|
ابي مشورتكم
استفسار بخصوص انتساب بالجامعه
السلام عليكم كيف الحال يا اخوان وصبحكم الله بالخير يا اخوان انا عسكري وخدمتي الحين ست سنين الحمدلله وعمري 24 وفكرت اكمل الجامعه انتساب لغة انجليزي اربع سنين بصبرهن ان شاء الله بتوفيق من الله بعدين اقدم على التعلم واسير مدرس بس واحد كلمني وقال تدرس ولا ما تدرس ما راح تفيدك الجامعه الا بنقاط الترقيه يعني ما فيه امل تكون مدرس الا ان فصلت ودرست نظامي وش مشورتكم يا وجيه الخير محتاج الي يوجهني ويدعيلي الله يرزقكم بالجنه |
رد: ابي مشورتكم
وعليكم السلام ..
اخوي اول شي راح اقول لك ع نقطه يمكن لو بغيت انتظام مايقبلونك لان سنك اكبر من السن المطلوبَ .. يعني لو بغيت تقدم ع انتظام السنه الجايه يكون عمرك 25 الله يزيدك / الانتساب دآيم الكلام كثير عليه يقولون الشهاده موب مضمونه والخ بس فيه ناس توظفوآ بشهاداتهم انتساب وبجامعة الملك فيصل بعد .. / اذا تبي تصير مدرس راح تطوّل لان يبي لك نقآط زي ماقال صاحبك .. بس ممكن تدرسّ بالمدارس الاهليهَ .. نظام الاهليه عقد بينك وبينهم / اذا درست بكلية الاداب لازم تآخذ دبلوم تربوي علشان تصير مدرس |
رد: ابي مشورتكم
يعطيك العافيه اختي بس ابي اسئلك انتي تكلمتي عن النقاط ما اعرف طريقة النقاط الي انتي قلتيها
بس حنا تنفعنا بالترقيه بالعسكريه وثاني شي انا شهادتي انا تحفيظ قران كريم يعني تعادل شرعي وادبي الي اعرفه وكلية الاداب وش التخصاصات الي فيها مرغوبه وجديده وابي اسئلك عن التربيه الخاصه وش رايك فيها اعذريني طولت والله يعطيك العافيه بس انا حياتي مشوشه من ناحية الدراسه والله يوفقنا ويوفقكم ويكتب الي فيها خير |
رد: ابي مشورتكم
النقاط يعني لما تتخرج... كل سنه بعد التخرج تزيد نقاطك
كلما كانت السنين بعد التخرج كثيره تكون نقاطك كثيرة عشان كذا يوظفو الي نقاطهم اكثر الي متخرجين من سنين يعني اذا بتدرس وبتتخرج بيصير عمرك 35 او اعلى وتتوظف ... |
رد: ابي مشورتكم
اللي خذوا خمس سنوات من تخرجهم
م يقبلونهم نظام ع مااظن |
| All times are GMT +3. الوقت الآن حسب توقيت السعودية: 10:36 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه