ملتقى طلاب وطالبات جامعة الملك فيصل,جامعة الدمام - نثر صعب تعرف بموتي كان ما متّه !!!!

- ملتقى الفنون الأدبية (https://vb.ckfu.org/forumdisplay.php?f=150)

- - [ نثر ] : صعب تعرف بموتي كان ما متّه !!!! (https://vb.ckfu.org/showthread.php?t=474255)

صعب تعرف بموتي كان ما متّه !!!!

ضحكت أيّام كان الضحك يعني شي ..
بكيت أيّام كان الدمع يعني شي ..
أنا هالحين فـ البرزخ ما بين الحيّ والـ لا حيّ ..
أحسّ أنّي نصب ذكرى لـ شاعر ( كان ) ..
غزير بكل ما يعني وش الأنسان ..
...وكان وكان
تعال أحكي لك اللي كان ..
بداياته ..
شقيٍ جا من أطراف القرى في جعبته مزمار ..
وغنّى يوم راوده الحنين وصفّق الجمهور ..
وكان الصامت الثرثار ..
وكانت كل خطوة بعد تغريدة ..
وكان أصغر من أنّه يفهم الأقدار ..
وغنّى قدّ ما يقدر ..
مزج مرّ الظروف بحلمه السكّر ..
وكانت لعنته صوته ..
وكان الهارب اللي فرّ من موته إلى موته ..
بلاش نقلّب أوراق الحنين أكثر من اللازم ..
فلا هذا العمر يرجع ..
ولا بكرة يكون أجمل ..
ولا حاجة ..
وأغنّي مو عشان الناس ..
أغنّي لأنّي أعرف بكرة يموت أكثر الأحساس ..
ولا يبقى بصوتي صوت ..
هي الدنيا ..
حياة وموت ..
وأنا هالحين فالبرزخ مابين مابين الحيّ والـ لاحيّ ..
صعب تفهم شعوري كان ماعشته ..
صعب تعرف بموتي كان ما متّه ..
تعيش انت ويموت الكل ..
تموت أنت ويعيش الكل ..
كذا وتدور في كل المتاهات وتحاول تفهم الأشياء ..
تدور تدور لين تملّ ..
وتبقي حي مثل ذكرى لشيٍ مات