءالله يرد على الجميع

لفت نظري سؤال أحد الطلبة واحتجاجه على نقص درجات المشاركة

ويقول انا متأكد يا دكتور اني حالها كلها ليه منقصيني و رفعت تظلم ولا فاد ومن هالكلام

الطالب قام يدعي عالدكتور وعلى الجامعة والعاملين فيها

قاله الدكتور عبدالله الفريدان عطني رقمك الجامعي وانا اشوف بنفسي

شوي قال الدكتور للطالب السبب انك حال جميع الواجبات والمناقشات بيوم واحد

رغم تحذيرنا لكم مرارا وتكرارا قال الطالب ما حليتها بيوم واحد وماعرف ايش

صور الدكتور كشف للدرجات وطلع صحيح جميعها بيوم واحد تاريخ واحد فرق دقايق

الأول الساعه تقريبا 1.50 الثاني 1.53 الثالث 1.58 وهكذا

قال الدكتور لا تنكر هذا كشف لدرجاتك و و و .... قال الطالب بس دايم يا دكتور احلها بوقت واحد

وكثير من الطلبة كذا ما نقصت درجاتهم قال الدكتور اللي سلم اليوم بكرا مهوب سالم

كان ودي اصور لكم المحادثة بينهم بس اخاف يكون فيه تشهير لحساب الطالب ويعاقبوني المشرفين

زبدة الموضوع مثل ما قال الفريدان أقل شي كل نهاية اسبوع ادخل وحل واجباتك وحمل محاضرات وناقش واضمن درجتك كاملة :21:

واللي يبي يشوف المحادثه يدخل تويتر يكتب عبدالله الفريدان ويستمتع بأجوبته على الطلبة :8:

رد: توضيح من الفريدان بخصوص نقص درجات المشاركة

وعليكم السلام ورحمة الله وبركاته ،،
شكراً لك على التنبيهات ، ولكن انا احل الواجبات اول بأول واخر اسبوع قبل الاختبارات احلها كلها مره ثانيه لقطع الشك فهل هذا يحسبونه بيوم واحد ولا كيف ،، �� احترت

رد: توضيح من الفريدان بخصوص نقص درجات المشاركة

اعتقد تحسب الدرجة من أول مره

واعادتك لها تأكيد بمعنى قطع الشك باليقين وهذا اللي اسويه انا فقط بتحميل المحاضرات

احملها بوقتها واحملها نهاية السنة للتأكيد اما الواجبات والمناقشات اذا حليتها تنزل لي الدرجة بوقتها

فما له داعي اعيد والحمدلله كلشي كامل :16:

رد: توضيح من الفريدان بخصوص نقص درجات المشاركة

فعلا وانا بعد استوقفني جواب الدكتور للطالب , قبل كم يوم شفت رده

أن كان تبين الجد .. محد حذرنا من حل الواجبات بيوم واحد .. بسس حلو تنبيهه لنا

عشان نكون بالصورة في السنوات الجايه .. والله يكون في عوننا ..

عساااك عالقوه

:2:

رد: توضيح من الفريدان بخصوص نقص درجات المشاركة

اقتباس:

المشاركة الأصلية كتبت بواسطة نعسآنه (المشاركة 9287753)

وين تنزل لك الدرجات ؟

رد: توضيح من الفريدان بخصوص نقص درجات المشاركة

سلامات -_- !
المهم اني أحلها وخلاص ٫ ايش يعني ب وقت واحد أو لا !
كثير مننا عنده ألتزامات ولا يقدر يدخل كل اسبوع ٫ ويدخل مره أو مرتين ويحلّ كلش
يارب ما أنقص بس :)

رد: توضيح من الفريدان بخصوص نقص درجات المشاركة

عـاد تبي الصـج
المفروض مـالهم خص متى يحلهم الطالب بيوم واحد بثانيـه وحده المهم يحلهم وبس !؟
مـاله داعي التعقيـد

رد: توضيح من الفريدان بخصوص نقص درجات المشاركة

طيب واذا حلها بيوم واحد ...ما المانع ؟؟؟

اذا كلام الفريدان قانوني ومسؤل فيجب على الجامعة ان تعلن عن ذلك وفي كل نهاية اسبوع يتم اغلاق الواجبات وتنزيل المحاضرات . رغم رفضي لهذا الاجراء لو تم

عموما ارى ان للطالب كل الحق فى ان يقوم بحل الواجبات وتنزيل المحاضرات وحل المناقشات ما دام ان السستم يسمح له بذلك .

علما انني شخصيا اقوم بكل المطلوب اول بأول ولكن يجب ان نقول كلمة الحق ولا نقيس الامور على انفسنا

رد: توضيح من الفريدان بخصوص نقص درجات المشاركة

طيب وإذا بيوم واحد وين الإشكالية ؟
وش هالنظام المعقّد ؟
اجل ليه سموه إنتساب
لأن كل واحد وظروفه وقت مايقدر يخش النظام يحل وخلاص
إلا قول النظام فاهي ما عنده إمكانية يجمّع أكثر من مشاركة باليوم ههههه
والله لو أحد سمع عن هالنظام بيضحك علينا
لا واللي رد عليه دكتور بعد هاه ؟
الله يوفقه