|
حوافزهم كانت السبب ...!
اول شي السلام عليكم ... وهاردلك لكم جميعا في اختبار الصحة واللياقة ... حبيت اشارك بموضوع لاحظته مااخذ حقه من النقاش , موضوع حوافز الجامعة الموقرة ..! اللي كانت اقل مايقال عنها كانت صدمة لاغلب الطلاب .. طبعا انا مايهمني الحوافز بذاتها بس وش راح يحصل من بعدها ... لاحظت في جدول هالترم المستوى الثاني .. تقارب اختبارات المواد الصعبه .. واعطاء فترات كافيه للمواد السهلة ...ِ لاحظنا جميعا فرد عضلات بعض الدكاترة في اسالئتهم والصحة واللياقة اقرب مثال ... والقادم اتوقع راح يكون امر ..\\ تقاعس الجامعة في الامور اللي تهمنا ول مصلحتنا وعدم اللامبالاة لمستقبل طلاب يحاولون نيل الشهادة لتفيديهم في حياتهم العملية , همسة للادارة الجامعة الموقرة .. الحوافز معناها تشجيع مو تحطيم .. ووضع العراقيل والصعوبات امام من يسعى لها مو تعطيني الف ريال ... وادفعها لك 3000 ريال ك رسوم دراسة ...! اقلها اعفاء ياخي ...$:39: ووللحديث بقيةة ...* |
رد: حوافزهم كانت السبب ...!
صادق مانبي حوافززهم بس يفكونا من اسئلتهمم الغرريبه !!
|
رد: حوافزهم كانت السبب ...!
أخي الكريم حوافزهم شبة مستحيلة
من شروطها أن الطالب أو الطالبة يجيب أمتياز في ترمين متتالين وهذا مايجيبه لا مصطفي ولا حتي أختة ههههه لان المعدل لازم فوق اربع ونصف وطالب إنتساب يادوب يجي علي أخر الفصل يذاكر والطيّب يتابع المحاضرات طبعاً مادخلت إنتساب إلا وأن مرتبط بعمل أو غيره . حوافزهم ذكرتني بفلم الناظر علاء ولي الدين ههههههه لما يوزع عجلات وتلفزيونات علشان الطلاب تنجح المفروض من إدارة الجامعة تسمع وتعمل لما فيه مصلحة للوطن والمواطن وعاش الملك وشكرا. |
رد: حوافزهم كانت السبب ...!
ما أوردته أخي كلام صحيح ولاحظوا الجدول كيف تم توزيع المواد فيه ...
وضغطنا بخمسين سؤال ووووووو لانريد حوافز .. نريد حقنا كطلاب جامعيين .. نريد العدل فقط .. نريد أن تصلهم رسالة أن الغالبية العظمى من طلاب الإنتساب لهم ظروف في حياتهم لاتتحمل مماطلة وإستهتار الدكاترة .. أو حتى غيرهم من الإدارة .. |
رد: حوافزهم كانت السبب ...!
زيزوا ... طالب .. انفاس
الف شكر ع مشاركتكم اللطيفة ... انا طالب بسيط والله وحلمي ع قدي ... احلم بمنصب يرفع من شاني .. ويفتح لي امور كثيرة في حياتي ... استقطع جزء من راتبي ل جامعة طموحها مادي ..., اقطع الوقت لاجل شهادة انيل فيها مطلوبي ... سمعتي ياجامعتي الموقره بس ابي انيل فيها مطلوبي |
رد: حوافزهم كانت السبب ...!
اذا تبي رايي
انا ما اتفق معاك في مسئله الــ1000 هههههههههههههههههههههههه اصلا لو هم فكرو فيها بالطريقه ذي وربي مصيبه وكارثه لكن انا احس ان الاداره فيها خير و غلط دكتور ما نعممه على الجامعه كلها زي ما احنا ما رضينا انه ( فرضيا انه صار ) فيه طلبه او طالبات اظهرو له استهتار في الماده وقام حقد علينا كلنا . صحيح القاعده تقول الخير يخص والشر يعم ولكن محد يرضى انه ينأخذ بخطاء غيره وان شاء الله انا متفائل جدا جدا ان الاداره راح تتجاوب معانا بس يمكن يبون لهم فرصه ووقت لتداول الموضوع مع الدكتور وان ما فيه احد بيحمل المادة باذن الله :29: وباذن الله |
رد: حوافزهم كانت السبب ...!
عبدالعزيز هههههههههههه
والله ياصاحبي ... تعاملهم المادي يقول كذا ...! والا وش يمنع الجامعة تخلى حوافزهم " اعفاء من الرسوم " للطلاب المتميزين ... خليني ساكت تكفى ... والله من يوم شفتهم يقفلون ع خلق الله المحاضرات .. وانا دريت انهم ماديين حييل |
رد: حوافزهم كانت السبب ...!
ليست الحوافز وحدها هي السبب للأسف، هناك من يسعى لإظهار نتائج الطلاب بالشكل هذا، ومن خلال نقاشي مع أحد الزملاء حول الجامعة قال من وجهة نظره، يبدو أن الجامعه تحاول أن تجعل من نتائج الإختبارات نتائج متفاوته بحيث تكون النتائج المتفوقة قليلة جداً بقدر الإمكان لعدة أسباب، منها: أنه شاع عن الجامعه بأنها تهدف للعمل التجاري أكثر من الهدف التعليمي، ومن خلال النتائج المتفوقه والعاليه تساعد في التسويق للجامعه وجمع أكبر قدر من الطلاب، لذلك اضطرت الجامعة لتغيير أساليبها لإحباط هذه الشائعة وذلك بجعل النتائج متفاوته قدر الإمكان، والضحية هم الطلاب. أيضاً أنه شاع عن الطلاب بأنهم كثيراً منهم لا يسعون إلا لأخذ الإجازات الرسمية للإختبارات من جهات عملهم والتمتع بهذه الإجازه وعدم استغلالها للدراسه، وهذا ما استشفيته من خلال تعليقات المراقبين في قاعات الإختبار كذلك بعض من العامة وبعض من منسوبي التعليم، رغم هذه النظره السلبية اتجاه الطلاب والخاليه من المصداقية والخاليه من الواقعيه، إلا أن الجامعه اتجهت لتغيير أساليبها لإثبات عكس ذلك. والضحيه نحن الطلاب ! أيضاً من ضمن الأسباب التي جعلت من الجامعه تلجأ لهذا الأسلوب أن بعض الطلاب هداهم الله يجاهرون ويعلنون أمام منسوبي الجامعه وطاقم التعليم والأساتذه ويبينون لهم أيضاً، بأنهم يعتمدون على أسألة الأعوام الماضيه وأنها حتمية سوف تكون ضمن أسألة الإختبار وأنها مرجعيه أساسية للمذاكرة، بل وصل ببعضهم أن يسال الدكتور بشكل مباشر " هل الإختبار سوف يكون مطابق للاعوام الماضيه؟ ".. وبلا شك هذا من الأسباب التي جعلت من الأساتذه أن يتجهون لتغيير الأسالة بشكل تعجيزي بحيث يثبتون عكس ذلك، والضحية نحن الطلاب ! |
رد: حوافزهم كانت السبب ...!
اخوي سلمان ...
اتفق معك , بس هذا مايعطي الجامعة او اي فرد فيها تستخف في الطلاب ؟؟ والا نظامهم ., " الخير يخص والشر يعم " مو ذنبي اذا استهتر طالب في مادة دكتور اعمم هالاستهتار ع كل الطلاب ولايعطيهم الحق . ياابن الحلال انا مااقول تساهل معي بس عطى المجتهد نصيبه مايقولون لكل مجتهد نصيب ... صدقني في اجواء هالجامعة مال للمجتهد الا التعب ... الله يعين وان اخوك .. |
| All times are GMT +3. الوقت الآن حسب توقيت السعودية: 10:51 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه