ملتقى طلاب وطالبات جامعة الملك فيصل,جامعة الدمام

- - طلبتكم بكلمه تكفون !!! تعالوا (https://vb.ckfu.org/showthread.php?t=467332)

طلبتكم بكلمه تكفون !!! تعالوا

شلونكم ياخواني وخواتي .....

في الحقيقه حبيت افتح لكم الموضوع هذا مدام اننا نتظر النتائج وباذن الله الكل ناجح وراح تفرحون يارب بالمجهود الي بذلتوه طول الترم انا حبيت اتكلم عن نقاط ودنا نتفق مع بعض اذا بدت الدراسه اننا معاد نتطرق لها وابي اقولكم ((( تكفون ياجماعه تكفون تكفوون ))).... وكلمه تكفي تهز الرجال ......

ياجماعه تكفون لاعاد تتكلمون كثير علي المقالي ويسمعونكم الجامعه والله بيجي يوم يحطون الموضوع هذا براسهم ويتاكد الكلام ويصير الاختبار كله مقالي ... وباعطيكم نصيحه بحكم خبرتي اذا جيتوا تسئلوا اي دكتور بالجامعه عن شي يخصك لاتسئله يامسلم عن الاسئله الي باذكرها لكم تكفووون ثم تكفون ياطلابنا الاعزاء ويااخواتنا الطالبات وووووووووونبدا بلاسئله يادكتور الاختبار سهل ولا صعب (( تعال حط الاسئله بدالي )) ..... يادكتور الاختبار مقالي ولا موضوعي (( عاد لو يكون الدكتور شايل علي مستوي يسويها مقالي طبعا ))..... يادكتور الاختبار مباشر ولا من بين السطور (( وشو رايك اجيب لكم قصه ليلي والذئب الكل حافظها طبعاا )) ..... .... يادكتور نذاكر من المحتوي ولا الملزمات (( لاذاكر الملزمه ام 6 صفحات ولاتتعب نفسك ))) ...... يادكتور نذاكر الاسئله الي راحت بتجيب مثلها يادكتور (( ايه ذاكروها ياحبايب قلب ابوكم وفي الاخير اسئله من بره المحتوي حتي مثل الصحه واللياقه بالعربي نكبونا الطلاب ))) .... في شي محذووف يادكتور ((( ايه ياقلبي كل المحاضرات محذوفه بس ذاكروا المحاضره التمهيديه الاوله هي الي معكم بلاختبار فقط )))...... كيف اخذ المشاركه كامله يادكتور طبعا الي يسئل (( طالب في مستوي ثاني وثالث انا مادري كيف نجح اصلا وراح للمستوي هذا ))) ..... يادكتور المحاضره رقم 7 ماتتحمل بالجهاز عندي (( ابشر ياقلبي باحملها علي جهازي وارسلها لك بكره لاتتعب نفسك )) .... يادكتور كيف تنحسب درجه الواجب ((( طبعا هذا الي يسئل اتوقع ماعمره دخل شاف ايقونه الواجب ولا يعرف الرقم السري حتي بس مسوي قلق لنا ))) ..... يادكتور كم سؤال بيجي بلاختبار ((( هم الجامعه فارضين 50 سؤال طبعا واغلب الطلاب عارفين اول كان 70 حاليا 50 والسبب في كل محاضره مباشره ينسئل السؤال هذا)))... يادكتور اسئله الواجب مهمها معنا في الاختبار (( لاوالله مو لدرجه هذي الاسئله هذي اصلا ماهي موجوده في المحتوي حاطها لكم من راسي وانا طفشان ))) .... لاوفي واحد والدكتور يتكلم يكتب بالعام وشو رايكم ياشباب نسوي قروب واتس ساب والثاني داخل من جواله الظاهر للمحاضره ويقول يادكتور صوتك مو واضح ترا طبعاا الكل يسمع الدكتور الا هو ومسوي لنا قلق والدكتور يرجع يعيد مره ثانيه وطارت علينا 3 دقايق

انا ماودي اطول عليكم كل الي ابيه منكم ارجوكم قدام الله جميعااا اننا نتفق معاد نسمع الاسئله هذي من جديد والي يرحم والدينكم ترا السؤال يفتح لك باب انت مستغني عنه من اول .... قوله تعالي { يا أيها الذين آمنوا لا تسألوا عن أشياء إن تبد لكم تسؤكم } ....واتمني التوفيق والنجاح لكم جميعاا .....

اخوكم بحر الكلام