|
الكتب المعتمدة لمواد المستوى الثالث
السلام عليكم ..
أعزائي شباب وصبايا المستوى الثالث , على البركة نهاية الترم وتقدمكم للمستوى الرابع عقبال التخرج أن شاء الله وبأعلى الدرجات .. :17: أخوكم من الستوى الثاني وحابب أعرف الكتب المعتمدة لمواد المستوى الثالث التالية : - ادارة مآلية 1 ,, 2- أسآسيآت المحآسبة الإدآرية والتكاليف,, 3-الأحصآء في الإدآرة,, 4- تقنية المعلومآت2,, 5- نظم المعلومآت الإدآرية ,, 6- مهارات الأتصآل,, ولذلك للأطلاع عليها وتحدد ما إذا كان بالأمكان الأستغناء عن الملخصات علما بأني وجدت الملخصات في خدمات الطالب وأردت التأكد من محتوى الكتب أولاً ومرة أخرى بالتوفيق .. والشكر مقدماً .. :13: |
رد: الكتب المعتمدة لمواد المستوى الثالث
أدري كثيرين بقولون وش ذا الي جائي حامي حامي .. لكن عندي وقت فراغ الشهرين الجاية
وأبي أستغل الوقت بفائدة .. وما لقيت شيء في المواضيع المثبته .. :27: |
رد: الكتب المعتمدة لمواد المستوى الثالث
أنا عن نفسي ما إستخدمت إلّا كتاب إدارة المالية وكتاب الإحصاء في
الإدارة وباقي المواد إعتمدت عالمحتوى والملخصات والأسئلة خليتهم بالأخير كمراجعة فقط |
رد: الكتب المعتمدة لمواد المستوى الثالث
أنا أخذت إدارة مالية ١
و المحتوى كان كافي و شرح الدكتور مره ممتاز الباقي مدري عنهم إن شاء الله يجي من يفيدنا بس عن مادة التقنية بتكون عملي أغلبها ف خلك ع المحتوى و العملي إذا صعب عليك شيء إسألنا :34: أصلا العملي حلو بالتطبيق مو حلو بالشرح |
رد: الكتب المعتمدة لمواد المستوى الثالث
يعطيك العافية .. ومشكورة وماقصرتي .. :29: يعني مشي معك الحال أم المثنى وشايفة أنه مو ضروري الكتاب أنا لقيت أساسيات الأدارة المالية ( الطبعة الثانية ) لسهلاوي - عبدالقادري أحمد وجاري البحث عن الباقي ,, |
رد: الكتب المعتمدة لمواد المستوى الثالث
اقتباس:
لا خلا ولاعدم أفوفة .. :34: وما أستغني عن سؤالكم لكن أنا رحت خدمات الطالب وشوي بغيت أخذ الملخصات والواضح أنها دسمة .. تدرين وش حاسني في الصحة لغة الملخص ,,ففيه بعض النقاط تحسي اللغة ركيكة لدرجة أن المعلومة ما توصل كاملة على العموم الله يعطيك العافية .. |
رد: الكتب المعتمدة لمواد المستوى الثالث
حياك ربي
الاداره المااليه و الاحصاء و التقنيه بس افضل ما تجيب الكتب الحين يمكن تسير اي تغيرات بالذات تبع الاحصاء حووالينه بعض الكلام هالترم فانتظر لبداايه الترم الجاي باذن الله وتقدر تنـزلهم من النت وتطلع عليهم قبل تجيبهم :27: ربي يسهل لنا ولكم يارب العالمييين :16: |
رد: الكتب المعتمدة لمواد المستوى الثالث
نصيحة لا تشتري كتب بتخسر فلوس على الفاضي. - الإدرة المالية1 الدكتور ما شاء الله عليه متمكن من المقرر ويكفي تتابع المحاضرات وتطبع المحتوى. - محاسبة التكاليف المقرر دسم لكن الدكتور الله يعطيه العافية شرحه واضح تابع المحاضرات واكتفي بالمحتوى. - نظم المعلومات الإدارية الدكتور ينزل المحتوى وهو كافي لأن ما فيه كتاب خاص بالمقرر. أنصحك تتابع المحاضرات وتسجل الإضافات اللي يذكرها الدكتور. - تقنية المعلومات 2 ومهارات الاتصال سهلة واطلاعك على اسئلة السنوات السابقة بيساعدك يكون عندك معلومات أكثر عن طريقة الاختبارات ولا انصح بشراء كتاب. - الإحصاء في الإدارة إذا ما تغير الدكتور أنصحك تشتري كتابين اللي هم كتاب الدكتور وكتاب جانبي تبسيط ولا أنصحك تتابع أي محاضرة منه لأن الدكتور غير متمكن. |
رد: الكتب المعتمدة لمواد المستوى الثالث
اقتباس:
بالعكس انت كذا:21: حلو تستفيد من وقتك حتى انا ابي الكتب لأني هالآسبوع بروح الرياض وباخذهم من جرير عندنا هنا بعض الكتب ما الاقيها ومنكم نستفيد:29: |
رد: الكتب المعتمدة لمواد المستوى الثالث
اقتباس:
بعد:6: وش سالفتهم يغيرون على جيتنا:30: |
| All times are GMT +3. الوقت الآن حسب توقيت السعودية: 01:10 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه