لا أحد يزعل
 

اخواني السلام عليكم..

سامح الله بعض الطلبة .. بسبب تهاونهم وعدم جديتهم.. البعض يحسب انه دافع فلوس خلاص يحسب نفسه بمدارس اهلية عطوني الاسئلة ونجحوني دامني دافع من جيبي..

الجامعة مو عشانك دافع فلوس يالطيب راح يعطونك مقابل فلوسك شهادة جامعية .. الامور ماهي بهالتصور الغير صحيح للدراسة بالجامعة.. ذاكر وشد حيلك تنجح وبنسبة بعد جيدة وممتازة.. أما تجلس الترم كامل وانت مانت حول الدراسة وقبل الاختبارات بأسبوع والا اسبوعين والبعض الله المستعان بأيام بعد تلاقيه بدى يفكر انه يدرس بالجامعة ويجيك يطامر بالمواقع ياشباب الحقوني ماني فاهم وش افضل الملخصات وايش وما ايش ثم يجي الاختبار فان كان بعض الاسئلة من اسئلة الاعوام الماضية مدحوا الدكتور ودعوا له ومجدوا فيه وان كانت الاسئلة هه شوي مو صعبة لا شوي متوسطة فيها اسئلة الي مجتهد وذاكر مو - دافور - لا ولو بس بشكل جدي شوي تلاقيه جاوب وحل ولا عنده مشكلة لكن هذاك الي توه ماله يومين توه متذكر انه بالجامعة وعنده اختبار جاك يطامر وليش يادكتور وكيف وليش ماتراعون احنا طلاب وعندنا اشغال ومسؤليات وعندنا وما عندنا انتوا تبون وتبون ويبدا شغل الدخول في الذمم والسب والشتم والتلفيقات وان الجامعة مستقصدة وهم الي قالوا للدكاترة صعبوها لاتخلوهم يجيبوا درجات عشان ما يا خذوا مبلغ التحفيز والتفوق وكلام سوقي يستحي الشخص يقراه بالموقع مو يكتبه بعد.. شي والله اعجب من العجب..والله تحس هذا طالب متوسط عقله على قده مو واحد عاقل وراشد وعمره ؟؟ ويدرس بالجامعة .. والله عيب هالتصرفات وهالكلام والاساليب ..

يا أخي اعترف انك غلطان وخلك شجاع وحاسب و عاتب نفسك.. والطالب الي عنده اعتراض يا أخي اذا انت صادق في اعتراضك او خطأ بالامتحان أو غيره المهم فيه مصداقية بالشكوى - مو تنفيس عن زعلك الله يجزاك خير - فيه بموقع الجامعة جزاهم الله خير ايقونه خاصه بالشي هذا تقدم اعتراضك واذا كان صحيح راح يأخذ بالإعتبار وحالات كثيرة عندما وجدوا فيه أخطاء أعطو الطلاب درجة السؤال .. مافيه شي يستاهل سب او شتم او الفاظ لاتدل على ان الانسان عنده ولو شوية قيم واخلاق اسلامية.. الي احنا دايم اول من نتفاخر بان المسلمين ذو اخلاق والحقيقة والواقع غير كذا للأسف عند البعض..وبعد الامتحان يجيك على المواقع ينشر الغسيل والسب والشتم والدعاء عالناس وانتوا ماتقدروا ولا ولا ..طيب ليش ماتقدر نفسك انت اول الله يجزاك خير وتذاكر وتهتم ولا عليك من غيرك الأسئلة كلها من المنهج مافيه شي من برى لو إنك مذاكر كان حالك حال غيرك المذاكر والمجتهد والي يحلل فلوسه الي دفعها مقابل التعليم والشهاده..وتتمنى انه بعد بالمنتديات بس عالأقل يعترض لا تلاقيه بأسوأ العبارات والألفاظ والدعاء يسطرها لنا سطور.. الله المستعان..

يا اخوان الي يبي يدرس يشد حيله :33::33::33: يعني ايش يذاكر ولو بالشي المعقول لايجلس طول الترم مطنش ثم قبل الامتحان يذاكر له شوية ملخصات على كم سؤال ثم يجي يرمي أخطاءه على غيره وعلى الجامعة والدكاتره .. الواحد لايرمي بمشاكله عالجامعة وانا عندي التزامات وعندي بيت وعندي وعندي لكن جامعة لاتقدر ولا دكاتره تقدر..!!!
انت ماقدرت نفسك ؟؟ انتي ما قدرتي نفسك ؟؟ يا أدخل الجامعة واشد الحيل واهتم علاوة على اني دافع فلوس والا بلاش يا أخي تخسر نفسك وتجي بمستوى هزيل ثم تتهم غيرك بمشاكلك ثم تدعي وتسب وتشتم وتخاصم وتفجر وكأن الانسان ماتعلم واخذ من دينه واخلاقيات الاسلام ولا شي..

أتمنى ما أحد يزعل يا أخواني ويا أخواتي الصراحة لا احد يزعل منها.. الي يبي ينتسب للجامعة ويحصل الشهادة يذاكر الجامعة هيأت كل السبل لأجل ان يتعلم الطالب عن بعد من بيته تحت المكيف ويختبر في نفس مدينته اذا مو جنب بيته بدون سفر وروحة وجيه.. الجامعة بارك الله في مسعاها والقائمين عليها تحاول تطور بكل التقنيات الحديثة من أجل المجتمع ليحصل على تعليم ويطور من قدراته وتحصيله العلمي بأيسر السبل ولكن للأسف البعض عقله محدود وتفكيره بسيط لا يحمد الله ولا يشكر الناس..حتى الشكر ما أحد طلبه منه بس يمسك على نفسه لسانه..اللسان لم يخلقها الله ويضعها في أفواهنا لنقول مثل هذا الكلام السيء..كما قال عليه الصلاة والسلام ( المسلم من سلم المسلمون من لسانه ويده) او كما قال (أقربكم مني منزلة يوم القيامة أحاسنكم أخلاقا) وقوله ( أكثر ما يدخل أهل الجنة الجنة تقوى الله وحسن الخلق) وقوله ( ثكلتك أمك يامعاذ وهل يكب الناس على مناخرهم في النار الا حصائد السنتهم ) أو كما قال عليه افضل الصلاة واتم التسليم .. هذا ماعلمنا اياه نبينا العظيم ايها الإخوان الكرام لنتق الله ونلزم السنتا ولنهتدي بقوله ( قل خيرا أو اصمت):26:

وشدوا حيلكم :33: والا ترى على قولة شيابنا زماااااان ....ماهوب شرط على سعيد العسكرية....

رد: لا أحد يزعل
 

رد: لا أحد يزعل
 

معليش اخوي سالم الموضوع صح طويل لكن لاتلومني.. واسأل الله يوفقنا واياك..

لننتقد ما نشاء كل له الحرية ولكن بصدق مع الله قبل كل شي ثم مع انفسنا ثم لنحترم مكانة الجامعة وأعضاءها..

وكل له هدف وانا خوك بس اهم شي نبتعد عن السقوط في الخلق الذميم .. كل يدرس ويجتهد ويحاول بس لانسب ولا نشتم فقط لاغير..

رد: لا أحد يزعل
 

رد: لا أحد يزعل
 

صباح الخير

رد: لا أحد يزعل
 

ابو إياد؛
اولاً موضوعك قصه طويله وواضح من اسلوبك انك تدعي المثاليات
اخي الكريم الدعوه إنتساب ولا اعتقد ان حصولنا مستقبلاً على الشهاده يعني وجود وظائف،،، فالأغلبيه هنا طموحهم من باب زيادة الإدراك وتساعدهم في الحصول على الترقيات مثلاً في العمل،
موضوع ان الواحد يذاكر فقط ايام الاختبارات اويحفظ او يفهم ٣٠ ٪ من الماده يعتبر إنجاز كبير وهذا مايبحث عنه دكتور الماده،،،
وماهو حاصل مع طلبة الإنتظام على مستوى الدول المتقدمه.
الاهم من ذلك من هم طبقة الإنتساب؟؟؟ ارتباااط بعمل ،،،، بيت ،،،، مسؤليات،،،، الخ،،،
مره اخرى تذكر انك طالب إنتساب،،، وبعدين المثاليات هذي تطلع من واحد هندسه ،،، دكتور،،، اين انت من هذا؟!!
لو اردت كتابة موضوع آخر انصحك ( خير الكلام ماقل ودل )؛
تحياتي للجميع

رد: لا أحد يزعل
 

جزاك الله خير اخوي ابو اياد

ما تلاحظ انك تبي تكحلها واعميتها :29:

السالفة ابسط مما تتخيل ولا يوجد فيها ان شاء الله من هو مهمل او ليس بجاد الا قلة لا تكاد تذكر و لا اذكر اني صادفت من بينا احد ( يطامر ) اخاف اشتبه عليك الوضع بين التجمعات والمذاكرة الجماعية وتبادل الجميع كل ما يخص أي مقرر او اختبار ينتسبون له وبين التخبط والتسكع في شبكة الانترنت .

هدفك نبيل لكنك اضعت الجادة في الدعوة وجانبت حسن الطرح وعلى قول الاولين

ضيع صيده في عجاجه :29:

فعلا خير الكلام ماقل ودل .. واغلب كلامك تكرار لنفسه


من غير زعل :16:لك التحية

والسلام سكر

رد: لا أحد يزعل
 

تعداك الجيب اقصد العيب :13: :16:

رد: لا أحد يزعل
 

رد: لا أحد يزعل
 

حياك الله اخوي رائد..

طلب العلم والتعلم لايفرق بين هندسة او طب او غيره كل يتعلم في مجاله الذي يرغبه ويحسن ويطور من نفسه ويخدم مجتمعة ولا فرق - ورؤيتك لتخصصك او المجال الذي تدرسه بعدم اهميته تدل وانا خوك عدم الايمان بأهمية كل مجال في الحياة مهما صغر او كبر - ..

وقولك ان (موضوع ان الواحد يذاكر فقط ايام الاختبارات اويحفظ او يفهم ٣٠ ٪ من الماده يعتبر إنجاز كبير وهذا مايبحث عنه دكتور الماده،،،) هذه وجهة نظرك واحترمها ولكن ارى ان هذا غير صحيح ليس المقصود الدراسة ان تذاكر فقط ايام الاختبارات فأين هذا الانجاز عندما ينتهي من الاختبار تراه في المواقع يصيح ويولول ويسب ويشتم الدكاترة الذين تقول عنهم اين انت من هذا..وماذا تركت من الانجاز على حد تعبيرك لمن يهتم من اول الترم الى آخره. وعموما انا ماقصدته ان من لا يذاكر الا ايام الامتحانات فهو حر ولكن.. !!! .. لا يحمل الناس سوء تصرفه بسوء مافي لسانه من سب وشتم..

وان كان طلبي أن نكون ذو اخلاق وحسن تعامل مع منهم ارفع منا قدرا ومكانا واحترام مكانة الجامعة وهيئة اعضاء التدريس مثالية.. وعدم تحميلهم أخطاءنا في عدم الاهتمام الا وقت الامتحانات (( حيث انه اصبح انجازا بحد تعبيرك)) فأعاننا الله اذا على سوء ما نقرأ ويكتب بعد كل امتحان من البعض وخلف الله على من تعلم من دينه انها مثاليات..سعدت بمرورك ونصيحتك وقراءتك الموضوع وان كان طويلا..