|
اللي يبي درجة النجاح في الاحصاء يدخل هنا .
السلام عليكم ..
يعطكم العافيه جميعا علي تعاونكم ومساعدتكم لبعض عزالله من دونكم ما نسوي شي . المهم ياجماعه قولو لا الله الا الله محمد رسول الله ، وركزو علي اسئله الترم الماضي صدقوني باذن الله راح تجي نفسها حتي بالارقام ، مستحيل تتغير لو تغير مليون دكتور ، لانها اذا تغيرت كارثه ما راح احد فينا يحل وراح نحمل الماده لا سمح الله لذلك انا استبعد انها تتغير . اللي نبيه منكم يا اخوان تعدلون الاخطاء اللي بالحلول حقت اساله الترم الماضي حتي نحفظ الاجوبه ونتوكل علي رب العالمين وبعد ما تعدلونها تنزلونها لنا معدله يا ابطال . انا عن نفسي ولا راح اقرا اي كلمه خارج الاسئله حقت الترم الماضي وبحفظها بارقامها حفظ . وبالتوفيق للجميع . |
رد: اللي يبي درجة النجاح في الاحصاء يدخل هنا .
صباح الخير يا عرب
كلامك مره جميل كمحاوله اخيره ومن وجهه نظري نحفط اسئله الترم الماضي مع الفهم حتى لو طراء اي تغيير نقدر نحل اي شي و اسال الله ان يعدي هالماده على خير |
رد: اللي يبي درجة النجاح في الاحصاء يدخل هنا .
منجد لان مو معقول نعتمد كذا عالاسئله فقط وبعدين تتغير وربي بنموت قهر اخوي نصيحه حاول تذاكر لو عالسريع وابدا وخلي الاسئله اخر شي تتدرب عليها الا اذا كنت واثق انها بتجي من مصدر موثوق هذا شي ثاني عاد علمني انا من امس مواصله عالاحصاء وتوني بالمحاضرة الرابعه وياليل مطوووووووووووووولللللللللللللللللللك قصدي يانهار مطولك :12::12::12::12:
|
رد: اللي يبي درجة النجاح في الاحصاء يدخل هنا .
والله وانا اخوك مقرر الاحصاء اللي شافت عيني يبيله دكتور يدرسك فيه اي فهم ممك تقدر تفهم بالكثير خمس مسائل ، الباقي يبيله دراسه انتظام حتي تفهم مو يومين قبل الاختبار ، احفظ بس وانا اخوك وتوكل علي ربك .
|
رد: اللي يبي درجة النجاح في الاحصاء يدخل هنا .
وانانفس الشي ماعندي وقت و للآن مافتحت المادة براجع الليلة اذا صحصحت اسئلة الترم اللي راح واتوكل على الله بالمناسبة سألت طالبات عندنا في جامعة الملك فيصل بالاقسام الادبية عن اختبارهم في الاحصاء قالوا مغير بالاسئلة قلت ماجاب ولاسؤال من الرتم اللي راح قالوا بلى قلت كم تقريبا نسبة اسئلة الرتم اللي فات قالوا جاب منها حوالي 50% :21: وبالنسبة لمحدثتكم سوير تقول رزق وفضل من ربي على ظروفنا نحصل 25 اجابة صحيحة :29: دعواتكم :16: |
رد: اللي يبي درجة النجاح في الاحصاء يدخل هنا .
اللي به شده تحوس وتدوس حوس مع الربع باسئله الدكتور سلطان يحوس .
لكن تبي الزبده خلك بس باسئله الترم الماضي وصمةها زي اسمك وادخلو وفالكم a + . علي فكره اللي يشوف ردودي يقول وش قصته هذا متمسك باسئله الترم اللي فات انا اوضحلك ليه ، لان الترم الثالث لما كان معنا الاحصاء في الاداره كثر الكلام زي اللحين وانا ركزت علي اسئله الترم السابق وجات مثلها وحليت والله العظيم اني جبت a+ وانا ما طلعت باي فايده من المقرر ولا عرفت عنه اي شي . علي العموم انا ما ابي اكون سبب في حمل الماده لاحد ، لكن عموما لو تغيرت وهذا راح يكون بنسبه ١ بالميه صدقوني كلنا راح نحملها . |
رد: اللي يبي درجة النجاح في الاحصاء يدخل هنا .
الليدي سارة هل التغيير كان بالأرقام ولا طريقة الأسئلة كلها تغيرت ؟
انا مستحيل اروح حافظة الأسئلة .. أفهمها فهم و أعتقد انه كافي اذا فهمت خمسين سؤال على 14 محاضرة وش بقى من المنهج ؟ بليز تأكدي من البنات اللي اختبروها لأنه لو غير طريقة الأسئلة رحنا وطي :12: :16::16: |
رد: اللي يبي درجة النجاح في الاحصاء يدخل هنا .
عطنا احصاءاتك يا بو مسند
|
رد: اللي يبي درجة النجاح في الاحصاء يدخل هنا .
ممكن يجيب نفس طريقة الترم الماضي وإذا ما جابها كلها فوق ٥٠٪ من الأسئلة نفس طريقة الترم الماضي اعرف طريقة الحل على الأقل لو ما جابها بالنص تعرف كيف تحل ،،،
ولو غير رقم واحد في السؤال تغيرت الأجابة احفظ القانون وطبق الحل على أسئلة الترم الماضي بدون ممارسة طريقة الحل راح تواجه صعوبة في الاختبار لو غير أسئلة الترم الماضي ( وان شاء الله ما يغيرها ) مادة قوانينها متشابهة ومواضيعها كثيرة كان الله في عون الجميع ::42::42::42: |
رد: اللي يبي درجة النجاح في الاحصاء يدخل هنا .
حتى حفظ الاجوبة مو راضي يدخل مخي
مادة غثيثة وترفع الضغط وماتنفهم وعندنا دكتور مساعدنا بعدم فهمها انا احس نفسي ضايعه بالماده هذي ماعرف احفظ الاجوبة لازم افهم كيف جات لي يومين احوس فيها وماطلعت باي نتيجة :12: |
| All times are GMT +3. الوقت الآن حسب توقيت السعودية: 10:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام