ملتقى طلاب وطالبات جامعة الملك فيصل,جامعة الدمام - جامعة الملك فيصل موضوع مهم جدا جدا بخصوص القبول في جامعة الملك فيصل

- - [ جامعة فيصل ] : موضوع مهم جدا جدا بخصوص القبول في جامعة الملك فيصل (https://vb.ckfu.org/showthread.php?t=475644)

موضوع مهم جدا جدا بخصوص القبول في جامعة الملك فيصل

بسم الله الرحمن الرحيم

والله انا من زمان كنت ناوي ادخل الجامعة قسم هندسة

فانا قدمت على الجامعة ورتبت رغباتي

وطبعا كانت الرغبة الاولى الهندسة

وجت نتايج القبول الاولى وما انقبل لان نسبتي الموزونة 81 والهندسة كانت 86

وما انقبلت الى في الرغبة الاخير الي هي العلوم وطبعا انا ما كنت ابغاها فما سلمت

ملفاتي ولا شيء وقلت بانشط القبول عشان المرحلة الثانية وفعلا المرحلة الثانية جت

نسبة القبول منخفضة 80 وانا طبعا 81

وادخل على ملفي ويقولي عند اارغبة الاولى والثانية والثالثة والرابعة والخامسة

(( تم تجاهل هذه الرغبة لعدم قيامك بتسليم وثائقك الاصلية لرغبة اخرى ))

وعند الرغبة السادسة الي هي العلوم وهي انقبلت فيها من مرحلة القبول الاولى

وزي ما قلت لكم ما كنت ابغاها فتجاهلتها وجنبها مكتوب

(( تم الغاء قبولك في الجامعة لعدم قيامك بتسليم وثائقك الاصلية خلال المدة المحددة لتسليم الوثائق للدفعة التي قبلت فيها ))

يا ليت تساعدوني قبل شهر رمضان

وسوال اخير هل يوجد دفعة ثالثة

رد: موضوع مهم جدا جدا بخصوص القبول في جامعة الملك فيصل

المفروض انك ارسلت اوراقك اول مانقبلت وهم راح يدخلون رغباتك بالمنافسه ..
يعني لو ارسلت اوراقك كان رقوك بالرغبة اللي انت تبيهآ لآنك حققت النسبة المطلوبه الدفعه الثانيهَ ..

/

مافي يدك شي الحين سوى انك تروح للعماده وتشرح لهم لعل وعسى يتعاونون معك خصوصا انك حققت النسبه المطلوبه للهندسه

رد: موضوع مهم جدا جدا بخصوص القبول في جامعة الملك فيصل

كلام ريمنقو صحيح

آلمفروض آرسلت آوراقكك وهم يدخلونكك

بالمنآفسه

رد: موضوع مهم جدا جدا بخصوص القبول في جامعة الملك فيصل

المشكله مثل ماقالت لك ريمنقو

و انت روح وشرح لهم انك ماكنت تدري وكنت تنتظر يقبلونك بالهندسه

عشان ترسل الوثائق .. وإن شآء الله انهم راح يتفهمون يآرب

وكل مارحت اسرع كل ماكان احسن

ربي يسهلها لك

رد: موضوع مهم جدا جدا بخصوص القبول في جامعة الملك فيصل

+

صآر الي صآر

مآلك آلا ترفع خطآب سريع ل عمادة القبول والتسجيل ..

آلعميد : محمد بن عبدالوهآب الفريدآن , أو وكيل العمادة : ثنيات الثنيان ..

وآن شآء الله يتم التعآون معك ..

آو تروح ل رئيس القبول : صالح السيف ..

لآتخلي آي شخص له علاقة بالموضوع آلآ تسوي خطآب بآسمه ..

الشيء آلثآني : أتمنى أنك تسوي الاجراءات هذي بسرعه ..

عشآن لحد الآن فيه أماكن شاغرة في الكليآت ..

بس لو تأخرت وتم الاكتفاء .. بتكون المسئلة اصعب عليك ..

موفق يآرب ..

رد: موضوع مهم جدا جدا بخصوص القبول في جامعة الملك فيصل

راسل عميد القبول والتسجيل واشرح له حالتك، أتوقع يقبلونك بما أن نسبتك تأهل للقبول:

malfredan@kfu.edu.sa

رد: موضوع مهم جدا جدا بخصوص القبول في جامعة الملك فيصل

ان شاء الله يارب يتعاون معه ويتم قبوله يارب

رد: موضوع مهم جدا جدا بخصوص القبول في جامعة الملك فيصل

روح للقاعة الي مسوينه لمشاكل التسجيل والاستفسارات
تقريباً هالقاعة موجدودة في مبنى كلية خدمة المجتمع
بالتةفيق

رد: موضوع مهم جدا جدا بخصوص القبول في جامعة الملك فيصل

جزاكم الله كل خير ارسلت رسالة ايميل الى عميد القبول والتسجيل

لاني بعيد عن الجامعة والى كان رحت لهم بنفسي

دعواتكم بالله

رد: موضوع مهم جدا جدا بخصوص القبول في جامعة الملك فيصل

بالتوفيق والله يسهل عليك