ملتقى طلاب وطالبات جامعة الملك فيصل,جامعة الدمام - معادلة المواد ملخبطتني شوي .. ممكن احد يساعدني

معادلة المواد ملخبطتني شوي .. ممكن احد يساعدني

السلام عليكم ورحمه الله وبركاته

مررحبا اخواني واخواتي

وكل عام وانتم بخير

حاسه انه صارلي زمان عنكم :11:

عسى الله يتمم علينا هالشهر الفضيل وحنا بصحة وعافية

المهم ما اطول عليكم

انا ابغى استفسر عن المعادلة

لاني درست مواد في جامعة قبل الانتساب

وابغى اسويلها معادلة بس المشكلة كيف اعرف ان هالمادة الي انا دارستها هي نفسها الي موجودة عندي في خطة الطالب

لان المواد في الجامعتين تختلف مسمياتها ومواضيعها وتلخبطت كثير

مثلا فيه مادة درستها اسمها / الاسلام وبناء المجتمع
وفيه مادة عندي في الخطة اسمها / النظام الاجتماعي في الاسلام

الي انا درستها في المستوى الثالث والي موجودة في الخطة مستوى سابع :9:

وبعدين المسميات متشابهة كثير
خصوصا مواد الدين والاجتماع والعربي

كيف اسوي؟؟ وعلى اي اساس اطلب معادلتها؟؟!!

وفيه سؤال يهمني كثييير

الحين لو ابغى اصلح معادلة
لازم ارجع للجامعة الي كنت فيها ؟؟؟:7:
طيب لو انا طبعت المواد الي درستها من البوابة الالكترونية لجامعتي السابقة قبل ما اسحب ملفي ينفع؟؟
لان اصلا جامعتي القديمة مافيها اي شي يثبت اني درست عندهم بما اني ساحبة ملفي

ادري كثرت اسئلتي
الله يرزق كل من يجاوبني كل مايتمنى وافضل

منتظرتكم :16:

رد: معادلة المواد ملخبطتني شوي .. ممكن احد يساعدني

اللي اعرفه لازم يطابق اسامي المواد بالتمام .. وما يكون فيه اختلاف اسماء المواد :)

وادخلي على الخدمات الطلابيه واضن تحصلين شروط المعادله وبرضو في المنتدى مواضيع عن شروط المعادلة

:16:

رد: معادلة المواد ملخبطتني شوي .. ممكن احد يساعدني

حبيبتي انا كانت عندي مواد من جامعه ثانيه وسويت لها معادله
شروطهم بقولك الي اذكرها/:21:
لازم التقدير يكون d وفوق
انتي حطي المواد الي تحسين أنهم راح يعادلونها لك
لان فقط ٥ أو ٤ مواد الي تقدرين تعادلينهم
انا عادلت ماده وهي موجوده أصلا بالخطه بس ما أخذوها مادري ليش :31:

وطبعا لازم يكون عندكم السجل الأكاديمي للمواد الي تبين تعادلينهم
وفي خانه ترسلين لهم الورقه عن طريق * الإسكنر*

وبس بالتوفيق :2:

رد: معادلة المواد ملخبطتني شوي .. ممكن احد يساعدني

وأنا كذلك بدايتي بالدراسة بجامعة الملك فيصل سويت معادلة لبعض المواد ولم يتم معادلتها .. وخلصنها ولله الحمد اتمنى لكم التوفيق

رد: معادلة المواد ملخبطتني شوي .. ممكن احد يساعدني

الي اذكره يطلبون وصف مقرر

وسجل اكاديمي

ممكن احد الاخوة يفيدونك اكثر

رد: معادلة المواد ملخبطتني شوي .. ممكن احد يساعدني

لازم تكون الماده اللي درستيها مثلا محاسبه والان في تخصصك محاسبه

اذا طلعت الماده مختلفه مايعادلونها حتى لو نفسها مثل ماتقولين

مثلي أنا درست دبلوم محاسبه في عام 2004وقطعت فتره والان بكمل عادلوني بس في 7 مواد موجوده في إدارة الاعمال ولازم نفس الاسم

رد: معادلة المواد ملخبطتني شوي .. ممكن احد يساعدني

الله يعين :7:

مشكورين جميعا

:16: