|
تكفون يالربع افزعولي بجواب لهالسؤال
1 مرفق
السلام عليكم ورحمة الله وبركاته
ادري كلن مشغول بالمذاكر لكن والله سؤال طلع الشيب براسي ماعرفتله ابد اللي يعرفله تكفون لايبخل علينا بالحل :10: :44: طبعا انا فاهم السؤال وبداية الجواب الا القاعده حقت القيمه الدفتريه اللي هي القيمه الدفتريه = تكلفة الاصل - مجمع استهلاك السياره اللي ابي افهمه كيف جاب تكلفة الاصل 12000 عجزت افهم السؤال بالمرفقات |
رد: تكفون يالربع افزعولي بجواب لهالسؤال
القيمه الدفتريه عند البيع =تكلفه الاصل - مجمع الهلاك
هنا لازم نطلع مجمع الاستهلاك بطريقه تاقسط الثابت =تكلفه الاصل - الخرده /العمر الافتراضي 130000 - 10000 / 6 = 20000 وطالما بنبيع في السنه الثانيه نضرب في 2 علشان نطلع مجمع الاستهلاك 20000 *2 =40000 اذا بستخدام القانون الاول 130000 - 40000 = 70000 القيمه الدفتريه القيمه البيعيه - القيمه الدفتريه 40000 - 70000 = 30000 خسائر |
رد: تكفون يالربع افزعولي بجواب لهالسؤال
الله يوفقك ويسعدك
يعني اللي افهمه منك ان السؤال نفسه في غلط صح :31: لان حلي مشابه لحلك بس انا كنت بعرف من وين جاب تكلفة الاصل 12000:6: مع انه عندك غلط اتوقع بالناتج 130000-40000= 90000 انت كاتب 70000 |
رد: تكفون يالربع افزعولي بجواب لهالسؤال
مدري بس احس السؤال والاجابه خطاء فيه
ببساطه 130000 قيمه السياره - 40000 قيمه الاستهلاك لسنتين = 90000 90000 القيمه الدفتريه الحاليه للسياره - 40000 قيمه بيع السياره بشيك = 50000 وهي خساره |
رد: تكفون يالربع افزعولي بجواب لهالسؤال
أسمـع حبيبي ، هذي مالها غيـري بحلهـا لك بـ قانــون (( فهد السويلمي )) قانون اخترعته اليوم وانا اذاكر
أنسى قوانين المسأله وأنسى حل المسأله الصعب ، وأبيك تفتح مخـك معي وشغلـه بس شوي وتفهم طريقتي الخاصه يقولـك سعر السيارة 130000 وسعر الخرده 10000 نقصهم من بعـض يطلع لك 120000 طيب الحين صار سعرها 120000 وعمرها الأفتراضي 6 سنوات الحين أقسم ( ÷ ) نقسم الـ 120000 على عمرها الأفتراضي الي هو 6 سنوات يطلع لنا الناتج ( 20 الف ) يعني كل سنه من الـ 6 سنوات عباره عن 20 الف .. كل سنه فيها 20 الف وانت عندك 6 سنوات وبعدها أنت قررت تبيعها بنهاية السنه الثانيه ( يعني أستخدمت سنتين وكل سنه فيها 20 الف ) يعني أستخدمت 40 الف بالسنتين الي جلست عندك فيها السياره الحين سعر السياره (( 120000 )) نقـص منها السنتين الي أستخدمت فيها السياره .. صاروا 80000 وأنت بالسؤال قررت تبيها بـ 40 الف بعد أستخدامك للسياره سنتين نقـص 40 الف من الـ 80 الف الباقيـه ..... صار باقي لـك 40 الف ما استخدمتهم يعني أنت خسـران 40 الف بالنهايه ركز بكلامي وهات ورقمـه وقلم وصدقني بتفهم كلامي وبتحل السؤال بدون معادلات وبتحلـه ب طريقتي طريقة ذكاء وفهم |
رد: تكفون يالربع افزعولي بجواب لهالسؤال
اقتباس:
الله يعافيكم شلون 130 الف ننقص منها 40 الف يطلع الناتج 70 الف ؟؟؟؟؟ شلون تجي ذي ؟؟ |
رد: تكفون يالربع افزعولي بجواب لهالسؤال
اخوي فهد والله انك بطل ولو مايعطونك دكتوراه بالمحاسبه غلطانين
ياخي يسلم بؤك ويدك اللي كتبت ومخك اللي فهمنا الله يسعدك بس قانون فهد السويلمي راح يضبط ع جميع الارقام ولا بس في هذا السؤال :17: |
رد: تكفون يالربع افزعولي بجواب لهالسؤال
قامت المنشأه بشراء سيارة =130000
قيمتها كخرده =10000 العمر الافتراضي=6سنوات قرر بيعها في نهاية السنه الثانية من عمرها الافتراضي 40000 الحين صار كل شيء قدامنا نبدء نحط القانون ونحل نحسب قسط الاستهلاك=قيمة الاصل -الخردة \العمر الافتراضي 10000-130000\6 قسط الاستهلاك=20000ريال للسنة الواحده مجمع الاستهلاك= 20000×2=40000 ريال ضربت ال20000 في 2 لان قال قرر بيعها في السنة الثانية القيمة الدفتريه = تكلفة الاصل -مجمع الاستهلاك في سنة البيع انت اخوي تسأل كيف جات ال12000 ريال هو طرح القيمة الاساسية - الخرده نعوض 12000-40000=80000 ريال لحساب الربح او الخسارة = القيمة البيعيه - القيمة الدفتريه = 80000-40000 = -40000 ريال خسائر صح حل اخوي فهدد لان اصلا مايصير يطرح القيمة الاصل من الخرده بس فسرت حل يلي حاله كذا بس هو الجواب الصحيح -30000 ريال موفقين |
رد: تكفون يالربع افزعولي بجواب لهالسؤال
يا شباب الله يهديكم ترى فيه غلط
لانه في حاله انك تبي تبيع السياره قبل انتهاء فتره الاهلاك اللي مقرر لها لازم تحسب قيمه السياره كامله بدون طرح قيمها خرده يعني 130 الف مش 120 الف |
رد: تكفون يالربع افزعولي بجواب لهالسؤال
اخوي فهد بعد ماتعمقت بقانونك احس اني ببلش لانه انت تقول انك صار باقيلي 40 الف يعني انا كسبان مو خسران فكيف صارت خساره يبيلها اعادة نظر
طيب اختي هناد خذيني ع قد عقلي انتي تقولين ان ال 12000 جابها بعد ماطرح القيمه الاساسيه - الخرده نعوض دقيقه القيمه الاساسيه 130000 - الخرده 10000 = 120000 *120 الف* مو 12000 *12الف* في بلا بالسؤال او بمخي واتوقع مخي |
| All times are GMT +3. الوقت الآن حسب توقيت السعودية: 10:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام