ملتقى طلاب وطالبات جامعة الملك فيصل,جامعة الدمام - عطر الحيــــــــــــــــــــــــــــاه

ومن كلماتي أهديكم

:16:عطـر الحيـــــــــــــاه :16:

انام وتصحا في بالي قصيدة بصفحة الاجفــــــان
صحيت ارسم ملامحها على عيون الفجــر دانـه

ابنثرها بوجـــــه امــي مـدام امي لها عنــــوان
قبل طير الفجر يصدح.. صباح الخير ب/ألحانه

قبل صبح الشجر يفتح جفون الورد بالاغصـــان
قبل جفن السهر يلمح شروق الشمس ب/اعيانه

صباح الخيــــر يايمـــه صباح الورد والتحنــان
صباح النـــور يانـــور الصباح وبسمة اوجانـه

صباح النبض ياقلب القصيد وشمعة القيفــــان
صباح القلب ياروح القصيـد ونبضـة اوزاــنه

صبــاح المسك ياعطر الحياة بنكهة الايمــــان
صباح الحب ياعشـــــــق الضمير وكنز ايمانه

انام شلــــون يايمــــه وزولك فيني هو يقظــان
اخاف اكســر قناديل الفجـــر بعيــــون يقظانـــه

واخاف عيونك تهاجر عن عيوني وانا الخسران
اذا في عيني ما شلتــك تمــوت العين ضميــــــانه

تعالي غيمة بدروبي ترى قلبي لها ضميــــــــان
تعالي في معاليق الحشــــــــا غيثي ضمى اركانه

تعالى واسمعي نبض الغلا يصدح به الشـــريان
عرفتي يمه وشلـــونه غـــــلاك بروح سكــــانه

فديتك يانغم لملم شتـــــات العمر والاحــــــــــزان
فديتك ياعمـــر لملم كســـــــور القلب باحضـــانه

نهضت بخاطري اضوي زوايا روحي بالقــــــرآن
واناجي قلبــــي بقلبـــــي علــى ترتيـــــل قـــرآنه

نهضت ومن ورا ضلوعي يصيح القلب انا الإنسان
ابصرخ لين ما تصحا ضمــــاير ناس غفيــــــــــانه

بعضنـــــا بات من امســـه وبات بقلبه النكـــــران
ينام ويصحــا من نوــــمه على الحـــــــان شيطانه

نسى من كانت بعمــرة تجوع وهو يجي شبعـــان
نسى من كانت بصغـــــره نهر يسقي ظما اغصانه

عبث يمشي، طفح قلبــه من ذنوبــه من العصيان
بكل خطــوة تفز امـه وتشــــرب علقـــم احـزانـــه

تشوف عيونه وتذكر سنيـــن الضيــم والحــرمان
تفجـــر قلبها لوعـــــــــــة على نيران بركــــانه

تقول منين ياوليـــدي اجيب لقلبي الســـــــلوان
وانا كل الالـــــم فينـــي حطـــب والهــــم نيرانه

وهن عمري وهن قلبي وانا انزف من الاحـزان
ولا هزك بحــــر دمعي بعد ماصــــرت ذبــــلانه

بعد ماجفت عيوني تعــب، واهديتنــي نسـيـــان
تهد احـــــــــــلامي وتبني ألم في روح شقيانه

خسارة ياولد شفني شكيـت ولا لقيت احسان
حسافة يا ولد عمري بكيت وتهت حيرانــــــه

اعد اوجاعي بعبـــــرة تتيه بعالم الوجــــــدان
تسافر للامل ترجـــــــع تموت بصــــد بيبانه

وتتكسر بي الدنيا ظلام بوحشة الهجـــــــــران
ورى بيبان تصفقهـــــا رياح الوقــت وازمانه

وكم نبضه بقت فيني تعيش تخايل الاكفـــــان
وكم خطوة بها قبــــري دنا وانحط باكفـــــانه

خلاص الجرح ياجرحي وصيته دعوة الغفران
اذا شلت النعش تذكر نزيف القلب واشجــانه

:16::16::16:

د/مســكـ السحــــــــــاب (رياض بن عبدالكريــــم )