|
بخصوص الترم الصيفي
استفساري عن الترم الصيفي هل استطيع تنزيل ماده واحده فقط خصوصا ان المواد المتاحه من المستوى الثالث ماده واحده فقط ,,وإذا كان مايمدي وش الماده السهله اللي ترفع المعدل ولا تسبب ماغص :mh12:... مانستغني عن آآآرائكم ياشمعة الجااامعه |
رد: بخصوص الترم الصيفي
هلابك اخوي انت الان مستولى ثاني وان شاء الله رايح للمستوى الثالث المواد المتاحه عندك من مستوى ثالث هي ماده واحده فقط الي هي الاخلاق الاسلاميه واداب المهنه وفيه فرصه اذا كنت حاذف من مواد المستوى الثاني ماده مثل الانجليزي كتابه او فقه السيره |
رد: بخصوص الترم الصيفي
حسبما فهمت أنك تستطيع تأخذ مادة أو مادتين بحد أقصى. وبإمكانك تأخذها من أي ترم بشرط عدم وجود متطلب سابق لها.
أفكر آخذ إنجليزي كتابة من الترم 2 وأخلاق المهنة من الترم 3. باقي وقت طويل على الاختبارات في 4 رمضان. إن الله أحيانا. أكثر من كافية على مادتين. وبعدين لا تفكر بالمعدل. المعدل الحقيقي يقاس بكثرة المواد التي تأخذها وتتجاوزها. يعني لو واحد يأخذ 5 مواد في الترم ويحصل على معدل 5، وآخر يأخذ 10 مواد ويحصل على معدل 3، الأخير أحسن منه. بالمنطق. ما علينا من حسبة الجامعة. لأن أكيد إذا أخذت مواد قليلة في كل ترم ستأخذ معدل مرتفع. لو ما أخذت مشكلة. أين الفهلوة والشطارة هنا؟. |
رد: بخصوص الترم الصيفي
الاخلاق الاسلاميه واداب المهنه الانجليزي كتابه والله حلوه 4 ساعات أنجاز بس المسافة 1750 كيلو الله يعيننا عليها من هنا لي تاريخ 28 يحلها الف حلل |
رد: بخصوص الترم الصيفي
أتوقع بس مسموح مادتين فقط
بعدين الجامعة هذي فيها من الغباء الشئ الكثير طيب سوي اربع مواقع كا بداية الرياض الدمام المدينة المنوره ومنطقة في الحدود الشمالية |
رد: بخصوص الترم الصيفي
اقتباس:
كلامك ميه ميه . بس المشكله كل موقع يعتمد ع المساحه \خصوصا الطلب ع الترم الصيفي مطلب الجميع والسبب المعوق هو بعد المسافه للاحساء :10: فما بالك لو يحددون مركز واحد لكل منطقه :11: |
رد: بخصوص الترم الصيفي
اقتباس:
هلابك اخوي العضيد واسمحلي اختلف معك في وجهة نظرك بالنسبه الي ياخذ 5 مواد وياخذ 5 في المعد افضل بكثير من الي ياخذا 10 مواد ويحصل 3 في المعدل الاول رح يكون معدله محافظ عليه ورح يكون في النهاية 5 لكن مشكلته انه رح يتأخر في التخرج يعني مارح يخلص في 4 سنوات لانه مثال عندنا في علم الاجتماع عندنا 67 ماده يعني رح يخلصها في 6 سنوات اما الثاني فرح يخلصها تقريبا في 4 سنوات لكن المعدل العام اذا كان في كل مستوى 3 رح يكون في النهايه 3 من 5 لكن انا اشوف ان الواحد يمشي على خطة الجامعه بقدر المستطاع ويحاول في كل ترم يشد حيله ويرفع معدله لانه لو اخذ مثلا التراكم للمستوى الاول والثاني 3 واسنه الثانيه 3.5 والثالثه 3 والربعه 3.75 رح يكون معدله النهائي 3.3 |
رد: بخصوص الترم الصيفي
صح يا النائب، لكن لا تنسى أنها فترة إجازة. ما عندهم موظفين بالقدر الكافي.
فيه ناس تروح إلى جدة تختبر كل المواد في جامعة عبدالعزيز من كل مكان. ما يضر نروح للإحساء يومين. ---------------- كلامك مفهوم يا أخ الجارح. لكن ما هي الميزة لمعدل مرتفع مع مواد قليلة وسنوات طويلة؟. إذا كان بعض الناس ينظرون إلى المعدل فقط، فلهم ذلك، لكن من حق غيرهم أن ينظروا إلى المعدل بالنسبة إلى عدد السنوات. والأفضل كما قلت السير مع خطة الجامعة. بلا أي تردد وخوف. الحمل ليس عيباً، والتأجيل ليس حلاً منطقياً، ولا يختلف عن الحمل بالقياس المنطقي. ما علينا من قياس الجامعة. |
رد: بخصوص الترم الصيفي
قادمون يالاحساءءءءءء :13:
|
رد: بخصوص الترم الصيفي
اقتباس:
مثل ماتوقعت انا كنت مأجل الإنجليزي كتابه وفرصه اني أنزله الحين بس انا عندي عقده من الإنجليزي خصوصاً اني حامل الإنجليزي عام من مستوى اول وانجليزي قراءه مادري وش بيصير فيها مع أني متأكد أني حايسها بس أملي بالله اني أعديها .. فأخاف يكون الكتابه صعبه واخسر فيها وقتي ومالي .... فارجوكم افيدوني عن مستوى صعوبتها هل هي نفس القراءه ولا أسهل أو أصعب... ولكم جزيل الشكر ....:love080::love080::love080: |
| All times are GMT +3. الوقت الآن حسب توقيت السعودية: 06:30 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه