|
مسااعده 00
السلام عليكم ورحمه الله وبركاته..
عندي كم سؤال اتمنى تفيدوني..اذا بدأ التسجيل ووحده سجلت مثلا بجامعهالدمام وجامعه الملك فيصل وطلع لها قبول بالثنتين وهي حابه جامعه الملك فيصل اذا ما سلمت الشهاده لجامعه الدمام يروح عليها التسجيل بس ما تعتبر " منسحبه "؟ - لو ما أنقبلت بالدفعه الأولى على رغبتي الأولى..هل ممكن انقبل بالدفعه الثانيه أو الثالثه على الرغبه الأولى؟ - اداره اعمال بالنسبه لطالبه ادبي ضعيفه في الرياضيات ..مشكله ؟ ولا رياضياتهم مش معقد ومستحيل الفهم ؟ و ايش هي الوظايف للإداره الأعمال؟ |
رد: مسااعده 00
عندي كم سؤال اتمنى تفيدوني..اذا بدأ التسجيل ووحده سجلت مثلا بجامعهالدمام وجامعه الملك فيصل وطلع لها قبول بالثنتين وهي حابه جامعه الملك فيصل اذا ما سلمت الشهاده لجامعه الدمام يروح عليها التسجيل بس ما تعتبر " منسحبه "؟
لآ ماتعتبرين منسحبه المهم انك اذا انقبلتي تختارين الجامعه اللي ودك فيها وترسلين وثائقك لها - لو ما أنقبلت بالدفعه الأولى على رغبتي الأولى..هل ممكن انقبل بالدفعه الثانيه أو الثالثه على الرغبه الأولى؟ ممكنَ , لان التخصصات يتم القبول فيها ع ثلاث مراحل وكل مرحله تنخفض النسبة الموزونه يعني اذا حصلتي ع نسبة موزونه 75 واخترتي كلية العلوم .. مانقبلتي فالدفعه الاولى انتظري الدفعه الثانيه مثلا وقف القبول فيها لنسبة 78 .. انتظري للدفعه الثالثه وراح تنقبلين ان شاء الله - اداره اعمال بالنسبه لطالبه ادبي ضعيفه في الرياضيات ..مشكله ؟ ولا رياضياتهم مش معقد ومستحيل الفهم ؟ اتوقع صعب الرياضيات و ايش هي الوظايف للإداره الأعمال؟ ممكن موظفه فالبنوك |
رد: مسااعده 00
شكرا ريمنقو ربي يسعدك يا قمر
|
رد: مسااعده 00
مثل ماوضحت لك اختي ريمنقو
وربي يسهل عليك ويوفقك :16: |
رد: مسااعده 00
الأخت ريمنقو ماقصرت , ولكن أحب أضيف على كلامها بعض النقاط
- نفترض أنك قدمتي في جامعة الدمام ووضعتي التخصصات بالترتيب التالي : ١- طب ٢- حاسب ٣- إدارة أعمال لو أنقبلتي من الدفعة الأولى في إدارة أعمال, ورغبتك الأولى هي طب, لو ما أرسلتي ملفك مع نتائج الدفعة الأولى ماراح يكون عندك فرصة لترشيحك بالدفعة الثانية يعني لازم ترسلي ملفك, وتنتظري نتائج باقي الدفعات عشان يتم وضعك بالتخصص المرغوب. - الأمر الآخر وهو تخصص إدارة الأعمال, عند قبولك في تخصص إدارة أعمال يتطلب منك دراسة السنة التحضيرية مع بقية التخصصات, ولكن تكون المواد أقل صعوبة نوعاً ما .. عدا اللغة الإنجليزية والحاسب الآلي جميع التخصصات يدرسون نفس المنهج تقريباً وتختلف المستويات المطلوب إنهائها حسب متطلبات كل كلية وللعلم منهج مادة الرياضيات مختلف لكلية إدارة الأعمال عن تخصص الحاسب الآلي أو الهندسة أما بالنسبة لصعوبة الرياضيات بعد إجتياز السنة التحضيرية ودخول كلية إدارة الأعمال, فهذا يعتمد على تخصصك الفرعي, لدى البنين في جامعة الملك فيصل مثلاً عدة تخصصات في كلية ادارة الأعمال منها : نظم المعلومات الإدارية والمحاسبة وغيرها .. ولكل تخصص خطة دراسية مختلفة بالطبع وتتشابه في بعض المواد .. فيجب عليك الإطلاع على الخطة الدراسية للتخصص المرغوب ومعرفة وصف المواد الموجودة فيه .. لتعلمين ماسوف تدرسينه في المستقبل إن شاء الله وإن كان لديك القدرة على ذلك أم لا وبجميع الأحوال أختاري التخصص اللي تميلين له وتشعري بأن عندك القدرة على الإبداع فيه والله يوفقك ويسهل دربك, |
رد: مسااعده 00
شكرا البندر
اذا ممكن تفيدني عن كليه الدراسات التطبيقيه وخدمه المجتمع -جامعه الدمام للبنات ؟؟ اداره اعمال حقهم كيييييييييف وباقي تخصصاتها يعطيكم العافيه |
رد: مسااعده 00
ابغي احد عارف يجاوب علي
من ادبي ودخل/ت ادارد اعمال عشان بأشوف رأيه :10: |
رد: مسااعده 00
بالنسبه لإدارة الأعمال صراحه كله حفظ وانا دخلته بس الى الآن ماني قادره أتكيف معاه بس قاعده أحاول بس انتي اذا قادره عالحفظ خلاص ادخلي ادارة اعمال اذا مخك مو للفهم ادخليه او بالنسبه للتخصصات الموجوده ( نظم معلومات - محاسبه - علوم ماليه ) أو هذي التخصصات يبغى لها فهم او يبقى تخصصين ( ادارة أعمال - تسويق ) او هذي المواد حفظ أو في النهايه انتي شوفي قدرتك أو على فكره ادارة الأعمال القسمين يقدرو يدخلوه سواء العلمي أو الأدبي يعني الخلاصه شوفي نفسك تميل الى ايش واتوكلي على الله وادخلي الي تبغيه
|
رد: مسااعده 00
شكرا ليآل ..اي والله بالحفظ احفظ ابو الكتاب اما الفهم لأ
:34: |
رد: مسااعده 00
كفيتكم ووفيتم
|
| All times are GMT +3. الوقت الآن حسب توقيت السعودية: 12:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه