|
والله مالي خلق اذاكر ابدا ونفسي مسدوده
السلام عليكم اخواني خواتي مثل ماهو مبين بالعنوان كل ماجي ابي اذاكر نفسي تنسد والله العظيم واقفل الكتاب والملخصات ,,, حتي لما اجي اقرا وابي احفظ ماني قادر اجمع ابدا وبصراحه احس نفسي مليت من الدراسه مع العلم الفصل الاول كان وضعي افضل من الحين بكثير الفصل الثاني والله مادري وشو السالفه في اغلب المواد لدرجه اني افكر بلانسحاب من الجامعه والشعور هذا بدا معاي من اخر يوم كان عندنا اختبار محاسبه واحد الفصل الاول ,,,, وبصراحه مادري اكمل معكم ولا
|
رد: والله مالي خلق اذاكر ابدا ونفسي مسدوده
اخوي كلناا كذا والله
وانا من الصباح الي الحين ع الاخلاق يعني اذاكر وانس اللي ذكرته ورجع مره ثانيه من البدايه وبعدين ليش تنسحب ماباقي شي وشد ع نفسك وفالك a+ يارب:1: |
رد: والله مالي خلق اذاكر ابدا ونفسي مسدوده
الحال من بعضه .. انا للحين افتح الملخصات واسكرهم ابد مالي خلق بس لازم نشد شوي مابعد التعب الا الراحه ان شاءالله نذاكر اللي نقدر عليه والباقي على ربك |
رد: والله مالي خلق اذاكر ابدا ونفسي مسدوده
ياخوي الله يهديك اذا الواحد بيتبع هواه ماسوينا شي
توكل على ربك وابدأ بأحب ماده عندك او اللي تحسها اسهل وخلك معنا لاتسحب ولاشي بعدين رح تندم وتقول ياليت كملت ووو ... ردد دايما ان الماده سهله وانك تفهمها وتعرف كيف تذاكرها وبتقدر تبدأ باذن الله |
رد: والله مالي خلق اذاكر ابدا ونفسي مسدوده
اخوي بحر ابشرك انا اخس منك والله ولا ماده خلصتها بس افهي بالمواد واقفله مالي خلق بالحيل
تدري حتى المناقشات والمحاضرات نصها ماحملتهن والنظام ماعاد يفتح معي والشكوى لله ومع هاذا كله احس انوه فيني وناسه تسذا او برود :8: المهم اعرف نفسي مااصمل زين الا وقت الامتحان وانت ماعليك افتح المواد واقراء حبه حبه تبدا تركز وتحفظ اوما الانسحاب شيلوه من راسك :29: |
رد: والله مالي خلق اذاكر ابدا ونفسي مسدوده
ليه التذمر وانا اختك انت مادخلت الجامعه الا بهدف صح كلامي او لا ليه ما تحاول تجتهد وتوصل لهذا الهدف
اخوي اسمع نصيحه مني كل شي والدراسه سلاح لعدوك ,, فكر بكلامي وقول ليه ما اكمل ايش الي ناقصني وليه هالخمول فكر فيها بتلاحظ ما عندك أي مبرر انك تكمل وتنجح ..شوف من حولك وشوف كيف يكافحون وكيف يحاولون يتعبون على انفسهم حاول ترسم حلمك للوصول للنتيجه .. ياخي في ناس ربي ما انعم عليهم مثل ما انعم علينا وهذا هم طمحوهم الوصول لحلمهم ولا قالو اعاقتنا كانت السبب ليه حنا نستصغر بانفسنا . قول انا قدها وراح انجح وخل عنك الخمول والتخاذل السموحه اذا انفعلت زياده |
رد: والله مالي خلق اذاكر ابدا ونفسي مسدوده
ههههههههههههه واللي مفهيه ومضيعه الدرب مثلي ابوك والتبلد اللي جاني :5: احس اني بجيب الآعياد بدري:44: لاحد يقول دافوره قسم اني هالمستوى من جنبها:12: الله متى يجي هذاك اليوم اللي اقول فيه وناسه وناسه خلصنا الدراسه أ:8: طيب نضحككم شوي بالله شوفوا المتواجدين طموح عجيز:5::5 ::5::5: شكلها تقرب لطموح شايب فاطسه ضحك بقوووووه:5: ونسني الآسم بس إن شاء الله تطلع عجيز طموحه فعلا وتهب لنا من ذا الملخصات والقفزات والآسراب اقول كلن على كتابه ولايكثر:25: |
رد: والله مالي خلق اذاكر ابدا ونفسي مسدوده
هههههههههههههههههههههههه الله يرج عدوتس قتلني النك بالمررره :5::20:
|
رد: والله مالي خلق اذاكر ابدا ونفسي مسدوده
نصيحه من اخ مر بظروف كثيرة وعرف ان الدارسة هي سلاحك الوحيد لان الايام القادمه
توجد فرص عمل كثير ةبعد تصحيح اوضاع السوق من غير السعودين من اعمالهم واستبدالهم بالسعودين وفتح المجال في القطاع الحكومي وفتح المدن الاقتصادية وفيالشخص الغير مؤهل فرص الوظيفية قليله وفيحال حصل علي عمل وكان مجتهد يروح عمله لغيرة ويضغطون عليه ويقولون لوطلع من عندنا مو محصل عمل غير تكون حياتك كلها معاناه واستغلال وضغط يكفي معك اخوان وخوات في المنتدي يخافون علي مصلحتك ويدورن عليك والله العظيم ما تحصل مثلهم الله يوفقهم تعاون معنا ولا تفكر في الموضوع وشيل الموضوع من راسك اخوك ابو فهد |
رد: والله مالي خلق اذاكر ابدا ونفسي مسدوده
هههههههههههههههه
اخت مصطفي قسم خفت منك يالهعجيز :44: وخري مناك بس :8: والله فطستيني ضحك وانا ضايقه دنيتي .. جعل ربي يجزاك بالجنه ويوفقك اخوي اتفق مع سما وام نجود توكل على الله وترانا كلنا بالهوي سواء ماشين جنب الحيط :27: بس بنقدم وكل شي على ربك سبحانه ابد تعوذ من ابليس وحاول تسمع المحاضرات اقل شي وربي بيوفقك وبنشوفك معنا متخرج :21: لك :16: |
| All times are GMT +3. الوقت الآن حسب توقيت السعودية: 05:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه