|
كليــــة الآداب بالأحســـــــــاء؟؟
السلام عليكم ورحمة الله وبركاته وعندي كم استفسار اتمنى اني الاقي الاجابات عندكم انا انقبلت بكلية الآداب بجامعة الملك فيصل وقالو لي اطبعي التعهد ونموذج القبول وارسليها مع الوثائق حقتك للجامعه عبر البريد الممتاز وسويت كل ذا وطلع لي تم التأكد من الوثائق وتم قبولك بشكل نهائي وسيتم بدء الدراسه 14-10-1430هـ يعني خلاص؟ انتظر لين يجي هالتاريخ واروح الكليه ولا كييف؟ والقرار اللي صدر من الملك عبدالله يشمل الكليات والجامعات ولا تبتدي دراستنا نفس اليوم ما يتأجل؟ وكلية الآداب تم فصلها عن كلية التربيه حبيت اعرف وين موقعها بالضبط؟ ومن خلال بحثي في موقع الجامعه شفت رابط http://www.kfu.edu.sa/ar/Deans/Admis...ual143010.aspx اتمنى تفيدوون فيه :bawling: |
رد: كليــــة الآداب بالأحســـــــــاء؟؟
وعلـــيكم السلاام والرحمه
بما انهم ارسلوا لج تم تسليم الوثائق يعني خلااص اول يوم نداوم فيه 14|10 اما عن التأجيل فالجامعات والكليات مو ضمن القرااار واذا تبين تعرفين اي استفساار روحي قسم كليه الاداب تحياااااتي |
رد: كليــــة الآداب بالأحســـــــــاء؟؟
روحي اول يوم دراسه 14 عشان الجدول وبطاقات الخروج وهالشغلات ..
بعدين سأليهم اذا راح يعطونكم محاضرات من اول اسبوع ولا لا .؟ بس اول اسبوع تعارف وبالعاده مافيه محاضرات .. والجامعات ما يشملها القرار للأسف :011: .. موقع الكلية سمعت انو ع خط قطر بس مدري وين بالضبط .. الرابط الي حطيتيه اسماء المواد المطروحه لكل الكليات .. عشان يرتبون جداولهم ويسجلون الساعات الي يبغونها .. |
رد: كليــــة الآداب بالأحســـــــــاء؟؟
انا بعد سمعت انه عند خط قطر بس مب اكيد قالو لي
وقالو انهم فتحو كليه قريبه من العثيم وما يندرى |
رد: كليــــة الآداب بالأحســـــــــاء؟؟
اختي انتي انقبلتي بالجامعه أو بالكلية ؟؟؟
جنب العثيم مافيه كليات جديده مافيه الا كلية التربية الأقسام العلميه وهي مو جديده أما كلية التربية الأقسام الأدبيه تغير مسماها الى كلية الاداب بالأحساء وتغير مكانها بعد هي كانت عند الهلال الاحمر عند الكونتينتال أما الحين في شارع الرياض اتوقع ! وبيكون الدوام في الكلية الجديده من اول يوم |
رد: كليــــة الآداب بالأحســـــــــاء؟؟
هاااي بنات
انا تضايقت لما قريت انو الجامعات مايشملهم القرار انتوا متأكدين ........ بليز زززز قولوا لا:Cry111: |
رد: كليــــة الآداب بالأحســـــــــاء؟؟
نعم الجامعات لايشملهن الاجازه ومثل ماقالو الأخوات تروحين يوم 14 وتاخذين الجدول عشان تسجلين موادك على البنر ومادري كيف
وموقع الاداب الجديده طريق الرياض قريبه من ماكدونالدز الجديد الي بالسلمانيه الجنوبيه وحوله مجمع النخيل جديد |
رد: كليــــة الآداب بالأحســـــــــاء؟؟
هلا وغلا انتي انقبلتي بنفس كليتي
هذي الكليه الجديده على شارع الرياض واي استفسار انا بلخدمه... .... |
رد: كليــــة الآداب بالأحســـــــــاء؟؟
اكيد انه على طريق الرياض يعني هي اقرب ولا الجامعه وربي اني منحاسه
<< ما تعرف احد فيها :Cry111: طيب سؤال الحين حنا اللي نختار القسم ونضبط الجدول ولا هم اللي يختارون لنا كل شي ويختارون لنا كل شي؟ |
رد: كليــــة الآداب بالأحســـــــــاء؟؟
السنه الأولى تحضيريه
مافيها اختيار قسم هم الي يرتبووو لك الجدول ويعطوك ايااه اللي عليك بس تدخلي ارقام المواد في البنر وبس |
| All times are GMT +3. الوقت الآن حسب توقيت السعودية: 08:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام