ملتقى طلاب وطالبات جامعة الملك فيصل,جامعة الدمام - جامعة الدمام استفسار بخصوص التحويل داخل جامعة الدمام

- - [ جامعة الدمام ] : استفسار بخصوص التحويل داخل جامعة الدمام (https://vb.ckfu.org/showthread.php?t=477485)

استفسار بخصوص التحويل داخل جامعة الدمام

السلام عليكم

عندي كم استفسار بخصوص التحويل داخل جامعة الدمام

انا انقبلت في كلية العلوم من الدفعة الاولى ..

و كان عندي امل تنزل النسب لكن قدر الله و ما شاء فعل :24:

ابي اعرف هل ممكن ادرس سنة تحضيرية في العلوم و بعدين احول لكلية الهندسة
و ايش هي شروط التحويل بالتفصيل اذا ممكن
و ايش رايكم بخصوص فكرة التحويل اساساً ؟؟

افيدوني جزاكم الله خيير :1::1:

رد: استفسار بخصوص التحويل داخل جامعة الدمام

حولي من الحين ان شااء الله مافيه فرق بالنسب بالتوفيق

رد: استفسار بخصوص التحويل داخل جامعة الدمام

^ من شروط التحويل تدرس سنة كاملة بالكلية اللي هي فيها بعدين تحول !

رد: استفسار بخصوص التحويل داخل جامعة الدمام

عذرا صاحبه الموضوع

بس ابي اعرفايش مستقبله احسن بالنسبه للبنات :40:

علوم حاسب ولا هندسه ؟

/

ردا للموضوع ترا المسارات صعب تحولين لها بس كل شي بالمعدل العالي يجي :21:

رد: استفسار بخصوص التحويل داخل جامعة الدمام

خذي راحتك A.sky
مشكوورين جميعاً .. :16:

ودي بشرح وافي للي عنده خبرة بهالموضوع و كم المعدل المطلوب و الشروط لو سمحتووا :1::1:

رد: استفسار بخصوص التحويل داخل جامعة الدمام

تكفوون الي يعررف يساعدني :12:

رد: استفسار بخصوص التحويل داخل جامعة الدمام

والله ياختي تحويلك الى كلية الهندسه احتمال ضعيف ..

/

بس ممكن تحولين من كلية العلوم الى كلية العلوم الطبيه التطبيقيه

/

شروط التحويل من كلية الى كليه

أن يكون قد أمضى فصلين دراسيين على الأقل في الكلية التي يرغب التحويل منها على ألا يقل عدد الوحدات الدراسية المسجلة في سجله الدراسي عن (24) وحدة.

ب) أن لا يكون منقطعاً عن الدراسة من الكلية التي يرغب التحويل منها.

جـ) أن لا يقل معدله التراكمي عن الحد الذي يقرره مجلس الكلية ولا يقل عند التحويل عن (2 من 5).

د) أن يقدم طلب التحويل قبل بدء الفصل الدراسي الذي يرغب التحويل إليه بخمسة أسابيع على الأقل.

//

وهنا شروط التحويل الى كلية العلوم الطبيه التطبيقيه http://www.ckfu.org/vb/t196636.html

رد: استفسار بخصوص التحويل داخل جامعة الدمام

ريمنقو .. يعطييييييك ربي الف عآفية لك الشكككر الجزيل :1::1::1::16:

بجرب حركة تسجيل الاسمآء بقسم الرجآل يآرررب تنفع و يرقوني للهندسة ومعد احتآج للتحويل :9:

رد: استفسار بخصوص التحويل داخل جامعة الدمام

الله يعافيك , اي جربي مانتي خسرانه شي .. وياليت تفيديننآ وش يصير معك

رد: استفسار بخصوص التحويل داخل جامعة الدمام

شهد عزيزتي ممكن اعرف شصار معك؟
مافي امل للتحويل للهندسه؟؟ نفس حالتي ومدري ايش اسوي