|
استفسار بخصوص السكن
السلام عليكم ^_^
بغيت اعرف وش سالفة السكن لطلاب الكلية ! وين فيه ؟ وكيف هي نظيفة ؟ مرتبه ؟ ولا مشي حالك ؟ وهل هي قريبة من الكلية او لا ؟ يعني ياليت احد يعطيني معلومات كاملة عن السكن ^_^ |
رد: استفسار بخصوص السكن
!! ما فيه احد عنده معلومات عن السكن ؟!
|
رد: استفسار بخصوص السكن
أفيدونا يا جماعة
فيه نت ؟؟ فيه تلفزيون ؟؟ جاوبوا على الرجال |
رد: استفسار بخصوص السكن
اذا كنت من برا الشرقية او من اﻷحساء والدمام فإنك بتسكن في الكلية الصناعية وإذا كنت من عنك والقطيف وصفوى فبيخلوك تسكن في حي البحر
بالنسبة للسكن الي بالصناعية الغرفة لشخصين وفيها سرير ومكتبة ودولاب لكل شخص والحمامات ( أعزكم الله ) مشتركة وممنوع التدخين والطبخ والنت موجود في المباني الجديدة والمباني القديمة مافيها .. والمشوار من السكن الى الكلية الجامعية 10 دقايق تقريبا بالسيارة. السكن في حي البحر يعطونك غرفة فاضية مافيها شي وانت عليك تجيب اﻷسرة وباقي العفش بس الفرق بينها وبين الصناعية إن فيها حمام ( أعزكم الله ) ومطبخ واغلب الغرف الي تطل عالبحر يكون فيها نت والمشوار من السكن الى الكلية دقيقتين او ثلاث دقايق بالسيارة وإذا بغيت اي شي احنا في الخدمة ... وبالتوفيق |
رد: استفسار بخصوص السكن
طيب اخوي بالنسبة لدورات المياة ( اعزكم الله )
مشتركه في أيش ؟ كيف يعني مشتركه ؟ بين اثنين يعني ولا مشتركة في مبنى ! و بالنسبة للسكن المباني الجديده والقديمه ! اقدر اختار السكن اللي أبي ! ولا هم يحطوني حسب توزيعهم ؟ |
رد: استفسار بخصوص السكن
اقتباس:
بالنسبة للمباني القديمة والجديدة فكل وحدة ليها ميزة مثلا المباني الجديدة فيها نت (( اغلبها مو كلها )) والمكيف انت الي تقدر تتحكم فيه . المباني القديمة الشي الحلو فيها ان الغرفة مقسمة الى بارتات ( يعني كل واحد مايشوف الثاني وكل قسم فيه مكتبة وسرير ودولاب ) بس عيبها ان المكيف ماتقدر تتحكم فيه انت ايام البرد ساعات يصير بارد اذا كنت ماتعرف احد يسكن معاك انصحك بالمباني القديمة عشان تاخذ راحتك فيها |
رد: استفسار بخصوص السكن
يعني تنصحني بالمباني القديمه ؟!
بالنسبة للدورات المياة ! طيب سالفة اذا بغيت اتروش اروح هنااك !! |
رد: استفسار بخصوص السكن
اقتباس:
ايه اذا بغيت تقضي حاجتك او تتروش لازم تطلع من غرفتك |
رد: استفسار بخصوص السكن
:39: ما فيه خصوصية ولا يقدر الواحد ياخذ راحته !!
|
رد: استفسار بخصوص السكن
طيب وش المباني اللي حولها أي شي تحتاجه ..
معي سيارة بس اسأل .. |
| All times are GMT +3. الوقت الآن حسب توقيت السعودية: 10:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه