ملتقى طلاب وطالبات جامعة الملك فيصل,جامعة الدمام - ي أحبة أبي نصيحتكم وخبرتكم شباب وبنات لوتكرمتوا ثواني

- إدارة أعمال 6 (https://vb.ckfu.org/forumdisplay.php?f=364)

ي أحبة أبي نصيحتكم وخبرتكم شباب وبنات لوتكرمتوا ثواني

أخواني وأخواتي السلام عليكم ورحمة الله وبركاته ..

انا اخوكم معكم في مستوى سادس لكن كان قدر الله انه يكون عندي حوسه بالجدول في البدايات ولخبطة شوي المهم مالكم بالطويلة حنا بكرا عندنا بالجدول إدارة معرفة وأخوكم كان ع أساس انه ماخذ اجازة من الدوام اليوم الأثنين عشان يذاكر هالمادة من البارح شوي ويكملها اليوم عشان يقدر يخلصها ع الأقل اليوم العصر وبعد مايخلصها كان ودي بعدها أبدء بمادة أساسيات المحاسبة الإدارية والتكاليف اللي مفروض كنت أخذها أيام مستوى ثالث فقدرالله انه حصل شغل ضروري واضطريت اني أطلع واروح لدوامي وارجع وتوني الحين الحين اببتدي اذاكر مادة إدارة المعرفة فودي أعرف وش نصيحتكم لي وواشلون اقدر اوفق بين اني اذاكر مادة ادارة المعرفة واخلص من مذاكرتها وبعدها اخلص واذاكر مادة اساسيات المحاسبة اللي هي علي يوم الأربعاء الساعة اربع ونص يعني فترة أولى والله اني محتاس وشايل همها وودي بنصيحتكم وشوركم وخبرتكم ي أحبه ..

تحياتي لكم أنا ادري انه مو وقته لكن اعرف انكم ماتقصرون ووقفاتكم معنا كثيرة كثيرة

ويعطيكم العافية

اخوكم / باسم باغريب
الرياض:39::40:

رد: ي أحبة أبي نصيحتكم وخبرتكم شباب وبنات لوتكرمتوا ثواني

.

يووه الله يعينك ذكرتني بالاثنين الجاي نفس حالتك عندي نقود وقانون تجاري :7:

شوف أخوي انت تقدر تخمن بالنظري بس ماتقدر تخمن بمسائل..

إذا مرة مرة ماعندك وقت .. ركز عالمحاسبة أكثر من الإدارة ..

ترى مرة كانت سهلة وأذكر كان فيه أسئلة اختبر نفسك بعد كل محاضرة تعطيك الزبدة ركز فيها :21:

هذا إذا ماتغير الدكتور أذكر كان سعودي بس نسيت اسمه..

وعندك أسئلة اختبار الأعوام السابقة عاد لو تذاكر منها هي بس يكفي بس لاتجازف :42:

لأن أكيد أفكار المسائل مابتطلع منها حتى لو تغيرت الأرقام..

وإدارة المعرفة عندك ( الواجبات + أسئلة اختبر نفسك 1 و 2 و3 + أسئلة المراجعة بالخدمات الطلابية

+ 30 سؤال من اختبار العام ) وإذالقيت بكرة وقت قبل الاختبار اقرا المحتوى ..

وإذا مافهمت مسألة بالمحاسبة ارجع للمحاضرة لأن شرح الدكتور :21::21::21:

هذي وجهة نظري والله يوفقك وييسر أمرك ..

رد: ي أحبة أبي نصيحتكم وخبرتكم شباب وبنات لوتكرمتوا ثواني

انا نفس مشكلتك كان عندي اجازه وكنسلوها اخوانا بالله
وماجيت الا ع الساعه 5

حملت اختبر نفسك كلهم اللي باسم العضوه (طال عمرهاا)
وملخص العلي اللي من ست صفحات

وبكره لا صار وقت تصفحت المحتوى على ان ماتوقع في وقت

فا انت ذاكر المعرفه تالي ذاكر المحاسبه

رد: ي أحبة أبي نصيحتكم وخبرتكم شباب وبنات لوتكرمتوا ثواني

^

أما ملخص من ست صفحات ؟! :38:

أكيد هذا تلخيص تلخيص تلخيص الملخص :5:

رد: ي أحبة أبي نصيحتكم وخبرتكم شباب وبنات لوتكرمتوا ثواني

انت مضيع وقتك بكتابة الموضوع ،، ياخي خذ الموضوع ببساطة وتنجح صدقني .. شف انا توني طالع من اختبار ادارة العمليات وبكرا عندي ادارة المعرفه ومابعد فتحته .. وقاعد اسولف بالمنتدى وبنام بعد شوي وبقوم على الساعه 12 اقلب فيها شوي وبرجع انام والصبح ابدا اذاكرها ..

Take it easy يا عزيزي Take it easy

:17:

رد: ي أحبة أبي نصيحتكم وخبرتكم شباب وبنات لوتكرمتوا ثواني

ابدا بالمعرفه اليوم يمديك تخلصها مع مذاكرة الاسئلة المراجعه والفاينل الاموره سهله والدكتور واضح من أسئلته التيرم الماضي مايحب اللف والدوران والتعمق في المحتوى
بالنسبه للمحاسبه عندك يوم غداً ان شاءالله يمديك تذاكر من الظهر الى العصر 5 او 6 محاضرات الاولى
وبعد اختبار المعرفه كمل مذاكره الشغله كلها تنظيم وقت وماتلقى نفسك بيوم الاختبار الا مخلص جميع المحاضرات ان شاءالله

شد حيلك وتوكل على الله :19:

رد: ي أحبة أبي نصيحتكم وخبرتكم شباب وبنات لوتكرمتوا ثواني

لبى قلوبكم والله ي اللي عبرتوني ورديتوا والله وماقصرتوا وفتحتوا نفسي وعطيتوني وأمل والله جد كان نفسيتي ع قولتهم في الحضيض لكن الحمدلله لا يخلوا المنتدى من الداعمين أمثالكم ي أحبه ..

وأختي ي سيدة الأسئلة أبشرك الدكتور نفسه السعودي الملحم للحين وأسئلة العام وقبل العام موجودة عندي لقيتها عند بعض الأخوة والأخوات شرواكم ماقصروا ساعدوني واجمعوها لي فنا الحين بتوكل ع الله اكمل ادارة المعرفة وبحول لا خلصت الحين او الصبح بحول الله وقوته اذاكر اساسيات المحاسبة وربي ماراح يخيب ظني وراح يساعدني ان شاء الله رغم ان النفسية لكم عليها عقب النظم ومباديء الادارة لكن الله يعديها والله ودنا ننجح ونعدي بس ..
:29: