|
أسهل مادة وأصعب مادة من رأيكم
السلام عليكم
أخواني انا غيرت تخصصي للأدارة أعمال وحبيت اعرف منكم أسهل مادة في المستوى الاول؟ وأصعب مادة في المستوى الاول؟ يأليت كل واحد يعطيني رائية لاني بسجل الفصل الجاي بأذان الله وابي اعرف المادة السهلة والمادة الصعبة عشان الواحد يكون مركز عدل وياخذ فكرة قبل تسجيل المواد وابي اعرف بشكل عام المستوى الاول صعب ولا سهل و محتاج للدراسة طويلة ولا يكفي شهر واحد قبل الأختبارات للنجاح والتفوق اتمنى تعطوني نصيحة ومشكورين وماتقصرون بنتظار ردودكم |
رد: أسهل مادة وأصعب مادة من رأيكم
حياك ومرحبا فيك معنا في ادارة الاعمال المواد كله سهله علي الي يذاكر ويشد حيله مافيه شي صعب
والله يوفقك وييسر لك ولنا امورنا |
رد: أسهل مادة وأصعب مادة من رأيكم
حياك الله ونوووورت ولله الوضع كبدايه فيه صعوبه لاني ماتاقلمت معاه بس الحين الحمدلله الوضع بديت اتعود عليه المواد بصوره عامه ماهي سهله ولاهي صعبه يبيلها جهد ومتابعه اول باول انا اعترف بتقصيري بالمذاكره وعلى اخر يومين ابدا اذاكر وابي انجح:39: بس الوضع ككل حلو وممتع ومن ناحيه اصعب المواد يمكن الاقتصاد اكثر شي مع ان الاختبار باقي ماختبرناه بس احسه اصعب ماده واسهل مواد بصراحه كنت حيل متخوفه من الـ رياضيات ومحاسبه بس بلاخير حبيتهمم من الاساتذه الله يجزاهم خير على اسئله الاختبار كانت سهله وحببوني بالماده:1: بس انا بوقتها ماكنت مذاكره كويس من الخوف منهم اهم شي انك تتابع اول باول مومثلي لاخر يومين:18: الله يوفقك يارب ويسهل امورك ويوفقناا جميعااا |
رد: أسهل مادة وأصعب مادة من رأيكم
اقتباس:
مشكورة والله وماقصرتي والله يوفقك وتنجحين انشاء الله بدرس قبل الأختبارات بفترة لأن يهمني المعدل أكثر من النجاح المشكلة في امتحانات الرياضيات والمحاسبة والمواد اللي كلها الأرقام تطلع من الاختبارات ماتدري قدمت أوكي ولا لا ناجح ولا راسب لأنها أرقام في أرقام مب مثل مواد كلية الاداب لما تجاوب تدري أن لي جاوبتة صح أو غلط أنتم وش رايكم |
رد: أسهل مادة وأصعب مادة من رأيكم
والله شوف مافي شي سهل
والا فضل لك تبدا اول باول ولاتراكم المحاضرات والمناقشاات والواجباات وتفهم كل شي بووقته وان شاء الله مافي اي شي صعب بتلقااه وبالتوفيق لك وللجميع يارب وفالناا النجاااح :1: |
رد: أسهل مادة وأصعب مادة من رأيكم
اقتباس:
ومن ناحيه خوف من رياضيات ومحاسبه لاتشيل همهم ابدااا لان الوضع احلا بكثير مما تتخيله انا كنت مررره متخوفه وماذاكرت كويس وبلاخير تندمت اني ماشديت حيلي فيهم:18: لان بصراحه مرررره سهليين ومافيهم صعوبه مثل ماانت متخيل بس شد حيلك من اولهااا وفالك التوفيق والنجااح:17: :16: |
رد: أسهل مادة وأصعب مادة من رأيكم
الاداره بحد ذاتها تخصص رائع ماراح تندم انك دخلته
هو صحيح مافي شي اسمه هذا سهل وهذا صعب لان هالشي انت بتحدده لما تشوف المواد بس لازم تركز اول بأول وتشد حيلك و بعدها راح تشوف ان كل شي راح يمشي معاك كويس وبسيط الله يوفقك ويوفق الجميع :2: |
رد: أسهل مادة وأصعب مادة من رأيكم
انا ابقولك هو اول شي واحد يقول ليتني مادخلته انا كنت ابحول من ادارة اعمال لان شي جديد على وصعب لو لاسمح لله رسبت بكذا ماده ماراح احول او اغير تخصصي لان الحين عرفت كيف الاسئله كيف تجي وكيف واحد يذاكر انا عن نفسي مابديت اذكر الا قبل الماده بيومين واكيد انوا واحد لاشد حيله قبل بيتوفق وبيتسهل عليه مواد اكثر بالنسبه اصعب ماده عندي انا الرياضيات ومحاسبه وااول اختبار كان صعب يمكن عشان الاسئله اللى حابه اقولك توكل على الله وشد حيلك وراح بااذن لله تسهل لاتسمع كلام صعب والخ تشد حيلك بتجيب ان شاءالله درجات حلوه ومعدل كويس الله يوفقك ويسهل امورك |
رد: أسهل مادة وأصعب مادة من رأيكم
اصعب ماده محاسبه من منظور شخصي اتكلم
واسهل ماده قانون |
رد: أسهل مادة وأصعب مادة من رأيكم
حياك الله بينا :14:ومستوى أول مافيه صعب ولا سهل
كل شي يكون سهل بالجد والاجتهاد وأي شي تحتاجه حنا بالخدمه |
| All times are GMT +3. الوقت الآن حسب توقيت السعودية: 11:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه