|
طموحنا لا يرضى اقل من البكالوريوس .. فأين نحن منة ؟
السلام عليكم ورحمة الله وبركاتة
انا طالب بكلية الدراسات التطبيقية وخدمة المجتمع بالدمام - محاسبة (مستجد ) وطموحي لا يرضة بالدبلوم بأي شكل من الاشكال ولا ارتاح الا اذا حزت على البكلوريوس باي ثمن فأين موضعنا من الاعراب يا اخوان وكيف لنا ان ننتقل الى كلية العلوم الادارية والتخطيط وهل تم تقدير درجة معينة بأن لا نقل عنها وهل موضعنا مضمون بتلك الكلية في الاحساء ويتم لنا صرف مكافئات مالية عند انتقالنا لتلك الكلية انا خريج ثانوية بنسبة 81 بالمئة وعشقي للرياضيات والحسابات كبير جدا واستوعب تلك المناهج بسهولة بظنكم هل النسبة التي قد قدرتها الجامعة استطيع الحصول عليها ام لا يحصل عليها الا قلة قليلة واذا حصل واكملنا البكالوريوس بالاحساء على بركة من الله وتوفيق منة كم سنة سندرسها وهل شهادتنا تختلف عن اللي انقبلو ببرنامج البكالوريوس بكلية العلوم الادارية لقد تم جمع هذة الاسئلة من بعض الطلاب فحاولو الاجابة عليها لانها تقريبا اهم الاسئلة واكثرها شيوعا بيننا في مناقشاتنا بالكلية ودمتم بهناء |
رد: طموحنا لا يرضى اقل من البكالوريوس .. فأين نحن منة ؟
شوف اخوي انا بجاوبك ع الي اعرفه ومتاكده منه
والباقي حاول تحطه لي بارقام كاسئله واضحه وبجاوب عليهم بكرا باذن الله بكلم صديق بابا هو له مركز ومسؤول وبساله عن هااشياء الي اعرفه انك تقدر تجيب المعدل المطلوب للانتقال من التاهيلي للبكالورويس بكل سهووووووووووووووووووووووله اذا انت شاطر وتدرس بتجيبها وترا كليتنا مو صعبه ذاكر بتنجح يعني مو معقده ولا هي شي يعاني من الظلم والتصحيح لا كل شي بذمه وضمير عندنا ومحد ياخذ غير حقه ولكل قاعده شواذ بس انا ماشفت الا كل ززين الحمدلله ولاتحاتي ع المعدل وهالكلات بتتاكد منه بعد ماتخلص اول ترم واي شي تبيه بالخدمه بالنسبه للمواد اذا كان في استفسار باي ماده او سؤال صعب او اي شي والمعدل المطلوب 2 من 5 واذا انت شاطر بتجيب اول ترم 5 بالراحه واذا يعني مررررر بتجيب 4,70 اقل مستحيل اذا انت مستواك زين وياحظكم بدكتور مصطفى الي يدرس محاسبه اذا كان يدرسك لانه من جد ماشالله يجنن من جميع النواحي وبسسس :119: |
رد: طموحنا لا يرضى اقل من البكالوريوس .. فأين نحن منة ؟
كلية الدراسات التطبيقية وخدمة المجتمع
كآنت قبل دبلووم .. آحين صارت تأهيلي يعني لآزم تجيبين تقدير جيد يعني المعدل ( 2.75) عشآن تنتقلين بكلوريوس وتروحين كلية العلوم الادارية و التخطيط وفي كلام انه المعدل نزل لـ (2) بس مآفي كلآم آكييد للحين !! وان شااء الله تقدرين تجبين المعدل المطلوب و تنتقلين وكثير ينتقلون مشاء الله يعني مو صعب اذا الوحده شدت حيلها ولا لعبت ويعطونك مكآآفئه ومدتهاا الدراسه سنتين .. يعني كل الدراسه 4 سنوات 2 تأهيلي 2 بكلوريوس وتقدرين تكملينه بالدمام مو بس بالحسااا |
رد: طموحنا لا يرضى اقل من البكالوريوس .. فأين نحن منة ؟
مانتبهت للاسم طلعت ولد وآنا اكلم افكر بنت سوري :$
ان شااء الله نكون آفدنآآكـ |
رد: طموحنا لا يرضى اقل من البكالوريوس .. فأين نحن منة ؟
اقتباس:
بارك الله فيك على هالرد الرائع والسريع اثلجتي صدورنا صراحة لاني كنت خايف وعلى بالي صعب ومعقد وما اقدر عليه انتي تقريبا اجبتي على اغلب الاسئلة الا :- - وهل شهادتنا تختلف عن اللي انقبلو ببرنامج البكالوريوس بكلية العلوم الادارية ؟ - وهل موضعنا مضمون بالكلية ولا لازم تقديم من جديد وبطلعة الروح ندخل ؟ - انا تخصصي محاسبة اقدر اكمل بالدمام ولا لأ ؟ |
رد: طموحنا لا يرضى اقل من البكالوريوس .. فأين نحن منة ؟
اقتباس:
والله انتي ما شاء الله عليك طرحت كذا موضوع وتوك مستوعبة اني ولد ههه يعطيك العافية على المرور والمعلومات الطيبة بس تأكدي لي من الدرجة المطلوبة اذا تقدرين |
رد: طموحنا لا يرضى اقل من البكالوريوس .. فأين نحن منة ؟
- وهل شهادتنا تختلف عن اللي انقبلو ببرنامج البكالوريوس بكلية العلوم الادارية ؟
ايه هم بكالوريوس على طول حنآ غير تأهيلي ثم ننتقل بكآلريوس - وهل موضعنا مضمون بالكلية ولا لازم تقديم من جديد وبطلعة الروح ندخل ؟ آكييد من تخلص خلاص يكون اسمك موجود للانتقاال بس الي عليك تعبي اوراق للانتقاال للكليه الجديده و تتغير البطاقه يعني مافي حوسه كثير - انا تخصصي محاسبة اقدر اكمل بالدمام ولا لأ ؟ تقدرر عادي تنقل . . و ان شااء الله نتأكد لك بس الادااره اخر كلامها مافي قرر نزل اكيد |
رد: طموحنا لا يرضى اقل من البكالوريوس .. فأين نحن منة ؟
الكلام اليقالته روز صحيح
- وهل شهادتنا تختلف عن اللي انقبلو ببرنامج البكالوريوس بكلية العلوم الادارية ؟ اخوي ترا في كليتين الي هم علوم اداريه وتخطيط وحده اسمها الكامل كلية العلوم الاداريه والتخطيط ووحده لا كلية الدراسات التطبيقية وخدمة المجتمع واول سنتين تاهيلي واذا جبت معدل 2 من 5 تكمل بكالوريوس بدون اي شرووط ثانيه يعني مو شي مشكوك فيه او يمكن ومو يمكن لا لاتفكر الكليه مضمونه ومافيها تلاعب يعني سنتين تاهيلي سنتين بكالوريوس - وهل موضعنا مضمون بالكلية ولا لازم تقديم من جديد وبطلعة الروح ندخل ؟ جاوبتك بالسؤال الاول - انا تخصصي محاسبة اقدر اكمل بالدمام ولا لأ ؟ ماعندي خبر عن تخصصات الشباب والحين بعد مافصلوا الجامعتين مادري شنو ممكن يصير بس حنا ابنات داخل كليتنا في كلية العلوم الاداريه والتخطيط بس انتو الاولاد مادري عن نظامكم وانا مرا قريت رد هذا هو اقتباس:
http://www.ckfu.org/vb/showthread.php?t=43990&page=15 واخوي انت تاكد اكثر من هالكلام من كليتكم وعموما انت لاتحتار روح للشؤون عندكم بالكليه واستفسر عن اي شي تبي هم ماراح يقصرون معاكم |
رد: طموحنا لا يرضى اقل من البكالوريوس .. فأين نحن منة ؟
اولا اخوي انا معك بالكليه ونفس التخصص محاسبه وبالدمام وماعندي شي اقوله لان نفس الكلام الي كنت بقوله قالته الاخت (( الغلا )) وازيدك انك لاجبت معدل تقدر تكمل بكالوريوس بالدمام مولازم تروح الاحساء ~ تحياتي لك ياصديقي خنشوفك بالكليه عاد :cheese: |
رد: طموحنا لا يرضى اقل من البكالوريوس .. فأين نحن منة ؟
تمتام يعني حتى الاولاد يكملون بالدمام
يعطيك العافيه شهيد الثانويه |
| All times are GMT +3. الوقت الآن حسب توقيت السعودية: 08:26 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه