ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية الآداب بالدمام (https://vb.ckfu.org/forumdisplay.php?f=63)
-   -   [ جميع التخصصات ] : سوال عن ماده تحرير عربي (https://vb.ckfu.org/showthread.php?t=466985)

قصيميه وشرقاويه 2013- 5- 27 04:47 PM
سوال عن ماده تحرير عربي
 
السلام عليكم
انا من كليه التربيه بالجبيل وحابه اخذ صيفي عندكم ماده تحرير عربي
سوالي؟
1- هل الدكتورات حلوين يعني اضمن نجاحي
2- هل اسالت الاختبار موضوعي او مقالي

قصيميه وشرقاويه 2013- 5- 27 10:08 PM
رد: سوال عن ماده تحرير عربي
 
ليش مافيه احد رد
تكفون انا رسبت مرتين وابي اخذها عندكم:12:

خريجة الثانويه 2013- 5- 28 12:18 AM
رد: سوال عن ماده تحرير عربي
 
ماحبيت ادخل الموضوع واقراه بدون ماافيدك
انا الحين سنة تحضيري مستوى ثاني خديت هالماده الفصل الاول
بالنسبه للدكاتره
انا خديتها عند الدكتوره امل الخياط التميمي
مادري شقول بس الكل يشتكي منها ومن اسلوبها مع البنات وطلباتها واجد يعني تفكر عند الشعبه كلها بس مادتها
أما بالنسبة للاسئلة اسئلتنا الفصل الاول كانت كلها نقش ونقش من قلب بعد ماتخلصي من الاختبار الا وايدك تعورك
اتمنى البنات يفيدونك بدكتورة عدله

قصيميه وشرقاويه 2013- 5- 28 11:27 AM
رد: سوال عن ماده تحرير عربي
 
الله يجزاك الجنه ماقصرتي
ويوفقك بجميع اختباراتك

ترَف 2013- 5- 28 01:23 PM
رد: سوال عن ماده تحرير عربي
 
انا اخذت الماده عند د حوريه العتيبي الترم الاول

والله حبوبه وطلباتها مو واجد زي امل التميمي .. بس اذكر حطت لنا واجب ع البلاك بورد واختبار واحد ع البلاك بورد

بس تطول بالشرح
موفقه :1:

" رَوْنَق " 2013- 5- 28 01:39 PM
رد: سوال عن ماده تحرير عربي
 
/

أنا أخذت عند د.منى رشاده السمستر الأول
حبوبه بس تركز على مجموعه وتخليهم توب وشديده , وممنوع أحد يدخل بعدها !
دقيقة ! بالبحوث والواجبات :42:
بس تساعد بأوقات التسليم =)

الإختبار كان مقالي ..
جدول فيه المعاجم *
قطعة طويله وتلخصينها *
تجيب لك قطعه وحطي علامات الترقيم *
كم سوال موضوعي .. عن المعاجم *
جدول تصلحين الكالمات .. تجيب لك كلامات غلط وتصححينها *

والله يسهل عليك يارب .. :16:

ღ(彡ḾЄḾǾ彡)ღ 2013- 5- 28 03:40 PM
رد: سوال عن ماده تحرير عربي
 
بالنسبه لي ادرس عند امل الخياط التميمي

صراحه اسلوب روعه وشرح
والله ماتطلعين الا وانتي فاهمه زين
حلو وحده شدشده معنا علشان ترفع درجاتنا غصبن علينا بعدين هي مو ذاك الشده ابد عسل والله
تضحك وتسولف معنا عاااادي جدا
وبالنسبه للطلبات ماطلبت شي
كل محاضره تحط واجب عليه درجتين وماتستلمه الا اخر الترم بملف تجيبينه بسسس
صراحه هي احسن دكتوره درست عندها
بالتوفيق

bsbos.s 2013- 5- 28 04:22 PM
رد: سوال عن ماده تحرير عربي
 
أنا ادرس مع دكتورة امل التميمي

بصراحه هي أسلوبها لك عليه
بس من ناحية التدريس جداً جداً رائعة
أنا حملتها مرتين بس معاها بصراحة احس انجزت كثير
جد اسلوبها شوي الله يهديها تفشل هههههههه وتركز شوي على بنات معينين
بس مثل ماقتلك دكتورة بالتدريس رائعة :1:


All times are GMT +3. الوقت الآن حسب توقيت السعودية: 01:45 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه