|
من اجمل قصائد النصح
السلام عليكم ورحمت الله وبركاتة للشاعر بركات الشريف من أشراف مكة المكرمة وفيها وصايا لابنه مالك :35: يا الله ياللـّي كـل الأمـات ترجيك = ياواحـد ٍ ماخاب حـّي ٍ ترجـاك يارب عبدن مامشى في معاصيك = ولايمشي إلا في محبتك ورضاك يامـرقب ٍ بالصبح ظـليت بـاديك = مـاواحـد ٍقبــلي خـبرته تعـــلاك ولّـيت ياذا الـدهـر ماكثر بـلاويك = الله يــزودنا السـلامة من اتـلاك ياللي علـى العربان عمت شكاويك = ولّيت يـادهـر الشقـا ولّ مقواك واليـوم ها لكانون غـــاد ٍ شبابيـك = تـلـعب به الاريــاح من كل شباك يامالك اسمع جابتي يوم اوصيك = واعرف ترى يابوك بآمرك وانهاك وصية مـن والد ٍ طـامع ٍ فــــيك = تسبق على الساقه لسانه العـليـاك أوصيك بالتقوى عسى الله يهديك = لـهــا وتدركها بتـوفيق مــولا ك الله بـرب أجـــدادك الغــرّ يعطيك = مرضــاته مع ماتمنى من إمنــاك إحفظ دبشــك اللـّي عن الناس مغنيك = اللـّي ليا بان الخلل فيك يرفــاك وإعـرف ترى مكــه ولاها بناخيك = لو تشحذه خمسة ملا ليم معـطاك إجعـل دروب المــرجله من معانيك = وإحـذر تميّـل عن درجهـا بمرقاك لا تـنســدح عنها وتبغـاني اعـطيك = جـميـع مــايكـفيك ماحاصــل ٍ ذاك أدب ولــدك إن كان تبغــاه يشفيك = واستسعفه من بعد مرباك يالاك إمـا سمج واستسمجك عند شـانيك = ويفـر من فعـله صديقك وشـرواك والا بعد جـهـله ترا هــــو بياذيك = لـو زعلت امــه لاتخــليه يــا لا ك وإحذر تضّيع كـل من هـو ذخـر فيك = معــروفه لاتنسـاه واوفه بعرفاك تـرى الصـنايع بين الاجــواد تشريك = إليا طمعـــت بغرسهـا لا تعــداك وإحذر ســرور بغبة البحر يرميك = ولا عنده افـلس مـن تشكـّيك وبكاك وأوف الرجـال حقوقهـا قبل تـعنيك = لا توفيه بالهـــرج فالحـق يقـفـاك وهـرج النمـيمه والقفــا لا يجي فيك = وأيـاك عرض الغــافل أيـاي وإيـاك تبـدي حديث ٍ للمــلا فيه تشكـيك = وتهــيم عند النـاس بالكـذب واشـراك واليــا نويت إحذر تعلم بطـــاريك = كـم واحـد ٍ تبغى منه عرف وأغواك وأحـذر شماتت صـاحب ٍ لك مصـافيك = وليـا جرالك جـاري ٍ قال لولاك و لا تحـسب ٍ ان الله قطوع ٍ يخلـيك = و لا تفرح إن الله على النـاس بداك الضـيف قـدم له هـلا حيـــن يلفيـك = وممـّــا تطوله يافتى الجـود يمنــاك إحــذر تـلقي الضيف مقـرن علابــيك = خـله محب ٍ لك صديق ٍ ليا جاك واوصيك زلا ت الرفيـق ان عثا فيك = مازال يغـّطاها الشعـر فا حتمل ذاك راعــه ولو مـا شفت إنه مـراعيك = عســاك تكسـر نيته عن معـــــاداك وإحـذر عدوك لو ظهــر لك مصــافيك = خـلك نبيه وراقــبه وين ماجاك لا تـامنـه واطلـب من الله ينجــيك = ويكــفيك ربـك شـر ذو لا وذولاك شفـني انـا يا بـوك بـآ مرك وانهـيك = عـن التعرض بين الاثنين حذراك إذا حضـرت اطلابـة ٍٍ به شـرابيك = اســع لهم بالصــلح واللاش يفـداك ابـذل لهــم بالطيب ربــك ينجــيك = ولا تجضع الميزان مع ذا ولا ذاك أمـا الشـهـاده فادهـا إن دعوا فيك = بيـّن عمـود الدين لا عميت أريـاك بالك تمـاشي واحـد ٍ لـك يرديـك = طـالع بني جنســك وفكــر بممشـاك رافـق أصـيل ٍ فـي زمـانك يشـاكيك = لاشاف خملا تك عن الناس غطـّاك وحـذراك عن طــرد المقـفي حـذاريك = عليك بالمقبل وخل من تعداك ثم إلعن الشـيطان حذراك يغــــويـك = تــرى ان تبعـته للشــرابيك وداك وأوصــيك لا تشــكي علينا بلاويك = انت السبب اطرفت عيـنك بيمنـاك وإعرف تـرى اللـّي واطا الفعـرواطيك = ولاأنت أعـزمن الجماعه هذولاك ألمـسك يـاراسي مـن الذل وأخطـيك = وأحـذر تكلم يالساني وحـــذراك وألطف بجارك ثم قم دون عانيك = وافطن لما يعنيك عن ربعة اخواك ياذيب وإن جتـك الغــنم في مفــاليك = فا كمن لهـا ياذيب لاما تعـــداك فيما مضى ياذيب تفـرس بيـاديك = واليـوم جــاء ذيـب عن الفرس عداك ياذيب عاهدني وعاهدك مــارميك = مرميك أنا ياذيب لو زان مـرماك والنفـس خـا لف رايهـا قبل ترميك = ترى لهـا الشيطان يرمي با لاهلاك ومن بعد ذا لاتصاحب النذل يعديك = عن صحبة الانــذال يابوك حذراك والهقوة انـك ماتجـي دون أهـاليك = ولا ظن عود الورد يثمـر بتمباك والحـر مثلك يسـتحي يصحب الديك = وإن صا حبه عاعا معاعات الادياك لا تستمع قول الطرف يوم يلقيك = بالكـذب يقضي حاجته كل ماجاك مـن نـّم لـك نـــّم بك ولا فيـه تشكيك = وألياه قد أزرى رفيــقك وزراك عنـدك حـكا فيــنا وعندي حكــا فيك = وأصبــحت كارهنا وحنا كرهناك مـاخطاك ماصابك ولو كان راميــك = واللـّي مصيبك لو تتقيت مخطاك مير اســتمع مني عسى الله يهديك = النصح يا ما لك لـك الله مولاك عنــدي مظنه ما تمثلتها فيك = واطـلب لـك التـوفيق من عند مولاك :16::16::16: |
رد: من اجمل قصائد النصح
مقعد 1 :19:
هذا القصيد للي يطرب البال سلمت يمناك ياعاشق على هذا النص الشامخ :16: |
رد: من اجمل قصائد النصح
اقتباس:
ارحب يامرحبا بك الله يسلمك :43:شرفنى مرورك يالغالى قصيدة تعتبر من القصائد القديمة لكن يعتبرها الشعراء درة القصائد لأصالتها واتمنى من الجميع الأستفادهـ من هذة النصائح الجميلة :16::16: |
رد: من اجمل قصائد النصح
الله الله الله عليك قصيده واختيار ولا اروع بيض الله وجهك + تقييم + اعجاب مما اعجبني وألطف بجارك ثم قم دون عانيك = وافطن لما يعنيك عن ربعة اخواك حق الجار، قال عليه الصلاة والسلام: { ما زال جبريل يوصيني بالجار حتى ظننت أنه سيورثه } وقال سبحانه: { وَالْجَارِ ذِي الْقُرْبَى وَالْجَارِ الْجُنُبِ } [النساء:36]. من حق الجار: ألا تؤذيه، وألا تتعرض لحرمه، ولا تنظر إلى عوراته، ولا تكشف ستره، ولا تنهش عرضه، وإن احتاج إليك أن تواسيه، وإن طلبك مالاً وعندك مال فاعطه، وأن تسر لسروره وأن تحزن لحزنه، وأنا أذكر نماذج في حديث حسن ويضعفه بعض العلماء: { أن رجلاً أتى إلى الرسول صلى الله عليه وسلم قال: يا رسول الله! جاري آذاني، قال: اصبر واحتسب، فصبر فزاد جاره من الإيذاء، قال: يا رسول الله! جاري آذاني، قال: خذ متاعك وأهلك وانزل إلى السكة في الطريق، فنزل بأهله فمر الناس على ذاك الرجل فقالوا: مالك؟ قال: أخرجني جاري من داري، قالوا: لعنه الله، فكان المصبح يلعنه والممسي يلعنه، فلما سمع جاره أتى إليه قال: عد والله لا أعود }. شكر وتقدير اخي الكريم وتقبل خالص تحياتي |
رد: من اجمل قصائد النصح
جزاك الله كل خير
|
رد: من اجمل قصائد النصح
استمتعت جدا جدا جدا وانا اقرأ شطر شطر
تسلم يمينك ي اخوي الله يعطيك الف عافيه |
رد: من اجمل قصائد النصح
اقتباس:
ارحب ياهلا ومرحبا اسعدنى مرورك واضافتك وتقييمك اعتبرة شرف لى يالغالى الف شكر لك ولى هذا المرور الرائع لا خلا ولا عدم :2: |
رد: من اجمل قصائد النصح
اقتباس:
هلا ومرحبا وياك ياررب منورة الموضوع لاهنتى على المروور يالغلا :16: |
رد: من اجمل قصائد النصح
اقتباس:
يامشرفتنا الغالية الله يسلمك والله يعطيك العافية على المرور الرررررائع لك ودى واحترامى :16: |
رد: من اجمل قصائد النصح
يعطيك العافية عاشق
التميز ما شاء الله في كل مكان :16: |
| All times are GMT +3. الوقت الآن حسب توقيت السعودية: 05:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام